بانوراما حرب 6 اكتوبر 1973 من الداخل

بانوراما حرب 6 اكتوبر 1973 من الداخل

بانوراما اكتوبر
رجعت بتقنيات جديدة جدا وفعلا حاجة أتبسطنا بيها أوى
خروجة جامدة جدا و ب 30 جنيه بس،تناسب كل الاعمار

كتير جدا مننا رايح جي على مبنى بانوراما اكتوبر في مدينة نصر، بس مش كتير دخلوه، خصوصاً إن البانوراما كانت بتتجدد لمدة كبيرة انتهت أعمال التطوير من حوالي أسبوع بس .. و بصراحة في فرق كبير و حاجة مشرفة جدا

و من اول ما تدخل بيكون معاك مسئول بيعرفك محتوى الجولة بالترتيب و بيكون في فيديو مسجل بيشرح المكان نفسه، و مستخدمين احدث وسائل التكنولوجيا في العرض، بعدها دخلنا قاعة الصمود و التحدي سنيما واقع أفتراضى بتلبس النضارات اللى بتتوزع مجانا و تسلمها و انت خارج من القاعة مع مؤثرات المياه والروائح والهوا بتعيش جو الحري ، العرض بيتكلم عن فترة حرب ٦٧ لحد ما قبل يوم 6 اكتوبر ٧٣ ” ليها عرض تاني” الفكرة إن طول مدة العرض بيستخدموا مؤثرات صوتية مع دخان داخل القاعة لو في مشهد انفجار مثلا، و لو في طيران بتحس بالهوا فعلا، رذاذ مياة، فلاش حسب المشهد مدة العرض حوالي 15 دقيقة، بعدها بنتوجه لقاعة البانوراما نفسها، حاجة بجد عظيمة هي عبارة عن لوحة زيتية ضخمة تم تجديدها في 2018 عبارة عن محاكاة لحالة الحرب نفسها المؤثرات الصوتية، المزيكا، التعليق الصوتي مع الرسم هيحمسك جدا و يخليك نفسك تنزل تحارب و يحسسك بهيبة و رهبة الحرب، المكان اللي احنا بنكون قاعدين فيه هو اللي بيتحرك عشان تشوف اللوحة بالترتيب حسب الاحداث،

و بعدها بنروح لأخر قاعة بتتكلم العبور و حجم الانجاز العسكري و تأثيره على العالم في الوقت الحساس دا ودى بيتم شرح يوم 6 أكتوبر العظيم بالتفصيل
و في الاخر بيكون في جولة حرة بتتصور فيها مع الدبابات و الصواريخ، هاون، مجسمات للطيرات، و قطع من أجزاء لحطام طيارة حقيقية

التذاكر : الفترة الصباحية ٣٠ جنيه من ٩ ل ٣ العصر

الفترة المسائية : 5 : 10 مساء ب 40 جنية (تفاصيل الأسعار مع الصور )

العربية ٥ جنيه

قبل ما تتفرج علي الصور بنرشحلك المكان ده
القرية الفرعونية من الداخل
جولة في شارع المعز

بانوراما حرب 6 اكتوبر 1973 من الداخل
بانوراما حرب 6 اكتوبر 1973 من الداخل
بانوراما حرب 6 اكتوبر 1973 من الداخل
بانوراما حرب 6 اكتوبر 1973 من الداخل
بانوراما حرب 6 اكتوبر 1973 من الداخل
بانوراما حرب 6 اكتوبر 1973 من الداخل
وسم : / /

Leave a Reply

Your email address will not be published. Required fields are marked *