اماكن للعب في زايد – دراغون بارك

اماكن للعب في زايد – دراغون بارك

Dragon Park – Zayed حديقة التنين من اماكن للعب في زايد
اعمل حسابك على يوم كل لعب وطاقة وادرينالين وكمان تنزل حمام سباحة
عارفين الالعاب اللي بنشوفها في المسابقات؟ هتلعب كل الالعاب دي ((ب٢٠٠ جنيه)) تستمتع جدا باليوم مع كل افراد اسرتك 🤩
مش بس كدة في كمان حمامات سباحة للكبار و الاطفال 🏊
نصيحيتنا ليك انك تروح من بدري و تجرب كل الالعاب .. هما 7 العاب اساسية للكبار
(( تلفريك، الحواجز المعلقة، تسلق الاطارات، تسلق الاشجار، رماية بالقوس، رماية بالبندقية و الترامبولين))
انت بتاخد 10 تذاكر تقسمهم على الالعاب كلها ..
طيب لو عايز ألعب حاجات معينة بس ينفع؟ اه ينفع بس الاحسن انك تجمد قلبك و تعيش المغامرة في الالعاب كلها
اعمل حسابك في هدوم مريحة عشان تعرف تلعب براحتك .. هتنبسط جدا من الألعاب .. خلينا نشرح لعبة ال High roop
في الاول بتلبس مجموعة احزمة تأمنك 100% و بتطلع سلم “على ارتفاع 5 متر” و تمشي في الهوا على حواجز و اللعبة فيها 12 تحدي كل ما تخلص حاجة هتوصلك لتحدي جديد
اللعبة مش خطيرة هي بس عايزة قلب جامد عشان لما تلعبها بنفسك هتلاقي المنظر من فوق حاجة تانية خالص “غير لما تتفرج عليها” و طول الوقت بيكون معاك مشرفين عشان يتأكدوا من انك بتتبع تعليمات الامان في كل لعبة
من اكتر الالعاب اللي استمتعنا بيها اوي كمان لعبة ال Zip line او التلفريك 🚡 انت بتمسك في حبل “حديد فولاذ”مربوط بين برجين و بتكون لابس بدلة الامان 👷‍♂️ و تستعد
واحد .. اتنين .. تلاااااا هووووب 🤣🤣 تلاقي نفسك طاير بين السما و الارض لحد ما توصل الناحية التانية .. تجربة ممتعة جدا فوق ما تتخيل و مناسبة للكبار و الاطفال ولاد و بنات الكل هيستمتع جداً بيها و متنساش تخلي حد يصورك و انت بتلعب
و عندك بقى كمان الرماية بالقوس و السهم و الترامبولين، بسين المراكب للاطفال، و في Kids area فيها مراجيح و زحاليق و لعبة الشلال الكبيرة دي الاطفال بيحبوها اوي و في كمان ترابيزة بلياردو و بينج بونج و Air hockey 🏒 بس طبعاً الالعاب التانية ممتعة اكتر بكتير 🤩
انت بتختار تلعب الالعاب دي بال 200 جنيه او تنزل حمام السباحة و تلعب في ملعب الكورة او الڤولي و ممكن تختار الاتنين (الالعاب & حمام السباحة) ب 300 جنيه و الاطفال بيدفعوا نص التذكرة 100 او 150 حسب العاب بس ولا البسين ولا الاتنين مع بعض
لو في حد كبير هروح بس مش هيلعب في الحالة دي هيدفع تذكرة دخول بس ب 50 جنيه
* الاسعار دي كلها لحد اخر شهر 6 فا الحقوها
صحيح .. في جنبهم نادي ركوب خيل 🐎 ممكن تركب حصان و تجري بيه شوية “ب ٧٥ جنيه” هي دي مش تبعهم بس سهل تطلب منهم يظبطوهالك 😉
من اهم المزايا إن المكان كله Open air و مفتوح من كل الاتجاهات فا تلاقي الهوا جي من كل حتة و بالليل بقى تقعد عالمراجيح اللي جنب البسين دي و تستمتع بنسمة الهوا الجميلة و هي بتمرجحك .. هتنعس و مش بعيد تنام من كتر الروقان 😇
رقم الحجز
01010272710
العنوان:
الشيخ زايد، امام بيفرلي هيلز بجوار نادي اجياد للفروسية
ممكن توصل باللوكيشن بسهولة

اماكن الخروج في الشيخ زايد
احلي الاماكن في زايد و 6 أكتوبر
ادرينالين بارك اكتوبر
FUNTOPIA فانتوبيا
خروجة بالعجلة جامدة جداً برة الصندوق
احلي الاماكن في زايد و 6 أكتوبر

⬅️ مواقع هامة .. ننصحك بمتابعتها 👍

✈️ اماكن وخروجات حوزو7ozo.com➡️
🍔 منيو مطاعم مصرMenu22.com➡️
📱 اسعار الموبايلاتi2Mob.com➡️

اترك تعليقاً

لن يتم نشر عنوان بريدك الإلكتروني.