Nile Crystal – نايل كريستال
حفلة غذاء اوبن بوفيه فى باخرة متحركة فى النيل لمدة ٣ساعات
ومش بس كدة انت هتبقى فى أكتر باخرة متحركة مشهورة فى مصر ( مكتوب يافطة على المدخل انها نمبر وان فى مصر
انت بتنقى اليوم اللى انت عاوزه ويا سلام بقى لو مناسبة لحد عزيز عليك يبقى انت كدة عملت معاه الصح وتحجز من خلال الكول سنتر بتاع المركب يجى اليوم اللى انت رايح فيه تتشيك وتعمل حسابك انك هتخش مكان شيك وكمان هتتصور شوية صور حلوة اوى ..
الناس تستقبلك وتخش تقعد على ترابيزتك وتبتدى العروض الفنية بقى ..
اول حاجة بيبقى فى شو للأطفال عرايس بترقص مع الاطفال و فقرة الساحر
تخلص الفقرة دى البوفية يتفتح وتقوم تشوف انت هتاكل ايه وترجع بطبق على الترابيزة وتستمتع بالاكل وانت باصص ع النيل والموسيقى الكلاسيك الهادية شغاله ..
تخلص الاكل والحلو ويجى شو تانى فى تنورة و فرقة فنون شعبية بيخلوك مش هتحس بالوقت خالص ..
بعد العروض ما بتخلص بيبقى فاضل نص ساعه تقريبا ع الرحلة بتطلع تقف على سطح الباخرة فوق تتصور فى ضهرك النيل و كورنيش المعادى وشوية صور حلوة اوى والميزة فى وقت الغذاء ان فى اخر الرحلة بيبقى خلاص وقت الغروب فبتلاقي الصور حلوة اوى اوى
خلينا بس نقولكم على حاجة مهمه ان دى من اقدم المراكب المتحركة فى النيل و تعتبر قيمة تاريخية حلوة لان تعاقب عليها ناس كتير جدا وكان بيتعمل عليها الاجتماعات المهمه لكبار رجال الدولة ( بس مش هنفسر أكتر من كدة )وهى تابعة لشركة مصر للسياحة اول شركة سياحة فى مصر
سعر الغذاء للفرد : 275 شامل كل حاجة يعنى مش هتدفع مليم زيادة
سعر العشاء للفرد : 300 جنية شامل كل حاجة ومش هتدفع مليم زيادة
أقل من ٥ سنوات مجانًا.
من ٥ إلى ١٠ سنوات يتم دفع نصف السعر فقط
فى باركينج ضخم للعربيات
الفطار من ٩ صباحا ل ١٢ ظهرا
الغذاء من ٢ عصرا ل ٥ المغرب
العشاء من ٧ المغرب ل ١٠ مساء
التليفون : 19341
واتساب : 01202655555
العنوان : كورنيش المعادى – امام بنزينة التعاون