يوم كامل في محميه وادي دجله

يوم كامل في محميه وادي دجله

تعرف انك ممكن تنبسط بخمسه جنيه يوم كامل في القاهره؟
طب ازاي؟ انت مجنون ؟ هو في خروجه ممكن تكلفني 5 جنيه و في القاهره؟
اه و تعاله اقولك ازاي:
في محميه شهيره في المعادي اسمها “محميه وادي دجله”
المحميه ديه موجوده في زهراء المعادي و هي محميه طبيعيه ممكن تعمل فيها 4 حاجات و هم:

-تاخد عجلتك بس مينفعش غير العجلات الجبليه عشان تستحمل الارض غير المستويه.

-تعمل رحله Hiking وسط الصحراء هتمشي حوالي 25 كم في 9 ساعات و تطلع الكانيون و توصل لمبني الزوار و تدخل علي كهف الوطاويط اعلي الجبل في الكيلو 6.

*ملحوظه
+يفضل تعمل الرحله ديه تاني يوم مطر عشان تستمتع بالكانيون.
+لو عامل حاسبك علي يوم زي ده يبقي ابدا من الساعه 8 الصبح و خد بالك ان المحميه بتقفل 5 مساءا فبالتالي لو ملحقتش تاخد البطاقه بتاعتك الي سلمتها و انت داخل هتضطر تيجي تاني يوم عشان تستلمها.

+اول البوابه خريطه مرسومه علي الارض صورها عشان تعرف تمشي في المكان ده و مضيعش وقت.
-تالت حاجه بقي ممكن تاخد صحابك او اسرتك و خد شوايه و لحمتك و روح اشوي هناك في اي مكان.
-رابع حاجه انت ممكن تعمل تخييم هناك و يكون معاك ادوات التخييم و بتدفع تذكره ب 50 جنيه و تعمل خيمتك و تبات هناك. بس خد بالك من:
+ممنوع بنت تخيم لوحدها
+لو اتنين متجوزين هيخيموا فلازم يكون معاهم قسيمه الجواز

  • احلي مكان تخييم هي منطقه الكانيون.

*ملحوظه
+افضل مكان لشوي من البوابه حتي الكيلو 2
+ممكن تدخل بعربيتك جوه المحميه
+مفيش مطاعم او سوبر ماركت داخل المحميه او حمامات.
+مفيش شبكه محمول من الكيلو 2 الي الكانيون.
+مفيش حيوانات مفترسه او حاجه تضر الانسان هناك

و بكده انت عندك يوم كامل مش هيكلفك اكتر من 5 جنيه و تخييم ب 50 جنيه .

قبل ما تتفرج علي الصور بنرشحلك المكان ده
الهرم الأحمر من الداخل

يوم كامل في محميه وادي دجله
يوم كامل في محميه وادي دجله
يوم كامل في محميه وادي دجله
يوم كامل في محميه وادي دجله
وسم : / /

Leave a Reply

Your email address will not be published. Required fields are marked *