سيارت سابق و لاحق في مصر Mini 4WD Race Cars

المكان : Mini 4WD Race Cars Egypt ?
منتهي البهجة و الفصلان ، المكان ده بيقدم السعادة في لعبة وخروجة في نفس الوقت
عربيات سابق ولاحق رجعت تاني ? ، زي ما تركب آلة الزمن وترجع بيها سنين لورا وتفتكر ايام طفولتك تاني، مواليد التسعينات بالذات هيحبوا اوي يعيشوا المغامرات و المسابقات دي تاني .
المكان عبارة عن store كامل للعربيات ، هتركب و تسابق اي حد ، لما بتكسب اي سباق ، بيساعدك بعد كده انك تزود عربيتك بإمكانيات جديدة

لو انت عندك 11 سنة و لما فوق ال 45 سنة ، تقدر تستمتع بالrace ده و تعيش المنافسة ، بتختار كل حاجة في عربيتك و تنزل بيها في سباق تراكات سريعة ?، وبيكون فيه ناس بتساعدك قبل السباق علي اختيار و تكوين عربيتك ، وانك تجمع كل افكارك في العربية دي وتشوف ايه اللي ممكن يخليك اجمد واحد في السباق
اكتر من 100 نوع عربية تقدر تختار منهم للسباق ده اشهرهم سونيك و ماجنم وبيبقي فيه شرائح كاربو فايبر اللي بتغطي العربية .
الفكرة مش فكرة سباق بس لا فيه حاجات تانية كتير واوزان ورولات وفرامل و وقطع غيار وحوارات كتير
تراكات وعربيات ” Mini 4Wd race ” بتنزل اماكن كتير و بتشترك في ايفنتات كتير ، يعني ممكن تكون واحد من الناس الل بيتنافسوا في ايفنت كبير بعربيتك
من اكتر الحاجات المميزة اللي عرفناها انهم عايشين جو العيلة و الصحوبية اوي وفيه روح حلوة .

ولو عايز تسجل في سباق ” mini race cars ” بيبقي عن طريق facebook او جروب whatspp ، و بعد كده بتتعمل قرعة بنظام نقط او خروج المغلوب و السباق بيكون لمدة ساعتين او تلاتة في اليوم .