خروجة مدغشقر بارك

خروجة مدغشقر بارك

Madagascar Park
حاجة كدة خروجة جديدة للأسرة كلها
خلي اولادك يشوفوا الحيوانات و يأكلوهو بإيديهم و يتصوروا معاهم كمان .. يوم ميتنسيش و الكبار كمان بيستمتعوا جدا
اول ما تدخل هتلاقي بيت الفلاح، تقعد تريح فيه، و تلبس الملابس الفلاحي و تتصور بيها
بعد كدة تخرج تتفرج على حيوانات المزرعة زي الخروف و المعزة البلدي (العاديين بتوعنا) و تأكلهم و تتصور معاهم
و في المعيز الفرنساوي ” اللي بيبقى عنده دقن دوجلاس ”
بعدها تروح لبحيرة البط و تلاقي البط بيغطس و يعوم و هات يا لعب ? و صوتهم المضحك دا كاك كاك
بعدها تدخل بيت الدواجن البلدي (فراخ و ديوك)
و تدخل عالنعام و تلاقي النعامة الذكر بترقصلك رقصة التحية (معرفش المذكر بتاع النعامة اسمه ايه)
في بيت الطاووس الازرق بألوانه الجميلة
و الديوك الرومي .. دول بقى نكتة، كل ما تقول حاجة او تعمل حاجة بصوت عالي هتلاقيهم ردوا عليك كوركوركوركور

و هتلاقي جنبهم الفراخ الفرعوني
دي سلالة فراخ فرعونية نادرة و شكلها فعلا مختلف و بتعمل صوت مميز اوي عامل زي صوت القرود شوية و على فكرة عندهم قفص نسانيس و ممكن تأكلهم بسكوت و شيبسي
بعدها بشوية تلاقي بحيرة الوز و برج الحمام تاخد هناك احلى صور خصوصاً وقت الغروب
عندهم كمان غزال و دا من الحاجات اللي في ناس كتير بتطلبها منهم عشان يشتروها و النعام كمان، و عموما لو حبيت تشتري اي حيوان سواء موجود عندهم او مش موجود يقدروا يحيبوهولك و تشتريه
من الحاجات المميزة اوي عندهم
نسر العقاب الذهبي (( اللي على علم مصر )) .. دا ممكن يشيل فريسة لحد 75 كيلو و يطير بيها عادي، بيقدر يلف راسه 360 درجة و تحس إن وقفته كدة فيها هيبة

و بعد كدة هتلاقي قفص فيه ديبين صغيرين، و الديب اول ما يحس بالقلق تلاقيه عمال يلف في القفص رايح جي بسرعة اوي
و في حمام شقلباظ و هزاز و القفص متزين بريش النعام، دا كمان الصور عنده تطلع حلوة اوي
في بعد كدة منطقة الخيول و ال” بوني ” شبه الحصان ( نمشية بونى ومتدقش )اوي بس صغنن اوي و جريته عسل ? وعلى فكرة ركوب الخيل مجانى
اخر حاجة بيت الزواحف فيه
سلاحف، تمساح، ورل صحراوي (كومودو) و و في كمان كذا حرباية و بومة و صقور مصري

التيكت بيبقى شامل ملعب الصابون و حرب الالوان
و التلوين عالجبس و قلة فخار للاطفال

تذكره ب 85 جنيه للكبار – من غير اكل
الاطفال ب 60 جنيه – من غير أكل
و الطفل الاقل من اربع سنوات مجانا

و ممكن تتصل و تتفق معاهم على وجبات لو حبيت تتغدى هناك

في بيتش باجي و رماية ببندقية ضغط هواء لو بتحب تلعب رماية و تتصور بالبندقية – بس دول ليهم تكلفة تانية لوحدهم

**متخليش سقف طموحاتك يعلى بأنك رايح جنينة حيوانات وهتقابل الزرافة والفيل

انت رايح مكان تفسح ولادك ويشوفوا الحيوانات دى متجمعه فى حتة واحدة

رقم الحجز:
01025346432
العنوان:
مدينة العبور، جمعية احمد عرابى خط 8 شمال مسجد مكارم الاخلاق، و ممكن تكلمهم يبعتولك اللوكيشن

قبل ما تتفرج علي الصور بنرشحلك المكان ده
خروجة حديقة الأسرة بالرحاب

خروجة مدغشقر بارك
خروجة مدغشقر بارك
خروجة مدغشقر بارك
خروجة مدغشقر بارك
خروجة مدغشقر بارك
خروجة مدغشقر بارك
خروجة مدغشقر بارك
وسم :

Leave a Reply

Your email address will not be published. Required fields are marked *