القرية الفرعونية من الداخل

القرية الفرعونية من الداخل

The Pharonic Village
لو عايز تعرف و تشوف الحياة قبل ٧٠٠٠ سنة كانت عاملة ازاى يبقى روح القرية الفرعونية و متترددش 🗿
هتلاقى فيها ركوب مركب فى النيل و ملاهى للأولاد و متاحف كمان خروجة لكل افراد الاسرة فى مكان واحد 👨‍👨‍👧‍👦
القرية الفرعونية اتعملت علشان تحكيلنا ادق التفاصيل عن تاريخنا باستخدام نماذج مطابقة للحقيقة بالظبط👌
رحلة المركب فى النيل بتبقى ممتعة جدا و فيها سماعات 🔊 بتشرحلك كل حاجة بتشوفها (بالعربى او انجليزى ) و انت بتتحرك بتشوف النبات المستخدم لصناعة اوراق البردى و تماثيل الآلهة الفرعونية و بتسمع شرح لتفاصيل كل تمثال
بعد المركب تبدأ تدخل معبد الكرنك وتعرف معلومات لاول مرة من مرشد بيمشى معاك يشرحلك و بتشوف كمان نماذج لبيوت الفراعنة ” الاغنياء” و “الفقراء”🏡
بعد كدا بتروح الكافيتيريا و البازارات تشترى بردياتو تتفرج على تفاصيل هتعجبك قوى و تتصور باللبس الفرعونى و كمان ممكن تعمل تيشرت مكتوب عليه اسمك بالهيروغليفى 👕👚
الاطفال بقى ليهم ملاهى يلعبوا فيها و ممكن يشاركوا فى الارت سنتر هناك و يرسموا و يلونوا و يدخلوا حديقة للحيوانات الاليفة بالنسبة للأطفال بقى فهيلاقوا متعه بجد فى حاجات تانية غير كل اللى قلناه ده زى أنهم هيقدروا يستمتعوا بفنون كتير في الارت سنتر و يدخلوا ملاهي الاطفال و السينما 9 دي و حديقة الحيوانات الاليفة🐔🐧🐥🦆
المتحاف هناك ١٦ متحف ، التذكرة اللي معاك بتحدد عدد المتاحف المسموح بزيارتها حسب قيمتها، فيه متحف للرئيس الراحل السادات و متحف مقبرة توت عنخ امون و غيرهم 🏭
فيه كمان سوق فرعونى و بيت رعب و انشطة كتير هتتعرف عليها لما تروح اكتر
المهم انك هتقضى يوم مختلف و هتتبسط انت و صحابك او عيلتك و هتشوف مناظر حلوة كتير و هتاخد صور للذكرى حلوة فوق ما تتصور
زى ما قولنالكم فوق انت بتختار برنامجك و وقته عن طريق اكتر من باكدج و غالبا بيكون في عروض على قيمة التذكرة و انت بتحدد اهدافك و على اساسها بتختار التيكت المناسب و الاسعار فى اول صورة
العنوان: الجيزة، ٣ شارع البحر الاعظم، القرية الفرعونية
المواعيد: كل يوم من 9 صباحا حتى 6 مساء
⁦ ⁩ ارقامهم: 0235718675

شاهد ايضا
جولة في شارع المعز

وسم : / /

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

*