ازاي تسافر واحة سيوة بأقل التكاليف

ازاي تسافر واحة سيوة بأقل التكاليف

اولا تكلفة المواصلات
لو غرب و وسط الدلتا ب٢٣٠ رايح او جاي يعني ٤٦٠
لو مواصلات يبقي تنزل مطروح و من مطروح لسيوة و علي حسب السعر للمواصلة
التنقل الداخلي
ممكن تروسيكل في حدود من ٢٠٠ ل ٢٥٠ في اليوم بينقلنا لكل الأماكن او عربيه سوزوكي بتكون ب ٦٠٠ تقريبا
السكن من اول ٢٥٠ ل ٦٠٠ او اكتر علي حسب كل شقه احنا اجرنا ٣٠٠ في الليلة
السفاري طلعنها ٣٠٠ الفرد كنا ٦ بالعشا
الأكل بيختلف من كل فرد للتأني بس من اول ٢ ساندوتش ب٥ ج الفطار
و الغدا من اول ٤٥ لحد ١٢٥
العشا نفس الكلام
البوست طويل بس مفيد للي عايز يروح سيوة و بتكاليف
كويسه و أمان للبنااااات جدا ❤️
روحت انا و ٣ بنات صحابي لوحدنا من غير اَي شركة و كل حاجه كانت حلوة و بنعمل كل حاجه براحتنا
من الأماكن اللي كنت مبسوطة وانا فيها كل حاجه هناك حلوة
الناس هناك كويسه مش كلهم علشان اكون صادقه بس الأغلب كان كويس و بيساعدنا
قضينا هناك ٥ ايام ٤ ليالي
حجزنا باص غرب الدلتا من الترجمان لسيوة ب ٢٣٠ ج رايح بيطلع كل يوم الساعة ١٠ مساء من الترجمان و ١٠:١٥ مساء من عبدالمنعم رياض بنوصل هناك علي ٩ ٩:٣٠ صباحا
سافرنا الخميس بليل وصلنا الجمعه الصبح كنا متفقين مع حد يشوفلنا شقه تكفي ٤ و تكون نضيفة و حصل الشقه كانت جمب قسم سيوة و موقف الباص روحنا عليها الصبح و نمنا ٣ ساعات صحينا روحنا كلنا كسكسي في مطعم عبده بعدها Old Shali اللي هي قلعه شالي القديمة و دي مدخلها في نص السوق طلعنا و نزلنا نتمشي حوالين الجبل بالصدفه لقينا راجل كبير جميل الحج شاكر هو وابنه و احفاده روحنا نسأله لو عايزين نطلع الجبل أمان ولا لا
راح قالنا لا إنتوا تتفضلوا عندنا و فعلا طلعنا عنده بينهم في نص الجبل تقريبا و شوفنا أهل بيته و احفاده ناس جميله جدا و ادونا بلح و دوقنا مربي الزيتون اول مره ادوقها حلوة جدا طلع هما عندهم محل و بيصنعوا الحاجه دي بنفسهم اسمه (امال سيوة) جبت من عندهم كل حاجه تقريبا
بعد كدة روحنا مطعم علي عليوة كلنا فراخ ابو مردم
و خلصنا روحنا كامب علي خالد كان في حفله بدوي و سيوي هناك حلوة
بعدها نزلنا عين المياه السخنه هناك بليل كان احساسا مختلف و خلصنا روحنا وده كان اول يوم
تاني يوم روحنا جبل الاسكندر او الوحي ب ١٠ج الدخول و بعدها علي معبد آمون هو باقي منه جزء صغير جدا
و روحنا عين كليوبترا بس منزلناش لانها عميقه جدا و مكنتش نضيفة خلصنا عدينا علي جبل الدكرور و من هناك علي البحيرات المالحة
بحيرات كتييييير جدا وكلهم احلي من بعض نزلنا واحدة لوحدنا و خلصنا روحنا علي كامل علي خالد علشان كان لازم بعد الملح ده ننزل مياه عزبه روحنا هناك و شربنا احلي بلح بلبن و خلصنا و اتصورنا في الكامب و هو فاضي بالنهار
