ازاي تقضي يوم في المنصورة

ازاي تقضي يوم في المنصورة
أماكن الخروج في المنصورة أو جزيرة الورد
اللي اتسمت المنصورة عشان المصريين انتصروا على الحملة الصليبية بقيادة لويس التاسع ملك فرنسا واتسمت جزيرة الورد عشان كان فيها أكبر جناين الورد في مصر
وصلنا المحطة الـ 11 من رحلتنا #حوالين_مصر_في_100_يوم
أول حاجة ممكن تعملوها تاخدوا صورتين مع تمثال “رمسيس الثاني” عند الإستاد وبعدها تطلعوا على “شارع الترعة” عشان تفطروا على عربية فول “عم سكر” رهييبة بجد يا جماعة والأهم أكلهم نضيف ومخدوم
تروحوا بعد كدا على ميدان “أم كلثوم” وتاخدوا صور جميلة هناك وتغنوا سوا أغنية “بينك وبينك خطوتين”
تتمشوا بعدها ع الكورنيش لحد ما توصلوا لمرسى”أم كلثوم” عشان تجربوا “الأتوبيس النهري” اللي بجد تجربة تحفة ومسلية منها وسيلة مواصلات بعيد عن الزحمة🚘🚖 وفسحة في نفس الوقت و بـ 7 جنيه بس هتوصلكم لأماكن كتير
هتاخدوا صور تحفة مع النيل و Reels جميلة كمان
هتوصلوا جزيرة الورد وتحديدًا شارع “البحر” أو “النيل” اللي مليان نوادي كتير وبراندات وهتلاقوا حديقة “شجرة الدر” اللي الدخول فيها بـ 3 جنيه بس
وجنبيها على طول نادي “جزيرة الورد” بس عشان تدخل لازم تكون على عضوية حد من الأعضاء وبـ 40 جنيه
تدخلوا بعدها “شارع جيهان” وتسألوا على مطعم “بريما” محدش يقول “بريمر” يجماعة😅أشهر مطاعم المنصورة اللي بقاله حوالي 33 سنة ليه اسمه وتاريخه
والدخول بالحجز
الحقيقة أكلهم فوق الوصف ( ستاف مهذب أوي ) و الأكل عندهم حكاية جربوا عندهم المشاوي والباستا والكاساديا وتشوكليت سوفليه وسينابون حاجة كده من اللي قلبك يحبها
اتمشوا بعدها ع الكورنيش في اتجاه كوبري “طلخا” اللي شكله ملفت جدًا ومليان أنوار بتلمع ع النيل .. ومتعملوش زي “مروة” وتناموا في الشارع عشان كدا كخه
اتمشوا ع الكوبري وشوفوا المبنى اللي مكتوب عليه تاريخ المنصورة كلها
وليه اتسمت بجزيرة الورد
اركبوا بعدها ميكروباص عشان ينزلكم “شارع قناة السويس” ولما توصلوا عند “كنتاكي” هتلاقوا الناحية التانية عربية “أبوكريم”
اللي بيعمل بليلة بالمكسرات خطيرة وطعمها FRESH تستاهل بوقكم

ازاي تقضي يوم في الاسماعيلية

ازاي تقضي يوم في المنصورة
ازاي تقضي يوم في المنصورة
ازاي تقضي يوم في المنصورة
ازاي تقضي يوم في المنصورة
ازاي تقضي يوم في المنصورة
ازاي تقضي يوم في المنصورة
ازاي تقضي يوم في المنصورة
ازاي تقضي يوم في المنصورة
ازاي تقضي يوم في المنصورة
ازاي تقضي يوم في المنصورة
وسم : /

Leave a Reply

Your email address will not be published. Required fields are marked *