مغامرة في متحف الطفل

مغامرة في متحف الطفل

متحف الطفل
ده نقدر نعتبره مكان تعليمى ترفيهى أكتر من أنه متحف والمكان معمول على مساحه شاسعه وتحس ان الناس اللى كان قائمين على تصميمه فى الاول كان فعلا مهتمين بالطفل لان طفلك هيتشد لحاجات كتير أوى جوه الحديقه او المتحف

اول حاجة دخلنا ركننا جوه وبعد كده الولاد قعدوا في جنينة كبيرة لطيفة فيها العاب حلوة قوي وجت مرشدة من جوة سألتنا تحبوا تختاروا انهي متحف. كان في متحف الاهرامات والتحنيط ومتحف الزراعة والحياة اليومية لقدماء المصريين وانا اخترت التاني.
دخلنا جوه المتحف اتفرجنا على كذا عرض وكان معانا مرشدة بتشرح للولاد كل فتفوتة وكمان في حاجات بيجربوها بايديهم . في كمان شاشات بيلعبوا عليها لعب تفاعليه فيها مسائل حسابية وترجمة من الهيروغليفيه ومعلومات عامة .

الولاد استخدموا الموازين وبنوا معبد صغنن وركبوا بازل وعملوا model للزراعة واصطادوا سمك وفهموا السد بيشتغل ازاي وليه وكمان اتعرفوا على الشادوف والطنبور .
الجولة اخدت ساعة تقريبا وخرجنا على النشاط بره .
النشاط كان يختارو شكل بالجبس او حاجة فخار يلونوها .
المتحف متقسم لاكتر من حاجه :
مبنى المتحف وده عباره عن 3 أدوار ( مدة الدور الواحد فى اللف والشرح مش أقل من ساعه ونص ) الدور الاول ده فيه الحضاره الفرعونيه والدور التانى بيتكلم عن مواسم الزراعه فى مصر والدور التالت بيتكلم عن مصر الحديثه زى السد العالى والمشروعات العملاقه كل ده مع شرح على شاشات كبيره تاتش سكرين حديقة المركز ودى متقسمه لجزئين وانت بتعمل الجوله جوه الحديقه فى جزء لشرح النيل من المنبع للمصب وجزء تانى فى حيوانات مجسمه بالحجم الطبيعى منطقة ورش عمل فنية وحرفية ودى الطفل بيقدر يكون حاجات هاند ميد يشتغل فيها وياخدها معاه وهو مروح مسرح رومانى ( عروض عرائس , حفلات صباحية ) كافيتريا ( تتسع لحوالى مائة فرد بأجمل موقع بحديقة المركز )

– منطقة الالعاب ( مقسمة لمنطقتين لاطفال أقل من 10 سنوات ، وأخرى لما فوق 10 سنوات )

المواعيد من 9 صباحا الى ٩ مساء

وأسعار التذاكر وكل المعلومات مع الصور

العنوان : 34 شارع أبو بكر الصديق –هليوبليس – مصر الجديده

قبل ما تتفرج علي الصور بنرشحلك المكان ده
جولة في متحف القوات الجوية المصرية

وسم : /

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

*