اكوا بارك چويل
مدينة العاب مائية للكبار و الصغار، تلعب و تقضي اليوم كله في حمام السباحة من اوله لاخره ب 205 جنيه
البس المايو و استعد عشان تقضي 7 ساعات من المتعة مع اسرتك او اصحابك
عشان تستفيد من اليوم اقصى استفادة روح بدري الساعة 9 الصبح “اول ما يفتحوا الباب” اجري و نط في البسين بلبط شوية، انزل عالزوحليقة التعبان، و بعد كدة اتشقلب شوية في القمع و خد معاك حد قلبه جامد و انزلوا عالسجادة
لعبة السجادة دي لما تلعبها هتحس بشعور تاني خالص مختلف عن انك تتفرج عليها، انت بتنزل على زوحليقة ضخمة من على ارتفاع 3 ادورا ? تفضل قوانين الفيزيا تجيبك يمين و شمال شوية “مرجحنا شوية يا عم نيوتن شوية” بقولك ايه! بجد ممتعة اوي
و في العاب للاطفال زي الشمسية و الجردل و زوحليقة زلومة الفيل “كفاية اسمها مبهج اوي”
و الجميل في الموضوع إن مفيش limit عدد غير محدود من مرات اللعب، العب مرة و اتنين و 100 مرة كمان دلع نفسك عالاخر، خد اسرتك او اصحابك بجد هتستمتعوا جدا باليوم دا انت هتفضل تلعب اكتر من 7ساعات، بس من دلوقي بقولك “مش هتحسوا بالوقت”
ادارة المكان عاملين نظام محترم جداً، هتلاقي على كل لعبة 2 لايڤ جارد، واحد فوق بينظم دور اللعب و مبينزلش حد تاني غير لما المكان تحت يكون فاضي لمنع اي خطر، في نفس الوقت في لايڤ جارد تاني تحت مستني اللي نازل سواء كان طفل او كبير و يساعده، و بشكل عام تحس إن المكان منظم جدا
في استراحات متغطية بالكامل بمظلات، مش محتاج تاخد اكل معاك، في كاڤتريا هناك فيها كل حاجة

((ممنوع دخول اي مأكولات او مشروبات))
ال Aqua park “ السعر دا مش هتلاقوه الا من ابليكيشن ((وفرها))

تفاصيل العروض بقي جبنهالكم كلها

• تذكره دخول بدون وجبات ب ٢٠٥ ج
• وجبة ساندوتش هوت دوج وسط + بطاطس + عصير+ دخول ب ٢٥٠ج
• وجبة ساندوتش برجر و ساندوتش كفته + زجاجه مياه + دخول ب ٢٧٠ ج
• وجبة ساندوتش بانيه و ساندوتش كفتة + بطاطس + مياه غازيه + زجاجه مياه + دخول ب ٣٠٠ج
• وجبة ربع دجاجة مشوية + ٢ كفته + ارز او بطاطس + مخلل + مشروب غازى + زجاجه مياه دخول ب ٣٢٥ج
• وجبة نص دجاجة مشوية + ٢ كفته + ارز او بطاطس + مخلل + مشروب غازى + زجاجه مياه دخول ب ٣٧٥ ج

المواعيد:
من 10 الصبح ل 5 المغرب
العنوان:
القاهرة – زهراء مدينة نصر- مساكن الظباط – أمام محطة بنزين وطنية، ادخل نادي چويل من اي بوابة و قولهم عايز اروح الاكوا بارك هيوصلوك على طول

قبل ما تتفرج علي الصور بنرشحلك المكان ده
نايل اكوا بارك الجيزة
أكوا بارك العبور – عنوان ومواعيد وسعر التذكرة