خروجة علي النيل
خروجة علي النيل بترد الروح يا جماعة❤️❤️
موجودين بالمنيل وهما : حديقة الفنون – حديقة ام كلثوم
حديقة الفنون
هي تحديداً في شارع عبد العزيز آل سعود
يعني لو جاي من اتجاه الجيزة
فهي بعد كوبري الجامعه بتدخل يمين
وتوجد داخل الحديقة العديد من المقاعد،
و ممكن تاخد اكلك و شوربك معاك
ومسموح انك تدخل بهم
و يوجد بالحديقة مراكب نيلية
ممكن من خلالها انك تأجر مركب صغيرة
وتاخد جوله سريعه في النيل
وتفتح “الفنون” أبوابها،
من الساعة الـ ٨ صباحًا، وحتى ١٢ مساءً
سعر التذكره : 5 جنيه
تذكرة الدخول الكاميرا 50 جنيه
خروجة علي النيل

بارك الكامبو على النيل
المكان : IL CAMPO park
ازاي تقضي يومك كله فرح زي الناس دي هتشوي و تركب كياك في النيل و تجرب ال WaterBike و تصطاد و Activities تاني مختلفة ? ده ممكن تكسب PlayStation 4 كمان ?
تجهز لحمتك المتبلة اللى هتشويها
وتاخد صنارتك معاك وتجهز نفسك علشان تقضى يوم ملوش مثيل
الكامبو عبارة عن ارض كبيرة على النيل كلها زرع و شجر متقسمة قعدات،

الاسعار بتبدأ من 182 جنيه للكبار و 125 جنيه للاطفال و اي طفل اقل من 4 سنين مبيتحسبش، و في كذا باكدج للاسعار حسب الانشطة اللي هتختارها، و تذكرة الطلبة ب 60 جنيه ( القعدة عند البار بس)
رقم الحجز: 01093455959 – 0238098787
العنوان: الجيزة، بعد نزلة الدائري في اتجاه المنيب او نزلة البحر الاعظم عند يافطة اهلا بيك في ابو النمرس، قريب جدا من محطة مترو المنيب، و ممكن كمان تركب نايل تاكس من مرسى حكاوي على كورنيش المعادي بس دا بالحجز قبلها
بارك الكامبو على النيل

باخرة ماشية في النيل Diamond Boat

Diamond Boat
جربت تبقى في حمام سباحة على سطح باخرة ماشية في النيل؟
طب تعرف ان دا موجود في قلب القاهرة و ب 225 جنيه بس!

بيجيلنا اسئلة كتير عن اماكن على النيل، المرة دي احنا جيبنالكم باخرة مش مجرد مكان عادي
الباخرة دايموند باخرة سياحية (5 نجوم) و بتستقبل كل يوم مصريين و اجانب و بتعمل رحلة للغداء و رحلة للعشاء بيكون فيهم ابحار لمدة ساعتين في النيل و بوفيه مفتوح + شو فنون شعبية و تنورة

رحلة الغداء بتكون من الساعة 3 العصر ل 6 المغرب
رحلة العشاء بتكون من 7 ل 10 بالليل
البوفيه بيبقى مكرونة و رز و سوتيه + كفتة، سمك مقلي و فراخ + السلطات و الحلو

تكلفة الفرد 225 جنيه شاملة الخدمة و الضريبة و الاكل والرحلة في النيل و ال Show

الباخرة مناسبة جدا للمناسبات،أعياد الميلاد ، Events و بيكون في خصم للمجموعات
لازم تحجز مسبقا
الحجز عن طريق ال What’s app
01060466667
للاستفسارات ?
01222450008
العنوان:
كورنيش المعادي، امام اديداس و بالقرب من اكاديمية السادات
باخرة ماشية في النيل Diamond Boat

جزيرة المعادى جزيرة وسط النيل

جزيرة وسط النيل وجنينه كبيره وفيها قدر كبير من النظافه بصراحه طول اليوم اللى كنا فيه مقبلناش زباله وسط الزرع وعمال النظافه كانوا متواجدين والامن فى كل مكان وده طبعا يضمن ان مفيش أى مضايقات

أسوء حاجه فى الموضوع ان ممنوع دخول المأكولات بس انا معاهم لان فى اكيد ناس مش هتحافظ على المكان وممنوع دخول الكاميرات الا بأذن من الادراه وتكلفة الفوتوسيشن حوالى ٧٠٠ جنية
تذكرة الدخول ب ٢٥ جنيه ويوم الجمعه ٤٠

