اشهر عشر قهاوي في القاهرة
1 قهوة ريش
وانت جى من ميدان التحرير ورايح شارع طلعت حرب، والعمارات القديمة محوطاك من كل نحية، هتلاقي كافيه أسمه ريش، مكتوب عليه تأسس فى 1908م، حاجة كده مفتخرة، أعظم المثقفين والفنانين في تاريخ مصر كانوا بيحبوا يقعدوا عليه، وأسعاره عادية، واللي بيقعدوا عليه بيحبوا الهدوء والعمق، هتبقى قاعد جوه وانت متحاوط بكل روايح الزمن الجميل وقاهرة الملكية والخمسينات، نجيب محفوظ كان بيحب يعمل قعداته فيه، لكن خد بالك من قواعد المكان مفهوش شيشة، من باب المحافظة على وقار القعدة، لازم تجربه.
٢ قهوة زهرة البستان
لو انت بتحب تشيش مش هنسيبك تحتاس برضه، جنب باب ريش هتلاقى ممر، لما تمشى في الممر هتلاقى عالم تاني كله ألوان، هناك هتلاقى الشيشة الحلوة، مش بس كده عارف الجرافيتي المشهور بتاع محمد صلاح هو فى قهوة زهرة البستان، عشان لو حابب تتصور مع جرافيتي فخر العرب، كمان هتبقى حواليك رسومات لكل رموز الفن والأدب في مصر، هتحس أنك قاعد في معرض فني مش فقهوة، مفيش حد راح القهوة ديه وموقعش في حبها، انزل ميدان التحرير واسأل عليها بالاسم.. هتلاقيها.
٣ . قهوة الحرية
عشان برضه تبقى معاك خريطة بأجمد القهاوى اللي موجود في محيط طلعت حرب وميدان التحرير، جنب مقهى ريش وزهرة البستان، هتسأل على قهوة الحرية اللي في ميدان باب اللوق، ألف مين يدلك عليها، قهوة الحرية كان بيقعد عليها برضه مشاهير الفن والأدب والسياسة، القهوة ديه هتلاقيها نصين: نص بار مش بيتباع فيه غير بيرة بس، والنص تاني قهوة عادية، وهى كمان القهوة اللي اتصور فيها فيلم رومانتيكا، هتلاقى أجانب من كل مكان في العالم بيحبوا يقعدوا عليها، مش هتندم لم تجرب تقعد فيها.
٤ . قهوة التكعيبة
بتحب الرسم والفنانين التشكليين، وبتحب الشيشة المظبوطة، مكانك في التكعيبة في وسط البلد، هتلاقيها في شارع حسين المعمار، اللي بيمز القهوة ديه أن مكانها وسط قاعات الفن والرسم زى تاون هاوس، وكريم فرنسيس، والمشربية، فمتستغريش لو لقيت معظم اللي على القهوة رسامين، متستغريش في النهاية لو لقيت نفسك مرسوم، من واحد قاعد على الترابيزة اللي قدامك.
٥. قهوة فينيكس
لسه لفتك في وسط البلد مخلصتش، ولقيت نفسك عايز تجرب قهاوى تانية، في شارع عماد الدين، متفوتش فرصة أنك تقعد على قهوة “فينيكس” القهوة ديه كان بيقعد عليها نجيب الريحاني وكوكب الشرق ويوسف وهبى، وغيرهم من نجوم الزمن الجميل، لما تقعد فيها هتلاقي نفسك متحاط بحكاوى حلوة، هتتونس حتى وانت لوحدك، وهتحس أنك على راحتك لو معاك صحابك، هناك هتلاقى ألف قصة متعرفهاش، وهتشرب أحلى فنجان قهوة بطعم الليل والسهر وحكاوى زمان.
٦ . قهوة الفيشاوى
منطقة الحسين من المناطق اللي بيجيها السكان من كل دول العالم، وعشان هى منطقة مصرية أصيلة، لازم تلاقى عليها قهوة أصيلة، اسمها قهوة الفيشاوى عمرها أكتر من 200 سنة، من 1797م، قعد عليها مثقفين وأدباء ورؤساء دول كمان منهم الرئيس الجزائري عبد العزيز بوتفليقة، ريحة زمان كلها في القهوة ديه والمنطقة ديه، لو رحت الحسين لازم متضيعش الفرصة وتروح تجربها.
