المكان ده لو دخلته هتحس انك سافرت بالزمن لعصور راحة البال ? او مكان من الاماكن الي بنحلم بيها
قلعة بجد للأستجام والفصلان وبس
وخصوصا بقى بعد يومين المطرة الحلوين دوول
بدل ما تدفع عشرين الف جنية وتاخد جزيرة لوحدك فى المالديف
انت ممكن تدفع ٧٠٠ بس فى مصر ??
مكان مش هتصدق انه موجود في مصر فعلا بدون مبالغه و الي راح المكان ده ممكن يعرف قيمه الكلام الي بكتبه و اللي مهما اتكتب عنه مش هنعرف نخليك تتخيل روعه المكان و لا حتي بالصور.
‏Castle Zaman
علي بعد ساعه من دهب و ١٠ دقائق من طابا.
عباره عن قلعه اثريه تحولت الي مكان لاستجمام و الهدوء عشان كده ممنوع (دخول الاطفال) و ده سبب كافي لاستمتاع بالمكان.
مكان معمول عشان تقضي يوم فيه فقط يعني مافيهوش بيات فهتلاقي الليله بتبدا من ١٢ ظهرا حتي ٨ مساءا.
سعر اليوم ده ٧٠٠ جنيه شامله الضريبه و استخدام حمام السباحه و مكان لاستحمام و تغيير الملابس و وجبه طعام.

*ملحوظه
السعر في الايام العاديه ب ٧٠٠ جنيه ايام الاعياد و الاجازات الرسميه ب ٨٥٠ شامل الاكل و الدخول و الخدمات

في ناس هتقول ان السعر عالي جدا بس الفكره انك هتعمل رحله ممكن تعملها مره في العمر مش لازم تكون مكرره و نصيحه اخويه بلاش تاخد وقت في انك تخوض التجربه عشان ارتفاع السعر عشان المتعارف عليه ان مفيش اسعار بتقل.

-حمام السباحه
اجمل حاجه في المكان ده هو حمام السباحه الي بيطل علي البحر.
طبعا المياه عذبه مش مياه بحر و لون المياه الي شايفينها في الصوره ده اللون الحقيقي مش معمله Edit او تعديل لصوره.

*ملحوظه مهمه
المسؤولين علي المكان اجانب و بيمنعوا الشباب تنزل حمام سباحه باي ملابس غير المخصصه لسباحه يعني مينفعش حد ينزل حمام السباحه بشورت قطني.

-اهم سؤال بالنسبه لمحجبات:
هو ينفع انزل بمايوه شرعي؟؟
اه عادي مفيش مشاكل (بشرط) انك متنزيليش بالطرحه او حاجه مش بتطرد الميه من الملابس عشان حتي لو لابسه طقم كامل لسباحه و لابسه طرحه قماش او ساتان فمسؤولين المكان هيطلعوكي فلازم تلبسي بونيه لسباحه او طقم المايوه الشرعي بالكابيشون بتاعه.

-الاكل
زي ما قلت فوق السعر شامل وجبه الطعام و هناك المكان ده بيقدم ٥ وجبات منها:
-نوعين لحمه منهم نوع مطبوخ مع التين و البلح و الخضار و بيقدم مع الارز و سلطه.
-طبق تركي و ده عباره عن ديك رومي مستوي مع التين و البلح و الخضار و الارز و سلطه
-طبق قطعتين سمك بيرش فيليه او سلمون فيليه مع الفريك بالخضار و سلطه
-طبق قطعه سمك بيرش او سلمون مع جمبري و اخطبوط و فريك و سلطه
لو عايز راي الشخصي فانا ارشح طبق السمك البيرش رقم واحد لو ملكش في تجربه الاخطبوط و بعدها طبق التركي.
**ملحوظه
-الوجبه كبيره جدا جدا و مهما كنت اكيل مش هتقدر تخلصها و خد بالك معندهمش تيك اوي.

• لازم تحجز الوجبه قبلها ب ٢٤ ساعه

ومن هنا هاتعرف
اماكن الفسح في دهب