تيكي كيدز

تيكي كيدز

Tiki kids
ايه رأيك فى مكان ولادك يلعبوا فيه وقت كتير وكمان يستفادوا بحاجات فيها تشغيل دماغ وكل حاجة متجابة بماركتها الاصلية مش تقليد ( علشان تستحمل طبعا )

فرح اولادك و خليهم يخرجوا يلعبوا و ينبسطوا زي ما كان نفسك تلعب كل الالعاب و انت صغير، الواحد لما بيشوف ابتسامة اولاده و يسمع صوت ضحكتهم بيحس انه اسعد واحد في الدنيا

الميزة في تيكي كيدز انكم ممكن تتفسحوا و تعملوا شوبينج و تستمتعوا بوقتكم و اولادكم بيتمرجحوا و يلعبوا في الكيدز اريا و انتوا مطمنين عليهم طول الوقت لان الدخول والخروج من بوابة أليكترونية ، كل طفل و هو داخل بيتسجل كل بيانات الاب و الام و الطفل بيلبس face shield على شكل شخصيات كرتونية شكلها حلو اوي بتحمي الاطفال و بتسمح انهم يتنفسوا براحتهم و هما بيلعبوا

المكان اصلا مبهج جدا و طول الوقت مشغلين اغاني اطفال و فيه العاب كتير جدا تناسب كل الاعمار و العاب تناسب الولاد و البنات، بيت الكور، ترامبولين، الوان خشب، و الصلصال الرملي اللي بيتعمل بالاشكال دا و في كمان مكعبات ليجو ” دي من اكتر اللعب اللي الاطفال و الكبار كمان بيحبوها” و بتنمي مهارات الابداع في الاطفال

في جزء كدة للبنات الصغننين فيه بيت باربي الكامل ( 3 ادوار ) و فيه كل الاكسسوارات، كمان هتلاقي فستان سندريلا عشان تقف قدام مرايتها ” و تدلع براحتها، كمان في ركن كدة فيه مانكير للاطفال و المشرفات اللي في المكان بيساعدوا الاطفال في استخدامه

من الالعاب المفضلة للاولاد لعبة العربيات اللي بالريموت كنترول ” هيلعبوا بيها و انت هتوفر بدل ما تشتريها غالية” و في كمان مجسم على شكل غابة و فيه مجموعة كبيرة من الحيوانات زي الدب و النمر و الاسد و العاب تانية على شكل الشخصيات Marvelالكارتونية المشهورة زي Spider Man ,Toy Story, Star Wars

المكان التهوية فيه ممتازة مفيش فيه اي فيش كهرباء مكشوفة، في مشرفات مع الاطفال طول الوقت بياخدوا بالهم منهم و يلعبوا معاهم ” تبقى انت بتتفسح و في حد بيمرجح العيال” و في كافيتريا صغننة كدة عشان لو الطفل حب ياكل او يشرب حاجة خفيفة وكل اللى فيها healty

، في حمامات للاطفال مناسبة لطولهم بحيث ان الطفل يقدر يستخدمها بسهولة، و من المزايا كمان ان المكان ليه بوابة واحدة فا مفيش فرصة ان طفل يدخل او يخرج الا مع ولي امره اللي سجل بياناته وقت الدخول و المكان طبعا متصور كله بالكاميرات لزيادة الامان

الاسعار: عاملين دلوقتي عرض اليوم كلها ب 250 جنيه في كمان حجز بالساعات، الساعة الاولى ب 90 و التانية ب 60 و اي ساعة زيادة ب 50

و اول مرة بس بيكون كارت ب 20 جنيه، الفيس شيلد ب 30 جنيه و لازم يكون في حجز قبلها بالتليفون عندهم امكانية لحجز اعياد الميلاد و الحفلات الخارجية بالتنسيق مع الادارة

الالعاب مناسبة للاطفال من سنتين للحد 12 سنة رقمهم

01033000226

العنوان
التجمع الخامس، مول ميدتاون عند الجامعة الامريكية، الدور التاني

وفى مكان اخر وهاتحبه تقدر تعرفه من خلال الرابط التالى
FunTime Kids Area ملاهي

تيكي كيدز
تيكي كيدز
تيكي كيدز
تيكي كيدز
تيكي كيدز
وسم : / / /

Leave a Reply

Your email address will not be published. Required fields are marked *