العنوان : كورنيش المعادى امام مستشفى المعادى للقوات المسلحة

المواصلات : من حلوان . اى حاجه تحرير او معادى

ومن التحرير اى حاجه حلوان او معادى
جزيرة المعادى جزيرة وسط النيل

على النيل Donut Boat Egypt
تعرفوا ان فى دونتس ظهر على سطح النيل ??
طيب تعرف انك ممكن تفطر في قلب النيل (حرفياً) ب 150 جنيه في رحلة خاصة لمدة ساعة ونص
النفسية محتاجة فسحة زي دي بالظبط .. اللي قصادكم في الصور دا اختراع اسمه دونت بوت
عبارة عن مركبة على شكل دونت بتمشي في النيل ? المركب دي بيبقى ليها شمسية و فيه سماعات بلوتوث تقدر تشغل عليها الاغاني اللي بتحبها، و في النص ترابيزة فيها متصممة على شكل الاطباق و المعالق و الشوك و في مكان للمشروب كمان، عشان الاطباق تكون ثابتة في مكانها طول الرحلة
موجودة في جزيرة المعادي .. و لو حجزت من صفحتهم .. مش هتدفع تذكرة دخول جزيرة المعادي ومفيش زيادة خدمة ولا الضريبة
الرحلة لمدة ساعة للفرد ب 100 جنيه
و سعر الرحلة لمدة ساعة للفرد مع مشروب ب 120 جنيه
الفطار للفرد ب150 جنيه (رحلة لمدة ساعة ونص + فطار + مشروب + دخول مجاني)
الغداء او العشاء للفرد ب 200 جنيه ( رحلة نيلية لمدة ساعة ونص + غداء او عشاء + دخول مجاني)
على النيل Donut Boat Egypt

فندق علي النيل في المعادي كأنك في الاقصر و أسوان
الصور ليست لفندق فى الاقصر أو أسوان
تخيل تصحى الصبح تفتح ستارة أوضتك تلاقي النيل قصادك و النخل و الشجر و الView اللي في الصورة دا
الاسعار بقى:
الغرفة الدبل ب ٨٠٠ جنيه في الليلة للفردين و لو زودت 200 جنيه ممكن تحجز جناح كامل ببلكونتين عالنيل
الغرفة او الجناح يكفوا اسرة (4 افراد)
ممكن كمان تعمل الطلعة دي مع اصحابك سواء هتحجزوا غرفة او جناح، و ممكن كمان تقضوا Pool Day Use يوم كامل في حمام السباحة من الساعة 9 الصبح للساعة 5 المغرب (الفرد ب 100 جنيه) و على فكرة دا حمام سباحة نصف اوليمبي و في كمان تعليم سباحة للكبار و الاطفال و في منقذين طول اليوم حوالين حمام السباحة
رقمهم
01129737480
العنوان
كورنيش المعادي، فندق جويل المعادي (Jewel Maadi Hotel )
فندق علي النيل في المعادي كأنك في الاقصر و أسوان

ارخص خروجه على مركب في النيل ب 3 جنية

خروجه جوا النيل بـ 3 جنيه مصرى فقط !
الأتوبيس النهرى موجود امام ماسبيرو مبني الاذعه والتليفزيون بعد ميدان التحرير وانتا جاي من المعادي
مواعيد العمل من 8 صباحا ل12 مساء
الايام ايه ؟
كل يوم والرحله طويله بتروح لحد القناطر الخيريه يعني لو خروجه يوم كامل تنزلو القناطر تلفو فيها كلها اماكن روعه والله
ازاي تروح مترو؟
مترو يبقي محطه السادات هتطلعي عند المتحف المصري تتمشي مسافه بسيطه
ارخص خروجه على مركب في النيل ب 3 جنية

افضل حفلة غداء اوبن بوفيه فى باخرة متحركة فى النيل
الفطار من ٩ صباحا ل ١٢ ظهرا
الغذاء من ٢ عصرا ل ٥ المغرب
العشاء من ٧ المغرب ل ١٠ مساء
التليفون : 19341
واتساب : 01202655555
العنوان : كورنيش المعادى – امام بنزينة التعاون
افضل حفلة غداء اوبن بوفيه فى باخرة متحركة فى النيل