٧ . قهوة الزهراء
لو خلصت قعدتك في الفيشاوى، لسه قدامك حاجات تانية تعملها في الحسين، عشان كده هتلاقي قهوة اسمها الزهراء، مفتوحة 24 ساعة، عليها ناس تحب المغنى والمزيكا وتقدر السلطنة والمزاج الرايق، اللي بيعزفوا ناى وعود هتلاقيهم حواليك، هتسمع ألحان من زمن غير الزمن، والوقت هيجرى بيك ومش هتهزق من القاعدة، عشان كده مفتوحة 24 ساعة، وعليها كل اللي انت عايزه، هتستمع بهوا مصر القديمة، وقعدة قهوة الزهراء اللي متتعوضش.
٨ . قهوة الساقية
في شارع المعز هتلاقي قهوة منظرها هيشدك، اسمها قهوة الساقية، مكونة من دروين، وفيه ركن للشيشة، لكن اللي بيميز القهوة ديه إنها من ريحة النوبة وأغاني النوبة، هتسمع منير ومنيب، وهتشوف صورهم متعلقة في كل ركن حوليك، الخدمة كويسة وشباب حلوة ولطيفة شغالة في المكان، هتحب تجرب تسمع لمنير ومنيب في المكان ده، متفوتش الفرصة.
٩ . قهوة السحيمي
اسأل وانت بتلف في المعز على حارة الضرب الأصفر، هناك هتلاقي قهوة “بيت السحيمي”، جو تاني كله روقان وقاعد في مكان مفتوح والقاهرة الفاطمية نقلاك لعالم تاني، كل اللي انت عايزه هتلاقيه هناك، وأسعاره مش وحشة، وعملين كمان تخت شرقي بيجي يعزف للي قعدين في المكان، وفي ركن للقعدة العربي، لو حابب تريح من قعدة الكراسي وتقعد براحتك انت وصحابك.
١٠ . قهوة نجيب محفوظ
بعد ما الاستاذ أخد نوبل، اتفتحت قهوة على أسمه في منطقة خان الخليلي، بيتجمع عليها ناس من كل الأشكال، وهتلاقي على الحيطان صور لنجيب محفوظ مع اللي شغلين في القهوة، لازم تجرب المكان القعدة هناك حلوة، والخدمة مميزة جدًا، وهتحب تروح تزوره تاني.
1 قهوة ريش
وانت جى من ميدان التحرير ورايح شارع طلعت حرب، والعمارات القديمة محوطاك من كل نحية، هتلاقي كافيه أسمه ريش، مكتوب عليه تأسس فى 1908م، حاجة كده مفتخرة، أعظم المثقفين والفنانين في تاريخ مصر كانوا بيحبوا يقعدوا عليه، وأسعاره عادية، واللي بيقعدوا عليه بيحبوا الهدوء والعمق، هتبقى قاعد جوه وانت متحاوط بكل روايح الزمن الجميل وقاهرة الملكية والخمسينات، نجيب محفوظ كان بيحب يعمل قعداته فيه، لكن خد بالك من قواعد المكان مفهوش شيشة، من باب المحافظة على وقار القعدة، لازم تجربه.
٢ قهوة زهرة البستان
لو انت بتحب تشيش مش هنسيبك تحتاس برضه، جنب باب ريش هتلاقى ممر، لما تمشى في الممر هتلاقى عالم تاني كله ألوان، هناك هتلاقى الشيشة الحلوة، مش بس كده عارف الجرافيتي المشهور بتاع محمد صلاح هو فى قهوة زهرة البستان، عشان لو حابب تتصور مع جرافيتي فخر العرب، كمان هتبقى حواليك رسومات لكل رموز الفن والأدب في مصر، هتحس أنك قاعد في معرض فني مش فقهوة، مفيش حد راح القهوة ديه وموقعش في حبها، انزل ميدان التحرير واسأل عليها بالاسم.. هتلاقيها.
٣ . قهوة الحرية
عشان برضه تبقى معاك خريطة بأجمد القهاوى اللي موجود في محيط طلعت حرب وميدان التحرير، جنب مقهى ريش وزهرة البستان، هتسأل على قهوة الحرية اللي في ميدان باب اللوق، ألف مين يدلك عليها، قهوة الحرية كان بيقعد عليها برضه مشاهير الفن والأدب والسياسة، القهوة ديه هتلاقيها نصين: نص بار مش بيتباع فيه غير بيرة بس، والنص تاني قهوة عادية، وهى كمان القهوة اللي اتصور فيها فيلم رومانتيكا، هتلاقى أجانب من كل مكان في العالم بيحبوا يقعدوا عليها، مش هتندم لم تجرب تقعد فيها.
