مش لازم تسافر
الفلوس الل معاك توديك المكان دة تبات ليلة وتنزل حمام السباحة
تخيل اول ما تصحى و تفتح عينك تلاقي النيل قصادك و زرع و شجر و نخل 🌴 اتطمن انت كدة مش لسة في الحلم 😄 انت لسة هتقعد تفطر عالنيل قصاد ال View الجميل دا😍 وفى القاهرة فى المعادى
الكلام دا كله في فندق Jewel Al Maadi Cabins & Club
يعني هتروح تستلم الاوضة الساعة 2 الظهر و تدخل تغيير على طول و تلبس المايوه و النضارة الشمس و تطلع عالبسين و تنزل تبلبط شوية و تطلع تاخد Tan و تاخد معاك ال Headphone 🎧 و تسمع المزيكا اللي بتحبها في الجو الجميل
و عندك بقى النادي كله تتمشى فيه براحتك و تتصور و تعمل Stories و في داخل النادي مطاعم و قعدات عالنيل ممكن تقعد و تطلب منها اللي انت عايزه و تستمتع بالڤيو
و على فكرة الغرف هناك مستويين في الارضي، و دا كل غرفة فيه بيكون ليها قعدة خاصة بيه فيها ترابيزة و كراسي عالنيل على طول و الميزة فيه انك عالنيل على طول و كمان مناسب لكبار السن عشان مفيش طلوع ولا نزول سلالم
و الدور التاني الغرفة بيبقى فيها بلكونة و الميزة بقى انك بتبقى شايف عالنيل كله من فوق حلو اوي طول اليوم، الصبح، ساعة غروب الشمس هتلاقي السما كلها الوان جميلة 🌆 و نفس الكلام الفجر ساعة الشروق
الغرف نفسها شيك اوي و لسة كلها متجددة، و هتلاقي في كل غرفة ال Break و عايز اقولك انك هتستمتع بكوباية الشاي دي جدا و انت قاعد بتشربها عالنيل .. روقااااااااان و مود جميل اوي
بتبات في الفندق و تصحى تاني يوم تفطر و تنزل البسين تاني 🏊 و تكون مجهز حاجتك عشان تسلم الاوضة الساعة 4 و على فكرة ال699 جنيه دا حجز الغرفة الدبل لفردين،
الاطفال مجاناً لحد 6 سنوات
و من 6 ل 12 ممكن تشتريلهم وجبة فطار من الفندق
العنوان:
كورنيش المعادي، فندق جويل المعادي (Jewel Maadi Hotel)