اماكن لقضاء يوم فى القاهرة

اماكن لقضاء يوم فى القاهرة

الناس اللى عايزة تسافر يوم واحد القاهرة ..اليوم ده للناس اللى بتحب تتصور او تصوور .
اول حاجا اصحى بدرى سواء هتسافر او مش هتسافر علشان هتقسم اليوم اتنين تجنبا للشمس( الشمس عدوة الاستمتاع باى حاجا)🙆‍♀️
مجمع الاديان ،،هتركب مترو وتنزل كنيسة مارجرجس هتنزل مالمترو تلاقى الكنيسة فوشك عالطول وجنبها الكنيسة المعلقه والمتحف القبطى (ده الشائع) فى بقى جنب كنيسة مارجرجس عالطول سلم نازل لتحت كدا بيودى لنفق ( لو ملقتوش اسأل عليه) ده نفق اسمه حارة القديس جرجس هتلاقى فيه كتب واحلى مكان تاخد فيه صور ابيض واسود كأنك فالخمسينات وفيه هوااا حلوو ،،اخره هتلاقي كنايس صغيرة ..اطلع تانى وامشي كيلو ونص هتلاقي مسجد عمرو ابن العاص .دور عالنت عن حكايات كل كنيسة وجامع
ارجع تانى المترو اركب وانزل التحرير ليه؟ ( علشان انت الوقتى بقيت فزروة الشمس ودى بتبقى جهنم ) روح ماك اطلب صانداى وبطاطس او بيبسي واعد كدا ساعتين لحد مالشمس تخف وتبقى عالساعه ٤ ونص ،،هنا بقى عيبدء نص اليوم التانى 💃
تركب اوبر ب١٩ جنية لقصر عائشة فهمى فالزمالك ( المسافه قريبه جداا بتاع ١٠ دقايق او اقل)
اى القصر دا؟؟
هو قصر عالنيل ،،مفيهوش اثاث ،،فيه لووح كتير هتقف ادام اللوحه وتقرء معلوماتها وتسرح ،،سرحت ؟ خدلك صوره بقى معاها😂 من احلى الاماكن للتصوير خاصه لو جروب
تنزل تشوف الغروب عالنيل ،،شفته؟ خدلك صوره بقى
خلص اليوم ؟ لااا طبعا انت فالزمالك يعنى احلى شوارع ممكن تتمشي فيها ،،بعد ٦٠٠ متر من القصر يعنى خطوتين عند كلية تربية موسيقيه هتلاقي عربية سوشي جربه( على راى الراجل السوشي ياتحبه اوى يا تكرهه اوى وقد حصل فعلا وانا كرهته اوى😂 بس صاحبتى حبيته اوى ،،وماتشتريش كتير هو بتشترى بالواحده خدلك اتنين جربهم عشان الطبقة الارستقراطيه ماتقلش علينا حاجه ،،،بعدين انزل للطبقة البرجوازيه تانى 😂 روح على صاج شاورما حلو جداا بس خلى بالك فى اتنين روح الفرع الرئيسي اللى مش فالشارع الجانبي وخليك فاكر ان قلتلك بلاش الجانبي 😂😂 قبله ختلاقى عربية بطاطس وحوليها ناس كتير قررب ومتتكسفش واشترى منها ،،بعدها ختلاقى الساعه بقت ٧ بالكتيير ،،اتمشي بقى فشوارع الزمالك واجر عجل اما لو انت بقى اتاخرت وسندريلا زيي روح 😂عشان الامير المستقبلى ميقلش علينا حاجه 🤷‍♀️😂..اليوم كانت الوقت فيه بركه جدااا لان حافظنا على طاقتنا ووزعناها صح
ملحوظات مهمه جدا:
سفرية او خروجه اليوم الواحد مش للاستجمام ابداا دى لاستكشاف والبهدلة اللطيفه اللى بتكسر روتين ايامك .الاستجماع ده لسفريات اكتر من يوم
-بعد الضهر ادخل مكان مقفول فيه تكييف واعد لحد مالشمس تخف وماتعندش وتقول لا اليوم قصير وبتاع ،،بالعكس الشمس هتخلص طااقتك وهتحس انك خلاص محتاج تروح وبدايق وتعكر المزاج ماللاشيء.
-ماتاكلش كتير اللى هو روح كل حته كل حاجا بسيطة بس عشان متحسش بالتخمه وطاقتك تخلص،،اشرب كتير ااه ،،وبلاش شبسيات بالنهار فالقاهرة الزيوت اللى فيها بتدوخ مع الشمس
_البس ارستقراطى اه لكن ما تعيشي ارستقراطى 😂يعنى البس حلو علشان تبقى حاسس حلو وصور حلوة لكن تتفسح كابن بطوطه عادى ومتفكرش فبريستيج واماكن هاى وارستقراطيه!
_قبل ماتخرج دور واعمل سيرش عن الاماكن واسال لو تعرف ناس فالمنطقه عشان تعرف الحاجات المغمورة لانها ممتعه اكتر مالمشهورة،،طب اسيرش ازاى؟ عادى زى ما ماما بتفتح جوجل تكتب طريقة عمل الصابون افتح واكتب اخرج فين فكذا متتكسفش😂وتانى اوعى تروح الاماكن المشهورة بس دور عالدهاليز

قبل ما تتفرج علي الصور بنرشحلك المكان ده
ارخص خروجه على مركب في النيل ب 3 جنية
خروجة برج القاهرة
كهف ملح المعادى
برنامج خروجة رمضانية جميلة وغير مكلفة
ارخص أماكن الخروج في قلب القاهرة
جولة في شارع المعز

اماكن لقضاء يوم فى القاهرة
اماكن لقضاء يوم فى القاهرة
اماكن لقضاء يوم فى القاهرة
اماكن لقضاء يوم فى القاهرة
وسم :

Leave a Reply

Your email address will not be published. Required fields are marked *