سيوه و كمان مره سيوه ♥️
سيوه اسمها واحه الغروب : لان فى كل مكان فيها هتشوف الغروب كانك عمرك ماشوفت غروب قبل كده ♥️
سيوه يمكن من اكتر الاماكن فى مصر الى لسه محتفظه بطبيعتها و عادتها و تقاليدها و اهل سيوه ناس طيبين اوى اوى و شيك جداً فى التعامل و اللغه الامازيغية بتاعهم جميله اوى و بيتكلمو مصرى زينا بس بينهم و بين بعض بيتكلمو امازيغي و اللغه دى ممتده لشمال افريقيا لحد المغرب
طيب ايه افضل وقت اروح فيه واحة سيوه
سيوه ليها موسمين :
– الاول : موسم السياحة العلاجية ودا من شهر 6 لـ شهر 9
– الثاني : ودا الموسم المهم بالنسبه لمعظم الناس وهو الموسم السياحي ، ودا بيكون من شهر 10 لـ شهر 2.
– افضل شهر ممكن تروح فيه واحة سيوه هو شهر 11 عشان فيه عيد الحصاد ومهرجان التمور 🎪
– الاقامه فى سيوه على كل المستويات من اول ١٠٠ جنيه فى اليوم لحد ١٠٠٠٠ فى اليوم ، ايوه زى ماقريت كده فيه فنادق بتوصل لـ ١٠٠٠٠ جنيه بجد
و منهم اشهر واغرب فندق موجود في هناك وفي مصر كلها عامة وهو فندق ” adrere amellal ” دا فندق مفهوش كهرباء ولا تليفونات ولا انترنت ومبني كله من حاجات طبيعية موجود في وسط الجبل ، ده اقل ليله فيه ب 500$ و فيه فندق جعفر الى اتصور فيه مسلسل كفر دلهاب و شابوه ليوسف الشريف ♥️😂
– سيوه فيها حجات كتير اوى لازم تروحها و حجات اكتر لازم تعملها
– من الحاجات التاريخية الجميله الموجوده في واحة سيوه هو معبد الاسكندر، ودا بسبب ان الاسكندر الاكبر كان في المكان ده سنه 331 ق.م.
– غير كدا سيوه موجود فيها واحد من اكتر الاثار الفرعونية غموضا في التاريخ وهو ( جبل الموتي) دا جبل مليان مقابر فيها شبه من خلية النحل وكلها مقابر فرعونيه و مقابر رومانيه
– و جبل الدكرور : الى بيتعمل فيه مهرجان التمور و كل اهل سيوه و الناس الى فيها بيعدو يكلو ٣ ايام فى شهر اكتوبر ببلاش ، و دا علشان تم فيه صلح بين عيلتين من اكبر عائلات سيوه فهما بيحتفلو بالصلح دا كل سنه ( و مكان مثالى لمشاهده الشروق )
– و بحيرات الملح : اللي هتشوف فيها نقاء ولون مايه عمرك ما شفته في حياتك قبل كدا ♥️ وفيه فرصه كويسه جدا للناس اللي مبتعرفش تعوم انها تتعلم العوم في البحيرات دي لان نسبة الملح عاليه جدا فهتخليك تطفوا حتي لو مبتعرفش تعوم 😉 نسبه الملح فى البحر الميت ٣٥٪ فانا عايز اقولك ان نسبه الملح فى البحيرات المالحه تتعدى ٥٠٪ يعنى كده كده عمرك ماهتغرق غير فى حبها
– لازم تروح مدينه شالى : دى سيوه القديمه الى اهلها كانو عايشين فيها من قرن و هيا عباره عن بيوت قديمه مبنيه بالطين و شكلها جميل جداً
– من اشهر الحاجات اللي موجوده في سيوه هي عيون المايه ودي فيه منها الكبريتي والحلو والسخن والبارد 🥰
– واشهر عيون هناك هي عيون كليوبترا الى فيه روايات بتقول انها اتسمت كده علشان الملكه كليوبترا نزلتها لما كانت فى سيوه و روايه تانيه بتقول انها اتسمت كده و خلاص و كليوبترا منزلتهاش اصلا
– و عين فطناس الى هتشوف فيها الغروب كانك اول مره تشوف غروب فى حياتك 🌞♥️
– و كمان لازم تروح جزيره طاغاغين : مكان رائع يساعد على الراحة النفسية والاستجمام .. يشمل بحيرة مياه مالحة رائعة وعين مياه حلوة صالحة للسباحة مليئة بالاسماك و تعرف تشوف فيه الغروب
