إزاي تسافر الاقصر واسوان ب ١٠٠٠ بس ؟
– أول حاجه حجزنا قطر من القاهرة للاقصر ب ١٦٥ درجة تانية vip
– الشقة في الاقصر كانت علي النيل والبيت ليه roof بتشوف منه النيل كله في منظر عالمي ب ١٠٠ أو ١٢٥ للشخص في ال ليلتين
– العربية من الاقصر لأسوان ب ٤٥
– حجزنا شقة في أسوان ب ٢٥ للشخص
– القطر من أسوان للقاهرة ب ١٩٠ درجة تانية vip
– الباقي كان حوالي ٥٠٠ من الالف أكل مواصلات و مزارات داخلية
– الشقة بتاعتنا في الاقصر كانت في البر الغربي
– أول يوم في الاقصر كان زيارة للآثار في البر الشرقي ( معبد الكرنك ومعبد الاقصر ومتحف الاقصر ….)
– تآني يوم في الاقصر كان في البر الغربي( معبد حتشبسوت ووادي الملوك…..)
– أسوان ( غرب سهيل – معبدفيلة – جبل أبو الهوى -جزيرة هيسا – جزيرة الفنتين- جزيرة النباتات – جزيرة بربر جمب غرب سهيل)
ملحوظة : التكلفة ممكن تقل عن كدا بكتير ، زي مثلا لو حجزتوا قطر اسباني بدل vip
ملحوظة ٢ : في بدايل هناك كتير زي :-
* في بيوت كاملة في الاقصر بتتأجر ب ٣٠٠ في اليوم وتقدروا تزودوا العدد عادي ودا هيقلل التكلفة شوية
* أسوان فيها بيت علي النيل في جزيرة الفنتين كان الشخص ب ١٠٠
أو بيت على النيل في غرب سهيل الشخص بردو ب ١٠٠
وكل البيوت دي نضيفة جدا جدا جدا و موقعها حلو آوي بتبقي مباشرة علي النيل