خلصنا روحنا علي جزيره فنطاس و شوفنا احلي غروب شمس و تعاكس الشمس علي البحيرة تحفة ❤️
بعد كل ده روحنا كلنا فراخ بالزيتون في ببنشال مكنتش احلي حاجه بس بشكل عام مقبوله و فضلنا هناك لحد ما قفلوا و روحنا
تالت فطرنا و روحنا علي جبل الموتي و طلعنا للقمه و شوفنا سيوة كلها من فوق حلو قوووي بعدها كان وقت السفاري روحنا الصحرا من الساعه ٣ و وقفنا نتصور و نلف كتيررر و بعدها روحنا بحيرة المياه الساقعه اللي في وسط الصحرا و فيها زرع كمان ❤️ و بعدها بير واحد ده عين المياه السخنه
لحد قبل الغروب عملنا sand boarding و ولعنا نار شربنا شاي و كلنا سوداني لحد ما الدنيا ضلمت روحنا الكامب اللي في وسط الصحراء علشان نتعشي هناك مفيش اَي كهربا خالص كنا بناكل علي الشمع كلنا ابو مردم و كان احلي من علي عليوة
حظنا واحنا هناك كان في رحلة و معاهم باحث فلكي و معاه تليسكوب شوفنا الكواكب و النجوم و فضل يشرحلنا واحنا حوالين النار و شربنا شاي وكلنا بطاطا مشويه علي النار تحفه روحنا من هناك روحنا الكامب ننزل مياه سخنه بس كسلنا ??‍♀️
رابع يوم كان مختلف شويه كنا قابلنا حد من سيوة و يعرف ناس شغاله في فندق ادرير اميلال كلمهم و جابلنا موافقه ندخل الفندق
وده للي ميعرفهوش أغلي فندق في سيوة مفيهوش اَي كهربا خااالص مكان حلو قووي وكل حاجه فيه من الطبيعه و ده عاده بيروحو الممثلين واخرهم كانت هناك كاتي بيري كانت هناك من شهرين تقريبا
خلصنا و روحنا جزيره ظغاغين مكان حلو قوووي
بعدها رجعنا روحنا كهف الملح عملنا سيشن استرخاء
و روحنا كامل علي خالد لرابع مره ? اكلنا هناك خليناهم يعملولنا مكرونه مخصص و لحمه لانهم اليوم ده كان عندهم عدد كبير و كان فراخ بس
و نزلنا المياه و قعدنا هناك لحد بليل
خامس يوم كان للشوبينج هناك حاجات حلوة جدا و اسعارها حلوة قووي و فطرنا و استعدينا في مطعم بدر احلي من اَي مكان كلنا فيه في سيوة ارخصهم ده في نفس الطريق اللي بيودينا علي علي عليوة و جمب المحل بتاع الحاج شاكر اللي اشترينا منه الحاجه (امال سيوة)

قبل ما تتفرج علي الصور بنرشحلك المكان ده
افضل وقت تروح فيه واحة سيوة

ازاي تسافر واحة سيوة بأقل التكاليف
ازاي تسافر واحة سيوة بأقل التكاليف
ازاي تسافر واحة سيوة بأقل التكاليف
ازاي تسافر واحة سيوة بأقل التكاليف
ازاي تسافر واحة سيوة بأقل التكاليف
ازاي تسافر واحة سيوة بأقل التكاليف
ازاي تسافر واحة سيوة بأقل التكاليف
ازاي تسافر واحة سيوة بأقل التكاليف
وسم : / /

One thought on “ازاي تسافر واحة سيوة بأقل التكاليف

Leave a Reply

Your email address will not be published. Required fields are marked *