Flamingo Beach
حضرتك بتقعدى على مرجيحة مفيش بينك وبين البحر ألا الهوا و ماسكة العصير السموزى فى أيدك ولابس النضارة الشمس
أنتى تشوفى صاحبتك الأنتيم ولا أختك أو حتى والدتك وتخرجيها وتفرحيها
وتركبوا المرجيحة على البحر .. وجنبك طائر الفلامينجو بيتمشى حواليك
بصوا هو الواحد مهما شرح مش هتتخبيلوا الجمال دة غير لما تشوفوه بعنيكم
الشاطئ دة للسيدات وبس يعنى حاجة فى منتهى الخصوصية وكمان بيعملوا فيه حفلات كتير وبيبقى شغال يوميا D.J
دة غير أن بيبقى فيه فوم بارتى يعنى من الأخر حاجات بتاعت دلع و أنبساط .. مش خسارة أنكم تسافروا يوم صد رد على مارينا

ويا سلام لو الواحد يريح على الشازلونج وفى أيدة كوباية العصير المتلجة ولابسهه النضارة الشمس .. الموضوع ككل فصلان عن الواقع وعن الحياة ككل والمكان فيه قعدات bean bags الـ pink الملونة

الشاطئ نفسة نضيف جدا والمياه متاحة للنزول وكل يوم قبل الساعه 12 الضهر بيعملوا حملة نضافة للشاطئ كله ..

وكمان عندهم مكان للتصوير هتطلعوا بصور حلوة اوى والأحلى ان عندهم طائر لفلامنجو حواليك ع الشاطئ .. وفى مكان للكوافير للى عاوزة تعمل شعرها ع السريع وكمان فى بازارات

الشاطئ نفسه نضيف و الخدمة عليه كويسة جدا و فيه قعدات bean bags الـ pink الملونة دي مود حلو أوي – الخدمات فيه تعتبر السهل الممتنع يعني عندهم كل الحاجات اللي ممكن تكون بسيطة..

المهم بقى أنتم بتتصلوا تحجزوا وهما بيسيبوا أساميكم ع البوابة بتاعت مارينا علشان الدخول ..

** الشاطئ للسيدات وبس
سعر الفرد فى الايام العادية ٢٥٠ جنية والويك اند ب 350

التليفون للحجز : 01063073432

العنوان : مارينا – الدخول من بوابة 5 وبتتصل بيهم قبل الدخول علشان يبلغوا أسمك ع البوابة

شاهد ايضا
مالديف مصر مرسي مطروح