صانع السعاده للشوكولاته المستورده

صانع السعاده للشوكولاته المستورده

صانع السعاده
خلاص يا جماعة انا لاقيت الطبطبة 😂😂
صانع السعادة وصل لفرحة سكان أكتوبر 😍😍

ايوة هي دي الطبطبة اللي بدور عليها .. شعور بسعادة غير طبيعية لما الواحد يبقى واقف وسط كمية رهيبة من الشيكولاتة و النوتيلا و اللوتس .. عايز ايه تاني؟

بجد دا منبع الشيكولاتة و اكتر فروع للشيكولاتات المستوردة في مصر!
افخم انواع الشيكولاتة المستوردة زي ميلكا و ريتر سبورت من 20 ل 23 و في حاجات عليها عرض ب 15 جنيه
و عندهم احلى حاجة اللي قالبة الدنيا كلها (اخر حتة في الكونو) بتشتري كيس كدة مليان الحتة دي بس
نفس طعم بسكوتة كونو الايس كريم الخفيفة الجميلة دي، لما تاكل منها هتحس ان هي دي فعلا الطبطبة اللي الواحدة كان بيدور عليها بجد
كمان في انواع شيكولاتة مبتنزلش مصر اصلا زي كيت كات الدهبي (حاجة فخيمة اوي)

و في شيكولاتة رفايلوو بالتوت ( دي اول مرة اشوفها في مصر) في كل انواع شيبسي برينجلز و النودلز الكوري النار في منها اكياس و كوبايات، فناجين القهوة الكوكيز و في منها كمان 3 انواع بالاوريو و اللوتس و البندق

كان في زمان كابتشينو ايطالي بيتباع بالباكيت النوع دا كنت بحبه جدا و اختفى مرة واحدة من السوق، ففرحت جدا لما لاقيته عندهم و بيتباع بالباكيت و كل الانواع موجودة .. يعني اديها كابتشينو للصبح

عندك ركن جميل كدة فيه سبريد لكل انواع الشيكولاتات المشهورة زي مارس، تويكس، و باونتي و في كمان بودر جلاكسي بيتعمل هوت شوكليت (قصة تانية) و ممكن يتعمل سخن او ساقع و الجديد بقى انهم عاملين كب كيك باللوتس و ريتر سبورت (الواحدة ب 25 جنيه) دي اختراع بقى و مشوفتهاش عن اي حد تاني

المحل كبير جدا و متقسم ممرات، هتلاقي في كل ممر اشكال و انواع شيكولاتات كتير جدا، وعلى فكرة احنا بنقولك بص على تاريخ الصلاحية بتاع كل حاجة قبل ما تشتريها دا حقك طبعا انك تطمن، اغلب الحاجات صلاحيتها في 2021 و في حاجات بسيطة صلاحيتها تنتهي في اخر 2020 يعني لسة فيها 4 شهور صلاحية على الاقل

دلوقتي فرصتك عشان المحل لسة فاتح جديد (دا المحل الوحيد المتخصص في الشيكولاتات المستوردة بالمساحة دي في اكتوبر) و البضاعة لسة بخيرها و هتدخل تنقي و تختار اللي يعجبك من كل الانواع، بس انت اعمل حسابك كدة من اول 200 جنيه ل 200 الف جنيه 🤣🤣🤣🤣🤣 تجيب بيهم شيكولاتات تدلع بيها نفسك ونفسك بس الحاجات دى مشاعرى بتموت انى اقسم مع حد ..
رقمهم 01208564444

فرع أكتوبر
في مدينة 6 اكتوبر قصاد حلوانى العبد و جامعة اكتوبر
وباقى العناوين هتلاقوها فى أخر صورة

قبل ما تتفرج علي الصور بنرشحلك مكان تانى للشيكولاته المستورده وهو
دكان شيكولاتة Dukkan Chocolate

وسم : / /

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

*