جولة فى متاحف الاثرية بالقاهرة

جولة فى متاحف الاثرية بالقاهرة

عاوزين تتسفحو في القاهرة هقولكم كام جولة يارب تعجبكم 😉❤
1- المتحف المصري و شارع المعز
اقرب محطة المتحف محطة السادات المتحف جنبها هندخل نشوف حديقة المتحف و بركة اللوتس و البردي ❤❤❤ و ندخل بقي المتحف نفسة هنلاقي تمثال العشاق العملاق الملك امنحتب الثالث و الملكة تي و للعلم المتحف اتبني فوق التمثال دة 😉 و هنلاقي نسخة من حجر رشيد و صلاية الملك مينا اللي بتحكي التوحيد و تماثيل الملوك زي زوسر و خفرع و خوفو و تحتمس و حتشبوت و تماثيل للخدم و اطباء و افراد و حلي و مجوهرات و المومياوات و محدش يخاف 😅
و بعدها نطلع علي شارع المعز اقرب مترو باب الشعرية دة بقي متحف مفتوح هتلاقو جامع الحاكم العجيب الحاكم بأمر الله اللي حرم الملوخية لانها ملوكية 😉 و بعدها هتلاقو جامع الاقمر و السلطان برقوق و سبيل محمد علي و متحف النسيج ❤❤❤ و باب زويلة و بيت السحيمي و هتشوفو البيوت القديمة و المشربيات و هتحسو كدة انكو في زمن الفتوات و سي السيد 😅😅 و طبعا الشارع مليا محلات اكل و قهاوي بكل المستويات دلعو نفسكم 👏👏

2- مجمع الاديان
اقرب محطة مارجرجس اول حاجة هنشوفها المتحف القبطي جميل اوي و في اجمل الصناعات المصرية خلال انتشار المسيحية من ملابس و قطع حجرية و ايقونات بتحكي كتير من التفاصيل و بعدها نروح الكنيسة المعلقة المبنية علي حصن بابليون عشان كدة معلقة 😉 و بعدها كنيسة ابو سرجة و القديسين و بربارة و معاهم تسمعو قصة مرور العائلة المقدسة في مصر ❤ و انتو ماشيين هتلاقو سوق كتب تحفة و بازارات جميلة جدا و بعدها ندخل المعبد اليهودي هتشوفو الرموز المرتبطة بالهيود المصريين و انتو ادام المعبد لو تعرفو تشوفو علي مسافة يعني هتلاقو البئر اللي كانت العذراء مريم بتحمي المسيح فيه ❤❤ لانها للأسف مكان مقفول 😢 و بعد المعبد نمشي حبة هنلاقي جامع عمرو بن العاص اول جامع في مصر ❤❤❤❤ و هو جميل جدا لكن للاسف التجديد بوظو كمعلم اثري لكن مكانته الروحية كبيرة جدا و ادامو سوق الفسطاط محلات و مطاعم كتير فخمة في المكان دة هتحس اد اية مصر وطن فعلا الجميع ❤❤❤

3- جوله في متحف الفن الاسلامي اقرب محطة محمد نجيب
هنشوف روعة الحضارة الاسلامية و هنلاقي مفتاح الكعبة الشريفة و اقدم المصاحف و اقدم الساعات لمعرفة مواقيت الصلاة و كمان ادوات الحرب اللي كانو بارعين فيها و العملات و ادوات الطب و الحلي و القميص المسحور بتاع الفيل الأزرق 😉😉 و نقدر نروح معاه قصر عابدين و نشوف بوابة اوجيني اللي عملها الخديوي إسماعيل ليها مخصوص و جوة القصر بيذخلو معاك مرشد من القصر و في عدد متاحف حربي و اسحلة و نياشين و مقتنيات الحكام و العائلة العلوية و قاعة الفضيات و دية بقي تحفة ❤❤❤

4- متحف جاير اندرسون (عاشق المحروسة) ❤ و جامع احمد بن طولون
في منطقة السيدة زينب متحف جاير اندرسون احد عشاق مصر اللي اشتري البيت و جمع في الكتير من المقتنيات و اهداه للمصريين بعد وفاته مكانو جميل كل غرفة في البيت بطراز شكل تركي و ايراني و شرقي و هندي و صيني و ملحوظة 👈👈 الكافر اللي كان علي تمثال نفرتيتي الموجود في برلين من ضمن مقتيات البيت 😉 و هو كمان كان طبيب نسا هنلاقي حجرة لتوليد السيدات و الكراسي الولادة تبعا للحضارة المصرية و كمان العاب للاطفال كان بيهديها للسيدات من ابريق او قلة حسب نوع المولود تبعا للطقوس المصرية ❤❤ التصوير في البيت تحفة بجد اتعمل فيلم جيمس بوند و و اسلاماه و الفيل الأزرق الجزء الثاني جنبو بقي علطول جامع احمد بن طولون الشاسع في المساحة و مبهر في التصميم و من اهم المباني الاسلامية من حيث العمارة الغير اعتيادية ❤❤❤❤❤❤ اه و كلو مسموح في التصوير مجانا بدون فلاش و اسعار التذاكر فأغلي حاجة يعني هتكون 30 جنية

قبل ما تتفرج علي الصور بنرشحلك المكان ده
شارع المعز و منطقة الحسين وخان الخليلي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

*