أوبن بوفية مشويات على حمام سباحة فى فندق 5 نجوم

أوبن بوفية مشويات على حمام سباحة فى فندق 5 نجوم

Novotel Cairo Airport
أوبن بوفية مشويات على حمام سباحة تحت الشمسية فى فندق 5 نجوم
كل يوم جمعة فى نوفوتيل المطار بيبقى فى حفلة باربكيو على حمام السباحة ومش بس كدة ده الأحلى بيبقى فى باند Jazz live
يعنى تقعد تاكل مشويات والاغانى الاجنبية شغاله لايف تجربة جديدة ممكن كتير مننا ميكونش جربها
الكلام ده بيبقى كل يوم جمعة من الساعه 1 ل الساعه 4و نصف عصرا
وقت البوفيه طبعا بيبقى فيه معظم أنواع المشويات كباب وكفتة وريش وفراخ ( الفراخ المشوية طعمها حلو اوى )
غير بوفية السلطات والمقبلات والحلو …
والناس اللى مش عاوزة تقوم ممكن تطلب من الكباتن هناك يجيبولهم الأكل على شوايه وكل ما الشوايه تخلص تتملى من اول وجديد تانى لحد ما تجيب أخرك وتقولهم خلاص أنا مش قادر
بس بردو الموضوع له شياكة مينفعش تدخل عالراجل تقوله اديني كيلو كفتة “مثلا” و هخلصه و اجيلك، الشيف بيحط في الطبق 3 صوابع كفتة تقريبا و قطعتين كباب مع 2 ريش ، خلصهم و ارجعله يزودلك تاني و كل براحتك
والنقطة الاهم ان العيش بيتخبز طازة اول بأول يعنى من الاخر حاجة متكاملة
الميزة فى المكان أنك قاعد فى فندق خمس نجوم يعنى الخدمه خمس نجوم واللوبى بتاع الفندق حلو اوى والحمامات كل حاجة كل حاجة هتخلى يومك سعيد ..
الميزة التانية ان الباند مبيبقاش ثابت فى مكانه ده بيلف على المكان كله ممكن تتصور معاهم او تعمل ستوريز حلوة اوى وأكيد معظم الناس اللى عندك هتسألك المكان ده فين ..
مكان شيك اوى ويوم مش هتنساه فى حياتك واللاند سكيب هيخليك تتصور شوية صور ملهاش زى
سعر الفرد : 325شامل الخدمة والضريبة والسعر ده للاكل الاوبن بوفية بس اى حاجة تانية بتطلبها بتتحاسب عليها
العنوان : نوفتيل المطار
التليفون : 01100660606

افضل خروجات علي النيل
مواعيد واسعار متحف الحضارة المصرية بالفسطاط
اسعار دخول برج القاهرة 2021
برنامج سياحي في القاهرة لمدة اسبوع بأقل التكاليف

⬅️ مواقع هامة .. ننصحك بمتابعتها 👍

✈️ اماكن وخروجات حوزو7ozo.com➡️
🍔 منيو مطاعم مصرMenu22.com➡️
📱 اسعار الموبايلاتi2Mob.com➡️
وسم :

اترك تعليقاً

لن يتم نشر عنوان بريدك الإلكتروني.