ازاي تقضي يومين في الغردقة

ازاي تقضي يومين في الغردقة

ازاي تسافروا الغردقة يومين ب 600 جنيه
أول حاجه هتحجزوا swvl
مش مريح اولا و لا انصح به لاصحاب الرجلين الطويلة و مشاكل الظهر و العمود الفقري
و لكن تكلفة الرحله بعد البروموكود من التجمع الخامس للغردقة كانت 145 جنيه مصري و الرجوع كذلك
يعني كده 290 جنيه مواصلات
نيجي للسكن
بيت الشباب المصري بالغردقة
الغرف كانت sea view و المكان ليه شاطئ خاص
سعر الفرد في جناح العائلات 85 جنيه في الليلة غرفه بحمام داخلي
و ب 52 لو حمام خارجي
يعني تكلفه الإقامة ليلتين كانت 170 جنيه في غرفة بحمام خاص
كده فاضل معانا 140 جنيه و قد يبدوا بالنسبالك انهم قليل ولكن ف الغردقة الموضوع مش كده خالص
هتوصل الغردقة سوافل هينزلك قدام المكان ، هتحط شنطك و تنزل البحر
آخر النهار
هتركب ميكروباص ب ٣ جنيه لموقف الدهار و من هناك ميكروباص للمارينا او سوق للسمك ب ٢ جنيه
كده 5 جنيه مواصلات داخليه
هتروح اسماك المارينا و دي قدام سوق السمك بالظبط
مطعم بسيط و لطيف الشيف عملي وجبة ربع كيلو جمبري و رز ب 40 جنيه
كلتها و خرجت قعدت ف المارينا
المارينا هي مرسى يخوت و فيها كافيهات و مطاعم و دخولها فري ف ممكن تدخلوا تتمشوا من غير اي مصاريف
بعدها هتتمشى شوية لمسجد الميناء الكبير و ممكن تتصوروا صور حلوة
هتشتروا حاجه للعشاء و تروحوا
ملحوظه رجوع البنات مدينة الشباب لازم يكون قبل 11 مساء
بعدها هترجعوا ب 5 جنيه زيهم
تاني يوم هتفطروا و مانصحكوش بفطار المكان هيحسسكم انكم ف الجيش و ده من عيوب المكان ان الفطار مش افضل حاجه و لكن انا كلته لان مافيش مكان اجيب منه فطار اساسا
ممكن تتصوروا عالبحر و انصحكم تاخدوا صحاب يصوروكم لأني صورت نفسي و الصور زي مانتم شايفين كده
بعدها ممكن تعوموا و تنزلوا تتغدوا آخر النهار في شارع شيراتون ( ماعنديش معلومات كافيه عن الاكل هناك بس في جاد و ناس كتير بتوع شاورما و حواوشي و كده )
و بعدها ممكن تتمشوا عالكورنيش
كده الرحله كلها كلفت حوالي 600 جنيه بالانتقالات و المواصلات و الاقامه و بالمياه و الفطار و العشاء لمدة يومين

سهل حشيش الغردقة وجمال الطبيعة و البحر
جزيرة اورنج باي الغردقة
أحلي أماكن الزيارة في الغردقة

⬅️ مواقع هامة .. ننصحك بمتابعتها 👍

✈️ اماكن وخروجات حوزو7ozo.com➡️
🍔 منيو مطاعم مصرMenu22.com➡️
📱 اسعار الموبايلاتi2Mob.com➡️
وسم :

اترك تعليقاً

لن يتم نشر عنوان بريدك الإلكتروني.