كاندي شوب لمستلزمات الحلويات الخام

كاندي شوب لمستلزمات الحلويات الخام

Candy shop لمستلزمات الحلويات الخام
تخيل انك تدخل محل كبييررر اوى كل اللى فيه حلويات وشوكلاتات حاجة زى اللى فى أفلام أليس فى بلاد العجائب 😍😍
جيلى كولا بالكيلو – شوكلاتات مستوردة
كاندي شوب فتحوا فرع كبير في مدينة نصر عشان يبقى اكبر مكان في مصر متخصص في كل انواع الشيكولاتة و الحلويات و مستلزماتها

بداية معرفتنا بالمكان قبل كدة إن المحل دا بيبيع الچيلي كولا بالكيلو .. و لسة لحد دلوقتي بيبيعوا الكيلوا ب 180 جنيه و تقدر تشتري الكمية بالوزن اللي انت عايزه سواء 100 جرام او حتى 10 كيلو .. اختار من بين الاشكال و الانواع كلها نفس السعر

بعد كانت خطوة الكوكيز كب بتاعت القهوة اللي بقت تريند في مصر كلها، موجودة على طول عندهم و تقدر تختار ال cup فاتح او غامق و الواحدة ب 15 جنيه
عندهم حاجات مش موجودة عند اي حد تاني زي المارشملو سبريد، مارشملو متغلف شيكولاتة، هوت شوكليت مالتيزر، باونتي سبريد، كورن فليكس اوريو و اختراعات تانية كتير

الشيكولاتات الفخمة زي ميلكا الكبيرة (اكتر من ربع كيلو) بيبيعوها عندهم ب 65 جنيه، برطمان اللوتس الحجم الجديد الكبير ب 155 جنيه، دا غير إن عندهم لوتس سبريد “كرانشي’ بقطع بسكوت لوتس، كيت كات اللي كلنا عارفينها عندهم بثى كيت كات بالحليب، بالبرتقال، سبرسو و salted caramel دا كيس كبير فيه كل الانواع ب 68 جنيه شيكولاتة Celebration و Ritter Sport بتتباع بالكيلو 😍

و كل ما تتمشى شوية تلاقي حاجة متقدرش تمسك نفسك انك تشتريها زي شيبسي ليز المستورد كل الاطعمة موحودة،و الكيس الكبير (الححم العائلي) ب 45 جنيه
دا غير بقى إن عندهم كل معدات صناعة و تحهيز الحلويات زي ماكنة الوافل، الكريب، الجهاز اللي بيعمل بسكوتة الايس كريم، نافورة الشيكولاتة اكتر من مقاس و انواع مختلفة
و خامات زي بودر عجينة الدونتس، البيتزا، بودرة الايس كريم، عجينة السكر و القوالب اللي بيتعمل بيها الاشكال على التورتة و الالوان الخاصة بتزيين التورتة
المفاجأة بقى إن عندهم صوص البيج تيستي .. عمري ما كنت اتخيل اني الاقيه بيتباع اصلا، و اسألوا عن باقي الصوصات دي هناك
كمان في جزء خاص بكل حاجة تخص اعياد الميلاد، اطباق، كوبايات، زينة، ماسكات، بلالين ارقام و حروف و شمع و كل حاجة ممكن تتخيلها
المحل لسة في مرحلة ال Soft opening و الحاجات كلها كاملة و لسة بخيرها ((الحقوا)) انزلوا هاتوا كل الحاجات اللي بتحبوها خصوصاً إن الفترة دي عاملين فيها عروض على اغلب الحاجات اللي في المحل ‏‎

تجربتنا كانت فى فرع مدينه نصر الجديد : مصطفي النحاس عند مطعم البرج امام توكيل كيا (٤ على امين الرئيسي) بجوار حلواني عرفات 01067808836
عنوان فرع المعادي
شارع النصر -ميدان الجزائر عماره اولاد رجب اسفل اتصالات
‏‎وليهم الفرع الاولانى فى مصر الجديدة

قبل ما تتفرج علي الصور بنرشحلك مكان تانى للشيكولاته المستورده وهو
صانع السعاده للشوكولاته المستورده

وسم : / /

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

*