– و روحو كامب على خالد : حتى لو مش قاعد فى الكامب ممكن تروح هناك تنزل البسين و تشوف المناظر الطبيعيه و تتصور و الناس هناك محترمين جدا و مش هتدفع غير ٢٥ جنيه للفرد ، بس الحمد الله مخدوش مننا فلوس 😂
– لازم تتعرف على اهل سيوه و تصاحبهم و تشترى من سيوه حجات كتير اوى علشان مش هتلاقى زى المنتجات السيويه زى البلح و التمر و الزيتون و كريمات الشعر و البشره الطبيعيه و لازم تشترى توابل كتير اوى لان التوابل هناك رخيصه و ريحتها حلوه اوى و لسه بيور مفيش فيها اى حاجه تانيه
انا شخصياً اشتريت حجات كتير اوى ☺️
– سيوه فيها وسائل موصلات كتير : ممكن تأجر عجله او تاخد تروسيكل الى هو الموصله الرسميه عندهم او تأخر عربيه فان لو انتو عدادكو كبير و دا اوفر بكتير اوى
– و لازم تجرب الاكل السيوى لانك مش هتلاقيه فى حته تانيه بنفس الطعم و الحلاوه دى سواء مندى او مدفون
– و لازم تاكل كريب البلح و تجرب عصير البلح باللبن و تشرب مانجا بالليمون و الريحان و مش هتلاقى اماع من انك تاكل البلح فريش من ع النخل
– و اهم حاجه لازم تاخد خيمتك و و اكلك و تروح تبات يوم فى الصحرا و تشوف الشروق لان مهما حكيتلك الوضع مختلف تماما ♥️♥️🌄
– و لو انت عملت سفارى فى اى حته فى مصر ، انسى كل السفارى الى انت عملتها لان السفارى فى سيوه مختلفه و ممتعه
– هتاخد العربيه اللاندكروزر و هتطلع الصحرا و تروح منطقه بير واحد و تنزل عيون الميه السخنه و الساقعه وتلعب بالسند بورد و تفضل قاعد فى بحر الرمال الاعظم لحد بعد الغروب
– فى النهايه اي حد بيحب اختلاف الثقافات هيحب سيوه اوى و مش هيبقى عايز يروح من جمالها الى هتحسه بقلبك و تشوفه بعينك اوى ماتدخل سيوه ♥️♥️
– و اى حد عنده استفسار انا تحت امره
واحة الغروب ( سيوه ) 😍❤️
سيوه و كمان مره سيوه ♥️
سيوه اسمها واحه الغروب : لان فى كل مكان فيها هتشوف الغروب كانك عمرك ماشوفت غروب قبل كده ♥️
سيوه يمكن من اكتر الاماكن فى مصر الى لسه محتفظه بطبيعتها و عادتها و تقاليدها و اهل سيوه ناس طيبين اوى اوى و شيك جداً فى التعامل و اللغه الامازيغية بتاعهم جميله اوى و بيتكلمو مصرى زينا بس بينهم و بين بعض بيتكلمو امازيغي و اللغه دى ممتده لشمال افريقيا لحد المغرب
طيب ايه افضل وقت اروح فيه واحة سيوه
سيوه ليها موسمين :
– الاول : موسم السياحة العلاجية ودا من شهر 6 لـ شهر 9
– الثاني : ودا الموسم المهم بالنسبه لمعظم الناس وهو الموسم السياحي ، ودا بيكون من شهر 10 لـ شهر 2.
– افضل شهر ممكن تروح فيه واحة سيوه هو شهر 11 عشان فيه عيد الحصاد ومهرجان التمور 🎪
– الاقامه فى سيوه على كل المستويات من اول ١٠٠ جنيه فى اليوم لحد ١٠٠٠٠ فى اليوم ، ايوه زى ماقريت كده فيه فنادق بتوصل لـ ١٠٠٠٠ جنيه بجد
و منهم اشهر واغرب فندق موجود في هناك وفي مصر كلها عامة وهو فندق ” adrere amellal ” دا فندق مفهوش كهرباء ولا تليفونات ولا انترنت ومبني كله من حاجات طبيعية موجود في وسط الجبل ، ده اقل ليله فيه ب 500$ و فيه فندق جعفر الى اتصور فيه مسلسل كفر دلهاب و شابوه ليوسف الشريف ♥️😂
– سيوه فيها حجات كتير اوى لازم تروحها و حجات اكتر لازم تعملها
– من الحاجات التاريخية الجميله الموجوده في واحة سيوه هو معبد الاسكندر، ودا بسبب ان الاسكندر الاكبر كان في المكان ده سنه 331 ق.م.
