الصور ليست لفندق فى الاقصر أو أسوان
الصور دى لفندق فى المعادى ❤️❤️
تخيل تصحى الصبح تفتح ستارة أوضتك تلاقي النيل قصادك و النخل و الشجر و الView اللي في الصورة دا
يعنى أوضتك فى قلب النيل والاقامة الليلية ب 800 جنية للفردين
تاخد القهوه او النسكافية وانت لسة بالبيجامة وبتتمطع
وبعد كدة تقعد تفطر في بلكونة الجناح بتاعك مع اسرتك فطار فنادق، و تشرب قهوتك و انت بتسمع فيروز
طيب عارف انك ممكن تنزل حمام السباحة كمان و متخافش خالص من الساقعة دا دا Heated pool تنزل تلاقي المياة دافية و تبقى بتعوم في حمام السباحة و النيل قدامك على طول
شوية كدة و اطلع افرد جسمك عالشازلونج و عندك كافتريا على حمام السباحة تجيب منها عصير فريش او حاجة ساقعة و تقعد تستمتع بدفا الشمس لحد الساعة 4 كدة
تربح شوية و تغير هدومك و انزل اقعد في ال Food court على النيل، و استمتع بمنظر غروب الشمس لحظة بلحظة في النيل، في الوقت دا هتلاقي السما الوانها بتتغير بالتدريج .. كفاية بس انك تقعد تتفرج عالمنظر دا و تستجم خالص .. فعلا انت بمجرد ما بتدخل من بوابة المكان دا بتفصل عن الدنيا كلها و تستمتع بكل حاجة حواليك
البرجولات اللي بتبقى قاعد فيها عاملينها بشكل شيك اوي زي الحاجات اللي في الجونة، و كل برجولة عليها ستاير بيضا .. خد معاك بقى كتاب تقراه او انتهز الفرصة انك تتكلم مع اسرتك و تحكوا و تهزروا مع بعض و تستمتعوا بوقتكم
في كمان تراس فوق الغرف، دا كمان حلو اوي في التصوير، بتبقى واقف و وراك النيل و النخل و الشجر و المنظر من فوق هيساعدك اوي انك تتصور صورة حلوة (لو اتصورت باي زاوية هيطلع فيها النيل)
الفطار اللي بيتقدم مع الاقامة بيبقى معجنات خفيفة (ميني كرواسون، دنش) لكن ممكن تطلب اي حاجة تانية من المنيو على حسابك و الاسعار مناسبة جدا
الاسعار بقى:
الغرفة الدبل ب ٨٠٠ جنيه في الليلة للفردين و لو زودت 200 جنيه ممكن تحجز جناح كامل ببلكونتين عالنيل
الغرفة او الجناح يكفوا اسرة (4 افراد)
ممكن كمان تعمل الطلعة دي مع اصحابك سواء هتحجزوا غرفة او جناح، و ممكن كمان تقضوا Pool Day Use يوم كامل في حمام السباحة من الساعة 9 الصبح للساعة 5 المغرب (الفرد ب 100 جنيه) و على فكرة دا حمام سباحة نصف اوليمبي و في كمان تعليم سباحة للكبار و الاطفال و في منقذين طول اليوم حوالين حمام السباحة
رقمهم
01129737480
العنوان
كورنيش المعادي، فندق جويل المعادي (Jewel Maadi Hotel )