أسباب كتير تخليك تزور المتحف المصري بالتحرير
اولا المتحف فيه أكثر من 180 ألف قطعة أثرية أهمها المجموعات الأثرية التى عثر عليها في مقابر الملوك.
ثانيا موجود في المتحف أعظم مجموعة أثرية في العالم تعبر عن جميع مراحل التاريخ المصري القديم.
ثالثا المتحف المصري واحد من أهم وأشهر المتاحف العالمية ويعتبر أكثر المتاحف المصرية ازدحاماً وبشكل يومي وبيرحوا الألاف من السياح العرب والأجانب
رابعا المتحف المصري يعتبر من أقدم المتاحف وتأسس عام 1902م
خامسا بقى وده الاهم ان ده احسن وقت تزور في المتحف المصري
المتحف مفتوح للزيارة يوميا ماعدا الجمعة والسبت لغاية الساعة ٢ ظهرا وزيارته مجانية بنفس تكت المتحف المصري
زيارة تحفة للأطفال خصوصا لو أول مرة يزورو متحف ها تكون بداية مشجعة جدا و ها تحببهم في فكرة زيارة المتاحف جدا و تساعد انهم يرتبطو بالمتاحف من سن صغير و السؤال عن التاريخ و حكاياته ❤
المتحف متقسم لقاعات :
القاعة الأولى عن العالم الآخر و بتعرض لفكرة المصري القديم عن الحياة ما بعد الموت ويظهر خلالها عمليات التحنيط وأدواته وكيفيته، ثم الموكب الجنائزي، ثم ما كانت تحتويه مقبرة الميت من أشياء يمكن أن يستخدمها الميت في الحياة ما بعد الموت. و فيها كمان مومياء معانا هنا في الصور ?? والقناع الشهير لتوت عنخ أمون من الليجو متصورين معاه كمان ?
القاعة الثانية بنشوف فيها الحرف والصناعات عن المصري القديم زي النجارة والزراعة وكيفية صناعة الطعام، ونماذج للحلي وأدوات التجميل والألعاب للكبار والصغار، ونماذج للأدوات الموسيقية اللي كان بيستخدمها المصري القديم.
القاعة الثالثة فيها نموذج كبير لتمثال أبو الهول مصنوعة من قطع الليجو وفي خلفيته صورة كبيرة لمنطقة الأهرامات، و معروضات لتعريف الطفل بالتطور التاريخي للحضارة المصرية.
و القاعة الرابعة بتعرف الطفل عن الكتابة عند المصري القديم، و تكمن أهمية الكتابة أنها قسمت التاريخ إلى ما قبل معرفة الكتابة وما بعد معرفة الكتابة، فبعد معرفة الكتابة بدأ المصري القديم عمليات تسجيل تاريخه وحضارته.
القاعة الخامسة مخصصة لأشهر ملوك مصر بعض التماثيل وبعض النماذج لهم مثل الملك رمسيس الثاني وحتشبسوت وتوت عنخ آمون وغيرهم من الملوك من مختلف الأسر في الحضارة المصرية القديمة.
أما القاعة الاخيرة مخصصة للمعبودات والآلهة في الحضارة المصرية القديمة بعضها على شكل آدمي مثل إيزيس وأوزريس وآمون، وبعضها على شكل الطيور والحيوانات.
و المتحف بيقدم دايما فعاليات مجانية للأطفال بمختلف أعمارهم لتبسيط المعلومات و تقريبها لإدراكهم و تعريفهم بحضارة و ثقافة المصري القديم.
و المتحف فيه كمان مكان مخصص للأطفال يلعبو و يصنعو بنفسهم نماذج بالليجو ?
و بيخدم المتحف كمان الأطفال ذوي الاحتياجات الخاصه فاقدي البصر و بيديهم فرصة للتعرف على الحضارة المصرية بشكل ممتع.
روحو مع الولاد اتبسطو مع بعض و استغلو الاجازة بخروجات و معلومات و وقت ممتع مع أولادكم ?
التذاكر ب 30 جنيه ولو طالب هتدفع 10جنيه بس
أما بالنسبه للاجانب 120 جنيه و طالب أجنبي 60 جنيه
قبل ما تتفرج علي الصور بنرشحلك المكان ده
ارخص أماكن الخروج في قلب القاهرة