– غير كدا سيوه موجود فيها واحد من اكتر الاثار الفرعونية غموضا في التاريخ وهو ( جبل الموتي) دا جبل مليان مقابر فيها شبه من خلية النحل وكلها مقابر فرعونيه و مقابر رومانيه
– و جبل الدكرور : الى بيتعمل فيه مهرجان التمور و كل اهل سيوه و الناس الى فيها بيعدو يكلو ٣ ايام فى شهر اكتوبر ببلاش ، و دا علشان تم فيه صلح بين عيلتين من اكبر عائلات سيوه فهما بيحتفلو بالصلح دا كل سنه ( و مكان مثالى لمشاهده الشروق )
– و بحيرات الملح : اللي هتشوف فيها نقاء ولون مايه عمرك ما شفته في حياتك قبل كدا ♥️ وفيه فرصه كويسه جدا للناس اللي مبتعرفش تعوم انها تتعلم العوم في البحيرات دي لان نسبة الملح عاليه جدا فهتخليك تطفوا حتي لو مبتعرفش تعوم 😉 نسبه الملح فى البحر الميت ٣٥٪ فانا عايز اقولك ان نسبه الملح فى البحيرات المالحه تتعدى ٥٠٪ يعنى كده كده عمرك ماهتغرق غير فى حبها
– لازم تروح مدينه شالى : دى سيوه القديمه الى اهلها كانو عايشين فيها من قرن و هيا عباره عن بيوت قديمه مبنيه بالطين و شكلها جميل جداً
– من اشهر الحاجات اللي موجوده في سيوه هي عيون المايه ودي فيه منها الكبريتي والحلو والسخن والبارد 🥰
– واشهر عيون هناك هي عيون كليوبترا الى فيه روايات بتقول انها اتسمت كده علشان الملكه كليوبترا نزلتها لما كانت فى سيوه و روايه تانيه بتقول انها اتسمت كده و خلاص و كليوبترا منزلتهاش اصلا
– و عين فطناس الى هتشوف فيها الغروب كانك اول مره تشوف غروب فى حياتك 🌞♥️
– و كمان لازم تروح جزيره طاغاغين : مكان رائع يساعد على الراحة النفسية والاستجمام .. يشمل بحيرة مياه مالحة رائعة وعين مياه حلوة صالحة للسباحة مليئة بالاسماك و تعرف تشوف فيه الغروب
– و روحو كامب على خالد : حتى لو مش قاعد فى الكامب ممكن تروح هناك تنزل البسين و تشوف المناظر الطبيعيه و تتصور و الناس هناك محترمين جدا و مش هتدفع غير ٢٥ جنيه للفرد ، بس الحمد الله مخدوش مننا فلوس 😂
– لازم تتعرف على اهل سيوه و تصاحبهم و تشترى من سيوه حجات كتير اوى علشان مش هتلاقى زى المنتجات السيويه زى البلح و التمر و الزيتون و كريمات الشعر و البشره الطبيعيه و لازم تشترى توابل كتير اوى لان التوابل هناك رخيصه و ريحتها حلوه اوى و لسه بيور مفيش فيها اى حاجه تانيه
انا شخصياً اشتريت حجات كتير اوى ☺️
– سيوه فيها وسائل موصلات كتير : ممكن تأجر عجله او تاخد تروسيكل الى هو الموصله الرسميه عندهم او تأخر عربيه فان لو انتو عدادكو كبير و دا اوفر بكتير اوى
– و لازم تجرب الاكل السيوى لانك مش هتلاقيه فى حته تانيه بنفس الطعم و الحلاوه دى سواء مندى او مدفون
– و لازم تاكل كريب البلح و تجرب عصير البلح باللبن و تشرب مانجا بالليمون و الريحان و مش هتلاقى اماع من انك تاكل البلح فريش من ع النخل
– و اهم حاجه لازم تاخد خيمتك و و اكلك و تروح تبات يوم فى الصحرا و تشوف الشروق لان مهما حكيتلك الوضع مختلف تماما ♥️♥️🌄
– و لو انت عملت سفارى فى اى حته فى مصر ، انسى كل السفارى الى انت عملتها لان السفارى فى سيوه مختلفه و ممتعه
– هتاخد العربيه اللاندكروزر و هتطلع الصحرا و تروح منطقه بير واحد و تنزل عيون الميه السخنه و الساقعه وتلعب بالسند بورد و تفضل قاعد فى بحر الرمال الاعظم لحد بعد الغروب
– فى النهايه اي حد بيحب اختلاف الثقافات هيحب سيوه اوى و مش هيبقى عايز يروح من جمالها الى هتحسه بقلبك و تشوفه بعينك اوى ماتدخل سيوه ♥️♥️
– و اى حد عنده استفسار انا تحت امره
واحة الغروب ( سيوه ) 😍❤️
قبل ما تتفرج علي الصور بنرشحلك المكان ده
السياحة في سيوة