٤ . قهوة التكعيبة
بتحب الرسم والفنانين التشكليين، وبتحب الشيشة المظبوطة، مكانك في التكعيبة في وسط البلد، هتلاقيها في شارع حسين المعمار، اللي بيمز القهوة ديه أن مكانها وسط قاعات الفن والرسم زى تاون هاوس، وكريم فرنسيس، والمشربية، فمتستغريش لو لقيت معظم اللي على القهوة رسامين، متستغريش في النهاية لو لقيت نفسك مرسوم، من واحد قاعد على الترابيزة اللي قدامك.
٥. قهوة فينيكس
لسه لفتك في وسط البلد مخلصتش، ولقيت نفسك عايز تجرب قهاوى تانية، في شارع عماد الدين، متفوتش فرصة أنك تقعد على قهوة “فينيكس” القهوة ديه كان بيقعد عليها نجيب الريحاني وكوكب الشرق ويوسف وهبى، وغيرهم من نجوم الزمن الجميل، لما تقعد فيها هتلاقي نفسك متحاط بحكاوى حلوة، هتتونس حتى وانت لوحدك، وهتحس أنك على راحتك لو معاك صحابك، هناك هتلاقى ألف قصة متعرفهاش، وهتشرب أحلى فنجان قهوة بطعم الليل والسهر وحكاوى زمان.
٦ . قهوة الفيشاوى
منطقة الحسين من المناطق اللي بيجيها السكان من كل دول العالم، وعشان هى منطقة مصرية أصيلة، لازم تلاقى عليها قهوة أصيلة، اسمها قهوة الفيشاوى عمرها أكتر من 200 سنة، من 1797م، قعد عليها مثقفين وأدباء ورؤساء دول كمان منهم الرئيس الجزائري عبد العزيز بوتفليقة، ريحة زمان كلها في القهوة ديه والمنطقة ديه، لو رحت الحسين لازم متضيعش الفرصة وتروح تجربها.
٧ . قهوة الزهراء
لو خلصت قعدتك في الفيشاوى، لسه قدامك حاجات تانية تعملها في الحسين، عشان كده هتلاقي قهوة اسمها الزهراء، مفتوحة 24 ساعة، عليها ناس تحب المغنى والمزيكا وتقدر السلطنة والمزاج الرايق، اللي بيعزفوا ناى وعود هتلاقيهم حواليك، هتسمع ألحان من زمن غير الزمن، والوقت هيجرى بيك ومش هتهزق من القاعدة، عشان كده مفتوحة 24 ساعة، وعليها كل اللي انت عايزه، هتستمع بهوا مصر القديمة، وقعدة قهوة الزهراء اللي متتعوضش.
٨ . قهوة الساقية
في شارع المعز هتلاقي قهوة منظرها هيشدك، اسمها قهوة الساقية، مكونة من دروين، وفيه ركن للشيشة، لكن اللي بيميز القهوة ديه إنها من ريحة النوبة وأغاني النوبة، هتسمع منير ومنيب، وهتشوف صورهم متعلقة في كل ركن حوليك، الخدمة كويسة وشباب حلوة ولطيفة شغالة في المكان، هتحب تجرب تسمع لمنير ومنيب في المكان ده، متفوتش الفرصة.
٩ . قهوة السحيمي
اسأل وانت بتلف في المعز على حارة الضرب الأصفر، هناك هتلاقي قهوة “بيت السحيمي”، جو تاني كله روقان وقاعد في مكان مفتوح والقاهرة الفاطمية نقلاك لعالم تاني، كل اللي انت عايزه هتلاقيه هناك، وأسعاره مش وحشة، وعملين كمان تخت شرقي بيجي يعزف للي قعدين في المكان، وفي ركن للقعدة العربي، لو حابب تريح من قعدة الكراسي وتقعد براحتك انت وصحابك.
١٠ . قهوة نجيب محفوظ
بعد ما الاستاذ أخد نوبل، اتفتحت قهوة على أسمه في منطقة خان الخليلي، بيتجمع عليها ناس من كل الأشكال، وهتلاقي على الحيطان صور لنجيب محفوظ مع اللي شغلين في القهوة، لازم تجرب المكان القعدة هناك حلوة، والخدمة مميزة جدًا، وهتحب تروح تزوره تاني.
قبل ما تتفرج علي الصور بنرشحلك المكان ده
اماكن خروجات مميزه في القاهرة
افضل اماكن الفسحه والخروج في وسط البلد بالقاهرة
أماكن الخروج في وسط البلد
