ازاي تقضي يوم في وسط البلد ب ١٠٠ جنيه
المبدأ هو انك تـ explore و تزور اماكن جديدة و تضيف لنفسك ذكرايات معاها وانك تقدر تبسط نفسك بأقل حاجة ، التفاصيل مع كل صورة
- خد ميكروباص من محافظتك لعبود و انزل عند المترو محطة المظلات و منها للسادات.
- هتطلع من سلم المترو على ميدان التحرير.
- اتمشى لميدان طلعت حرب و استمتع بأشكال المباني القديمة.
- اتغدى عند ابو طارق وانا مكنتش من محبين الكشري برا البيت لكن الراجل ده جاامد.
- حلي بآيسكريم عند العبد.
- و كمل تمشية و خش في كل الشوارع و الحواري هتستمع بيهم كلهم.
- اقعد ريح شوية في قهوة زهرة البستان.
- بعدها اطلع المتحف بجد هيوديك للأقصر و يجيبك، مليان آثار فوق ما تتخيل و لسا غرفة توت عنخ آمون هناك متنقلتش للمتحف الكبير و دي لوحدها ملهاش وصف.
- بعدها عدي للزمالك على كوبري قصر النيل .
- و سلم على النادي اللي بتحبه
- و بس كدة خد مترو للمظلات و اركب من الموقف لبلدك تاني و تروح و تيجي بالسلامة
حديقه عابدين في وسط البلد أرخص حديقة في مصر
دليلك لخروجات وسط البلد القاهرة بعد التجديد
اماكن خروج في وسط البلد بأقل سعر
