سنغافورة … أغلي بلد في العالم ..
?فيها اجمل و اغرب مطار في العالم ، عبارة عن مساحات شجر و زرع و اطول شلالات داخلية في العالم …يعتبر من اهم معالم البلد حاليا و اي حد لازم يزرها حتي لو داخل و خارج بري ..
اكتر مكان زحمة هناك كان جزء الفراعنة جوا universal studios , الناس كلها بتتصور مع التماثيل و القطر كان انتظار ساعتين تقريبا مقارنة بباقي الألعاب .
?مفيش لبان بيتباع هناك ، الدكتور بس من حقه يوصفهولك (دكتور سنان او لبان نيكوتين ) ، اي نوع تاني ضد القانون علشان نضافة البلد .
?عندهم غرامات كتير ، علشان يحافظوا علي الهدوء و النظافة ..زي البصق ، و الخناق ، و العزف في الأماكن العامة ( من بلاد قليلة مش هتشوفوا فيها ناس بتعزف في المترو و الشوارع )
?مش هتحتاج تجيب خط تليفون علشان عندهم WiFi في كل مكان ، و يعتبر اسرع إنترنت في العالم ..
?معظم معالم البلد حضارة من صنع الانسان ،بيعتبروا اكبر roller coaster (قطر الموت ) في universal studios من معالم البلد ، و موجود علي كل الهداية التذكارية ? ، معالم البلد كلهم تقريبا جنب بعض ، المطار هو البعيد حوالي نصف ساعة بالمترو .
كباية القهوة هناك كانت أغلي من الباص السافرات بيه من ماليزيا ?
قعدت فيها ٣ ايام لفيت البلد كلها اربع مرات تقريبا ..قابلت ناس كتير بياخدوها مش بس ملناش دعوة بيهم …
الفيزا ، للمصريين سهلة ، ممكن تطلع علي باسبور ابيض ، بيطلبوا صورتين بس منغير اَي ورق ، ب ٨٠٠ جنيه تقريبا ..
✈️ الطيران ، سنغافورة بلد صغيرة ، متستاهلش انك تسافرلها مخصوص ، فالاحسن انك تروحها مع بلد قريبة زي ماليزيا او بالي ..
عن نفسي سافرتلها من كوالا لمبور في ماليزيا باتوبيس (١٣٠جنيه) ، اخد حوالي ٤ ساعات و نص ، و ساعة دخول و خروج و أختام ، و خرجت منها علي Penang في ماليزيا برده ، بطيران AIRASIA بحوالي ٢٥٠ جنيه ..
المواصلات ، كارت المواصلات عندهم ب ٢٠ دولار سنغافوري ، و دا شغال معاك مترو و باصات ، عندهم شبكة مواصلات مبهرة ، بتغطي كل مكان ، معظم الوقت مش زحمة ..علي طول نضيفة ، كاميرات في كل مكان و لما باص بيتلغي بيعلقوا ورق في كل المحطات بالباصات البديلة ..(بتدفع ٣٠و تأخذ ١٠ و انت بترجع )
? الإقامة ، احسن حاجة private room فهوستل او فندق ٣ نجوم ( اهم حاجة يكون نضيف ) ..و يكون قريب من محطة مترو او باص و دا بيبتدي من ٤٠ دولار في اليوم .
? الاكل ، رسميا الاكل هناك حلال سواء في ال fast food او معظم المطاعم بس عندهم هناك مطاعم صينية كتير فلازم تسال قبلها ، أسعار بتبتدي من ٥ دولار ، الfast food أرخص هناك ، اشهر حاجة عندوهم اللاساكا (نودلز في شربة ) و الهايناني ..
ايه اليتعمل هناك ؟ -جزيرة سنتوسا ، و دي فيها universal studios ، ملاهي مائية و بحر . (بتتراح بالمترو) . 70 دولار سنغافوري .
- Garden by the bay , Marina bay , Singapore flyer , opera house w marlion Park
موجودين في مربع واحد و دول اشهر معالم هناك ( ممكن تتصور صورة واحدة و معظم المعالم دي وراك) -شارع العرب , little India و China ton , دول شوبينج و هدايا و بزارات . - سفاري بليل ، بتمشي وسط الحيوانات في wild park او بتركب ترام بيلف طريق ثابت علشان تشوف الحيوانات بليل ..(٥٠دولار سنغافوري) .
و غالبا لو خلصت الحاجات دي في اقل من ٣ ايام هتعيد فيهم تاني من جمال البلد ?
قبل ما تتفرج علي الصور بنرشحلك المكان ده
كوالالمبور سفرية ب 3000 جنية
