تجربة زيارة مدينه الاسماعليه
بتنزل موقف رمسيس و تاخد مكروباص اسماعليه ب ٣٥ جنيه
و بعد ساعه ونص تقريبا بتكون فالمدينه بينزلك فالموقف الجديد قدام باب جامعه قناة السويس ( جامعة اسماعليه )
من هناك تقدر تتمشي فالمدينة او تاخد مواصلات لحد شارع البلاجات او السوق او المنطقه بتاعت هيئه قناة السويس
شارع البلاجات دا فيه بعض الشواطىء الخاصه الي مش حلوه لنزول البحر لكنها حبوه كقعدة و براها في ناس كتير بتعمل سمك و اكل بحري تقدر تشتري حاجات جاهزه منهم
و في المنطقه بتاعت مبني ادارة قناة السويس و جنبها فندق تيوليب الي تقدر تدخله و تقعد علي الشاطىء بتاعه و دا مكان جميل جدا بس غالي شويه و براه الشوارع مليانه جناين و خضره و فيها اكشاك بتبيع مشروبات و اكل سريع او تشوي
المدينة فيها حاجة جميله جدا مطعم اسمه flams دا بنروح مخصوص المدينة علشان ناكل فيه اكله غربي برجر و سندوتشات بس يستاهل تسافرله مخصوص
فالرجوع مفيش حاجه مباشره للرمسيس فبتركب للمرج ب ٢٤ جنيه و من هناك بتغير
قبل ما تتفرج علي الصور بنرشحلك المكان ده
ازاي تقضي يوم في الاسماعيلية
