لما تروح الفيوم ما تروحش رحلة اليوم الواحد لوادي الريان، دي مش الفيوم ومش احلى حاجة فيها
روح قرية تونس واتعلم تعمل فخار وروح بيه بالذات في مدرسة ايفيلين لصناعة الفخار اللي عملتها ست سويسرية عشان تعلم الأطفال الفخار وتخليهم ينتجوا ويبيعوا
زور متحف الكاركتير بتاع الفنان محمد عبله اللي فيه تاريخ الكاريكاتير لمصر كلها من اوائل القرن ال٢٠
روح اعمل سفاري بعربيات 4*4 وبالذات في منطقة قصور العرب
روح اتمشى في غيطان قرية تونس
اجر فلوكة في بحيرة قارون
لو قدرت تزور معابد الفيوم هتشوف معابد أثرية مختلفة
وما تنساش تشوف البحيرة السحرية اللي في وسط الصحرا، وتزور وادي الحيتان الموقع الطبيعي المصري الوحيد المسجل تراث عالمي طبيعي
الفيوم مزيج بين سيوة والريف المصري وجو الصعيد
ما تقتصورهاش على وادي الريان
دي صورنا واحنا هناك من ٦ ايام
اه لو تقدر تبات في قرية تونس في فنادق تجنن زي فندق سوبيك ومعاملتهم جميلة جدا