اماكن خروجات السويس

اماكن خروجات السويس

خروجات السويس ناس كتير بتبعتلنا عايزه مكان قريب من القاهره تقضي فيه يوم تكسر بيه حياه الروتين الي بنعيشه طول الاسبوع.
بعد اما اتكلمت عن الاسكندريه كتير و كتبت عنها اشعار و تقارير كتيره جدا فقلت اكتب عن اقرب محافظات القاهره و هي السويس.
السويس من الاماكن الي ممكن تسافرلها عن طريق المواصلات او العربيه في ساعه و ربع او ممكن تاخدها و انت طالع تستجم في العين السخنه.
خلال البوست ده هقولك اهم الاماكن الي لازم تشوفها في السويس بس من وجهه نظري انا شايف السويس هي مدينه تقضي فيها يوم واحد يعني مش مصيف.

المواصلات

-ممكن تركب عربيات بيجو من عند مطعم كشري هند في الكوربه و ديه عربيات 7 راكب بيكون سعر الفرد حوالي 35 جنيه.
-عربيات من رمسيس
-القطار :و بيكون محافظات و مراكز
+اهم اماكن الزياره في السويس
-كورنيش السويس الجديد
-متحف السويس
-الجنينه الفرنسيه
-فلل مرشدي هيئه قناه السويس و ديه تعتبر من اجمل الاماكن الي هتنبسط بالتصوير فيها و خصوصا انها لسه مجدده و واخده الطراز الاوروبي.
-الريف الاوربي و ديه انا الي سمتها كده و عباره عن حديقه فيها حيوانات تحسسك انك في اوربا و ده باين من الصور و هتعرف توصلها و انت رايح من الكونيش الي فلل مرشدب الهيئه او و انت راجع في اتجاه السينما هناك.

الاكل

-الفطار
من المطاعم الي جربتها كان مطعم اسمه (فول و فلافل فرفشه) و ده قريب من الكونيش بجانب السيرك القومي و كافيه 3K تاخد منه السندوتشات و تقعد علي الكورنيش تفطر.
-اكله السمك
مينفعش تكون في السويس و متاكلش اكله سمك محترمه عشان كده هرشح مكانين لتجربه
-اولا سوق الانصاري
و ده سوق كبير جدا في كل اسماك البحر الاحمر اشتري الي انت عايزه و فاصل في السعر و خده هناك لمطبخ بتاع السوق و خليه يسويه و بياخد علي الكيلو من 10 الي 15 جنيه
يفضل تاخد السمك سنجاري او طاجن و شوربه سي فود.
طبعا تاخده و تاكله في الكونيش.
-ثانيا مطعم فارس
لو انت مش حابب السوق و مش عايز تشغل بالك و معاك ناس ملهاش في اكل السمك فخليك في مطعم فارس و هناك هتلاقي اسماك و لحوم و فراخ فهيرضي كل الاذواق و قعدته حلوه بس اغلي شويه من السوق بس الطعم حلو.

لو حبيت تنزل بحر في يوم سريع صد رد و مش عاوز تروح السخنة و توفر مصاريف ممكن تقضي day use في منتجع لوسيندا او نادي التجديف اللي متاح فيه بولينج لو بتدور على لعب بولينج من الاماكن اللطيفة في السويس برضوه منطقة بورتوفيق و اللي من اشهر معالمها فلل الهيئة و دي فلل مبنية على طراز الريف الفرنسي الصورة رقم 2 و الدنيا هناك هادية و بتحس براحة نفسيها و انت بتتمشى في المنطقة و لو ذكرت بورتوفيق ذكرت القنال او الكنال (قناة السويس بلغة اهل البلد) بورتوفيق هي مدخل قناة السويس و بالتالي انت ممكن تروح تقعد في الجنينة هناك و تتفرج على السفن و هي معدية من هناك بشكل لطيف جدًا من ضمن الاماكن اللطيفة برضوه اللي بينصح بدخولها هي حديقة مبارك (الشهداء حالياً بس معروفة مبارك) بس دخولها بيكون عائلات او بنات فقط و هي مكان تبع القوات المسلحة فيه بحيرة في النص و ملاهي صغيرة كده للاطفال و مساحة خضرة بيتلعب فيها كورة او يتقعد او ممكن تأجر عجلة هناك

قبل ما تتفرج علي الصور بنرشحلك المكان ده
الدليل الشامل للسويس
ازاي تقضي يوم في الاسماعيلية

اماكن خروجات السويس
اماكن خروجات السويس
اماكن خروجات السويس
اماكن خروجات السويس
اماكن خروجات السويس
اماكن خروجات السويس
العاب الواقع الافتراضي في السويس

العاب الواقع الافتراضي في السويس

3 thoughts on “اماكن خروجات السويس

  1. ممكن دخول عند الممشى الى بيطل على قناة السويس

Leave a Reply

Your email address will not be published. Required fields are marked *