برج الساعة من الداخل

برج الساعة من الداخل

الواحد راح أماكن كتير و قليل بس من اكتر الحاجات اللي عمري ما أنساها أني اطلع فوق برج الساعه و اشوف الحرم من فوق احساس تاني خالص
هي زيارة مختلفه من اول ما تطلع الأسانسير اللي بيطلع بيك مسافه م الدور تقريبا في دقيقه وثواني
تشوف مركز الملك عبدالله لرصد الاهله و علوم الفلك عبارة عن اربع ادوار خلف الساعه الدور الرابع بيتكلم عّن العناقيد المجريه و مجرة درب التبانه و النجوم و الكواكب الخ اما الدور الثالث بيتكلم عّن الشمس و القمر والأرض بالتفصيل اكتر اما الدور الثاني ف ده مخصص لقياس الوقت وانظمة التقويم والقبله وكيفية احتساب الوقت ف العالم كله اما الدور الاول ف ده مكان التحكم في ساعة مكة واللي تعتبر اكبر ساعه ف العالم واللي تم من خلالها ربط توقيت مكه بشبكة التوقيت العالمي بباريس (يو تي سي)
المركز ده في اكتر من عالم فلك من دول مختلفه بتشتغل فيه فعلا حاجه مبهره و تخليك تفتخر ان دوله عربيه فيها حاجه زي كده
وف الاخر صلينا العشاء من المكان المفتوح ده ورا الشيخ السديس احساس جميل جدا و كله رهبه ف نفس الوقت في ناس معانا مقدرتش تصلي او تبُص من فوق من الخوف

اللى بيسأل طريقة الدخول والتفاصيل انا بتدخل برج الساعة من اى فندق او المول اللى تحت فى كاونتر استقبال خاص بالمتحف وبيع التذاكر داخل المول اسعار التذاكر ليها نوعين زيارة عادية ريال وزيارة VIP ريال ومعرفش الصراحة ايه الفرق ما بينهم بعدين بتطلع P9 دى محطة الاستقبال الخاصة بالمتحف بتلاقى ناس الصراحة محترمين جدا بيستقبلك بترحاب شديد وبيبدأ يشرحلك ايه اللى موجود فى المتحف وكل واحد بيكون معاه جهاز مبرمج انك كل ماتروح قاعة بيشرحلك بالتفصيل ايه هيا وبتتكلم عن ايه والايات القرأنيه اللى مثبت فيها الموضوع دة والجهاز طبعا تلقائى كل ما تقف قدام اى حاجة بيبدأ يتكلم عنها.
عمرى ما كتبت حاجة على الجروب بس حبيت اشارك بالبوست دة انا عايش فى السعودية كدة بقالى سنين تقريبا وروحت مكة كتير بس اول مرة النهاردة اعرف أن برج الساعة اللى فى الحرم فيه متحف والمتحف دة مكانه داخل الساعة نفسها فى الدور تقريبا
ودة فى حد ذاته مغامرة.
المهم بقا المتحف دة بيتكلم عن الفضاء والكون والمجرات والكواكب وحساب الزمن وكوكب الارض و القمر والشمس وفيه حجات تانى كتير هما اربع ادوار وبجد فيهم معلومات انا كنت اول مرة اعرفها وحجات اول أشوفها لأن داخل المتحف عاملين تجسيد لكل حاجة بيتكلمه عنها.
بجد مكان يستاهل الزيارة
نيجي بقا لأهم حاجة وهيا الشرفة من الشرفة دى انت فعلا بتقدر تكشف مكة كلها من فوق وطبعا كمان كاشف منظر الحرم المكى والكعبة الشريفة

قبل ما تتفرج علي الصور بنرشحلك المكان ده
تقرير رحلتي الى الامارات

برج الساعة من الداخل
برج الساعة من الداخل
برج الساعة من الداخل
برج الساعة من الداخل
برج الساعة من الداخل
برج الساعة من الداخل
وسم :

Leave a Reply

Your email address will not be published. Required fields are marked *