لية لازم تسافر بورسعيد

لية لازم تسافر بورسعيد

اول ماتوصل بورسعيد لازم تركب المعديه عشان تروح بورفؤاد وتشوف ايون النورس ومش تنسي تأخد فينو معاك عشان تاكل النورس?
المعديه مجانا تقدر تركبها أكتر من مره لان المنظر فيها يجنن وياسلام لو وقت الغروب وتشوف النورس وتحس كأنك ف تركيا
وبعدين بتنزل من المعديه بتلاقي أكبر وأشهر جامع ف بورسعيد وتممشوا شويه هتلاقو البيوت القديمه اللي كان متصور فيها ليالي اوجيني
واي تاكس تركبه ب٨ ج وتروح الملاحات تتصور هناك
كأنك ف جبال الثلج ف لبنان والله ?
وتاكس تاني للمعديه تتفرج ع طيور النورس تاني
تتمشي ع الممشي هناك وتشوف ديلبسيس والمبني الملاحي لقناه السويس والسور اللي عليه الاقفال زي جسر العشاق ?ف باريس
وبعدين اي تاكس تركبه وتروح سوق السمك طبعا الفيديو تحت للسوق
ماهو مش ينفع تروح بورسعيد ومش تاكل سمك هناك
تشتري السمك وتسويه وتاخده وتطلع ع اي شاطيء تقعد وتأكل السمك بقي
ف.مطاعم حلوه جدا لو مش عايز تروح السوق زي كاستن والبرج ع البحر
خلصت اكل سمك وزهقت من قاعده البحر
لسه بدري ولسه اليوم مش خلص
تاكس تاني ب١٠ جنيه اللي تاكس هناك روح علوش والبازار اشتري شكولا وحلويات ونوتيلا وانزل ع الجمهوريه والثلاثيني وطرح البحر
الاختيار التاني لو عايز تشتري اكلك بنفسك وده هيكون أرخص فعليك وعلي سوق السمك الجديد.. بنفس ذات التاكسي أبو 11جنيه ? هتقوله سوق السمك الجديد ، هتلاقي هناك كل حاجه وفيه افران شوي وتجهيز واظن الأعضاء الكرام اتكلموا عنه يإسهاب في بوستات سابقة.
ممكن تاكل في السوق نفسه أو تاخد اكلك وتطلع علي البحر هتلاقي كافيهات كتير بطول شاطئ البحر ومش غاليه هتستمتع فيها بجو البلاجات المتميز مع الهوا النضيف و ريحه اليود التحفه الي خارجه من البحر المالح ، غالبا الكرسي ب 15 جنيه
? لو عايز تشتري ملابس أو الزيارة للشوبينج هتقول التاكس وديني التجاري (وقول التجاري بس مش الشارع التجاري ?) ده يعتبر وسط البلد في بورسعيد فيه آكتر من سوق زي التجاري و الحميدي و التلاتينى واللبس فيهم مزيج من الشعبي الرخيص و المستورد الغالي .. لو عايز أماكن فيها براندات ومستوي اعلي يبقي المحلات الي في شارع طرح البحر
بالنسبه للملابس فيه حجات معينه معروفه بيها بورسعيد طول عمرها زي #ابوعلاء اكتف ودي سلسله محلات بتبيع ملابس رياضيه ماركات عالميه وباسعار تحفه ، وطبعا الملابس المستعملة أو مايطلق عليها #الباله ودي بتبقي ملابس مستوردة ستوكات ودي السوق المجمع بتاعها في منطقه إسمها القنال الداخلي.
الكلام ده كله لو الزيارة يوم.. لو آكتر من يوم أو اجازة طويله عندك آكتر من قريه او مصيف أهمهم الكروان و الكناري وجنه النورس ودول قري سياحيه علي البحر بيبقي الاقامه فبهم في شاليه 2 غرفه والاسعار بتتراح من 500 الي 1000 جنيه لليله حسب الاشغال و الموسم.. ده غير طبعا ان فيه فنادق كتير من أول نجمتين ل 5 نجوم .
لو ليك في التاريخ و الثقافة ممكن تعمل زيارة سريعة ل #المتحف_الحربي وده مش موجود ليه مثيل في مصر كلها باستثناء البانوراما في القاهرة.. فيه بقايا اسلحه ودبابات من حرب أكتوبر وخطط الحرب ومعلومات وصور تاريخيه كتير بتوثق كفاح شعب بورسعيد أيام للعدوان الثلاثي.
ده يعتبر بوست مجمع لاهم النصايح وأنا طبعا مقلتش كل حاجه ولا ذكرت كل الاماكن ، بورسعيد بلد جميله وصغيره واهلها مضيافين و بيحبوا الناس بحكم تعاملهم مع جنسيات كتير ، وده مايمنعش إن فيه قله بتسيئ للاغلبيه ، بس طبعا كلنا عارفين إن أي بلد فيها الصالح والطالح

قبل ما تتفرج علي الصور بنرشحلك المكان ده
ازاى تقضى يوم فى بورسعيد

لية لازم تسافر بورسعيد
لية لازم تسافر بورسعيد
لية لازم تسافر بورسعيد

Leave a Reply

Your email address will not be published. Required fields are marked *