متحف القوات الجوية .. Air Force Museum
العنوان : صلاح سالم قاعدة الماظة الجوية امام الكلية الحربية تحديداً جنب مجمع الجلاء الطبي

هي تجربة جديده هناك هتلاقي كافيتريا و منطقة العاب اطفال كبيرة وجميلة هتتفرج هناك على طائرات قتال حقيقي بارقامها المسلسلة. مترتبين علي حسب الادوار والتاريخ. طائرات اكتوبر لسه محتفظه بالتمويه الصحراوي بتاع الحرب

بعدهم الهليكوبترات العاملة في القوات الجوية المصرية بانواعها. وبعدين الطرازات الحديثة زي الاف 16 و الفانتوم. وفي قلب ساحة العرض قاذفة استراتيجية تقيلة من نوع تي يو 16 دى الجولة الخارجية بعد كدة ندخل على الى قاعة كبار الزوار وهي مفتوحة للجمهور وبتعرض افلام 3D عن حرب اكتوبر. بيكون دايماً معاك مرشد او مرشدة فى كل مكان مع شرح تطور تاريخ الطيران الحربي عموما والمصري تحديدا طبعا. بعد كدة حتدخل على جولة بمحاكي الطيران لمعالم مصر السياحية وده طبعا غاية في الجمال والروعة وممكن تركب محاكي طيران الاف 16 وده محاكي بجد بيتدرب عليه طلبة الكلية الجوية وبتطير كانك طاير فعلا بالاف 16 وتلف حولين نفسك 360 درجة كاملة. الجولة بتاخد حوالي 4 ساعات. وسيصاحب مجموعات الزيارة مرشد سياحي

*** والتصوير مجاني ***
ويُرجى الحجز تليفونيا خلال هذا الأسبوع

• وأما الأقسام الخاصة ستكون بأسعار رمزيه، وذلك على برامج:
• محاكاة تعلم الطيران على الطائرة المقاتلة F16
• محاكاة القيام بجولة سياحية فوق معالم مصر من القاهرة لأسوان في الطائرة TU16
  _سينما 9d
• عنوان المتحف: القاهرة، شارع صلاح سالم، قاعدة ألماظة الجوية بجوار مجمع الجلاء العسكري، أمام الكلية الحربية

وللتواصل معها: 01060821860

قبل ما تتفرج علي الصور بنرشحلك المكان ده
بانوراما حرب 6 اكتوبر 1973 من الداخل