ملخص رحلة مرسى علم ثلاث أيام ب ٣٠٠ ج في الليلة

ملخص رحلة مرسى علم ثلاث أيام ب ٣٠٠ ج في الليلة

قعدنا في مرسى علم تلات أيام بالفطار والعشاء
ب ٣٠٠ ج في الليلة
اللي هوه بعد اما طلعنا خايفين يقولولنا فين بقية الحساب ??
او المشاريب مثلا تتطلع ب ٣٠٠ كمان ولا حاجة
قعدنا ٣ أيام حقيقي في الجنة ?
ماكناش عاوزين نخرج منها ..
مرسى علم المياة بتاعتها زي الكريستال ….بس الفرق بين المالديف ومرسى علم انك هتستمتع جدا و وبتكلفه طبعا لا تقارن وصحبة وروح وونس .
قابلنا فريق رحالةفي سفاجا بعد اما عدينا على مدن البحر الاحمر من بداية العين السخنة والغردقة وسهل حشيش والقصير وطلعنا وراهم بالعربية بتاعتنا زورنا مدينة الأشباح في سفاجا
وبعدها طلعنا على مرسى علم..??
المكان كان عبارة عن كامب بسيط بس كان حلو جدا جدا ..على البحر في مرسى علم? ، أكلهم حلو جدا والحمامات نظيفة وممكن تجيبوا حاجتكم او اي مشروبات او اكل وتعملوها في المطبخ هناك وهوه بصراحة ماكنش احسن حاجة بس كان شغال ..
الكامب مناسب اوي للعائلات والشباب وخصوصا لو معاهم كلاب او قطط ..
فيه اللي جاي بخيمته وفي اللي مش معاه خيمة ممكن يقعد في كوخ زي اللي في الصور حسب اللي حابينه .❤️ ويحيى الحقيقة كان بيأخد منام ويروح ينام على البحر كده على طول و ألاقي كلبة الكامب وعيالها نايمين جنبة ? لأن كان في فرش على البحر والخيم بتتحط على البحر مباشرة
غير بقى بعد العشاء .. النجوم بتنور السماء من كل حتة لان مافيش انوار كتير في الكامب وبيبدؤوا يعملولنا
مشروب (الجَبَنة) اللي هيا القهوة في لغة قبيلة العبابدة وبيعملوها من بداية التحميص اصلا ..❤️❤️ بيشربوا قهوة كل يوم ..لازم يقعدوا يحمصوها وبعدين تتحطن وبعدين تقعد بقى على نار هادية
فكنا ممكن نقعد ساعتين تلاته قلبي يدوب فيهم لحتى اما تتطلع القهوة وأشم ريحتها ..حكاوي وقعدة جميلة وروح حلوة عقبال اما نشرب القهوة ..?
كنا نصحى الصبح ..الساعة ٦ ونص ونفطر ونروح بقى كل يوم بحر من شواطىء مرسى علم نقعد نعمل سنوركيلنج بالساعة والساعتين والتلاتة ومانزهقش ،،كل شبر تحت المياة في حاجة جديدة وخيالية لكننا في عالم الأحلام وكلها مجانية ..ومش محتاجين تتدخلوا قوي او تعملوا دايفنج عشان تشوفوا الشعب والسمك ،، بيتشاف من الشط عادي ..?
فيه جنب الكامب شواطىء واحد اسمة مرسى عجلة ..وفي واحد جنبة تاني عند البوابات …بردوه بينهم وبين الكامب ٤ كم تقريبا ..
في احلى شعب مرجانية في الدنيا ..
وفي منطقة اسمها النيزك معروفة هناك ان نزل في الحتة ديه نيزك وبقت شبه النيزك
وفي شاطىء حنكور اب اللي هوه يعتبر واحد من احلى ٧ شواطىء في العالم بعيد عن الكامب حوالي ٧٠ كم
ومحتاج عربية ..فإحنا طلعنا مع فريق شنطة رحالة بردوه وشوفنا فيه احلى شعب واحلى سمك تحت المياة وبعد اما خلصنا حنكور اب ..طلعنا القلعان اكبر محمية طبيعه في مصر
وهيا فعلا تجنن وشجر المانجروف اللي طالع في وسط المياة عامل زي أشجار المانجروف في آسيا ..
والكابوريا اللي بتجري ..ونجم البحر اللي بالالاف هناك ..والقواقع اللي بالمئات عماله تجري حوالينا
ويحيى عمال يجري ورا كل حاجة ??
وفي ابو دباب ..التيكت بتاعته ب ١٣٠ ج بس ماروحتاش
وفي رحلة لمحمية صمداي بتعمل ٥٠٠ ج للفرد ود الي بيبقى فيها دلافين
تجربة التخييم وخصوصا للاطفال بتبقى لذيذة اوي وتجربة مختلفه ..إحنا طالعين معاهم بردوه سيوة تجربة تخييم محتلفة ..واشترينا خيمة صغننه كده على قدنا ??
كمان في ملحوظة مهمة ..ان المواصلات هناك الداخلية غالية يعتي لو هتأخدوا عربية عشان توديكم اي شاطىء فلازم تعملوا حسابكم في الموضوع ده ..

قبل ما تتفرج علي الصور بنرشحلك المكان ده
منتجعات المالديف في مصر

ملخص رحلة مرسى علم ثلاث أيام ب ٣٠٠ ج في الليلة
ملخص رحلة مرسى علم ثلاث أيام ب ٣٠٠ ج في الليلة
ملخص رحلة مرسى علم ثلاث أيام ب ٣٠٠ ج في الليلة
ملخص رحلة مرسى علم ثلاث أيام ب ٣٠٠ ج في الليلة
ملخص رحلة مرسى علم ثلاث أيام ب ٣٠٠ ج في الليلة

2 thoughts on “ملخص رحلة مرسى علم ثلاث أيام ب ٣٠٠ ج في الليلة

Leave a Reply

Your email address will not be published. Required fields are marked *