افضل الاماكن في دبي بأقل تكلفه سفر

بأقل سعر تعرف علي تكلفه السفر من مصر لدبي

فيزا وتامين ١٥٠٠ جنيه
طيران رايح جاي علي ويز اير من سوهاج ل ابوظبي ب ٤٠ يورو، ٦٨٠ جنيه
باص من القاهره لسوهاج رايح جاي ٣٤٠ جنيه

هتوصل ابوظبي تاخد باص ال Expo بالتيكيت اللي معاك مجانا ل دبي وهيوصلك عند الاكسبو وجنبه المترو اركب للمحطه اللي انت عايزها ، وانت راجع نفس الكلام هتاخد باص ال اكسبو ل ابوظبي ببلاش، تشتري كارت المواصلات وتشحن ب ٥٠٠ جنيه يكفيك اسبوع حسب تنقلاتك

تذكره اكسبو ب ٥٠ درهم يعني ٢١٥ جنيه ودي دخول متعدد يعني تقدر تروح كل يوم لو عايز السكن مجانا عن طريق Couchsurfing او ممكن تحجز هوستيل من ١٠٠ دولار في الاسبوع وحاجه معقوله وطبعا في اعلي من كده بكتير

القريه العالميه شغاله من الساعه ٤ ب ١٥ درهم يعني ٦٥ جنيه ولو هتحجز من هناك ب ٢٠ درهم، خدلك لفه واتفرج علي العروض اللي بتتعمل وممكن تاكل عند البيت البوسني اللي كله بيتكلم عليه

مول دبي وبرج خليفه، هتاخد المترو وانزل محطه مول دبي/برج خليفه، خدلك لفه في المول واتفرج علي ال اكواريوم وبعد كده اطلع اتفرج علي برج خليفه واتصور واستني لغايه بالليل الساعه ٦ بتبدا عرض النافوره الراقصه وبيكون كل نص ساعه

ولو عايز تطلع فوق البرج بيكون التيكيت ب ٨٠ درهم يعني ٣٤٥ جنيه

اركب مركب في البحر وخور دبي لمده ٢٠ دقيقه مجانا، بيكون من سوق المرفأ ومحطه سوق ديره القديم وبتعدي علي جسر انفنيتي الجديد وممكن تركب من اي اتجاه

تروح اطار دبي تتصور وممكن تطلع فوق كمان

تروح برج العرب وشاطي دبي

اتقل حاجه بقي ال Expo وده بيبدا من الساعه ٩ لاكن ال Pavilions بتفتح من الساعه ١٠ واحسن حاجه انك تحجز من الابليكيشن Smrt Queues للبلاد اللي بتكون زاحمه دائما زي المانيا، سويسرا، امريكا، المغرب

اهم حاجه لو مسافر لواحدك متنساش ال تريبود عشان تصور نفسك

غير بقي مصاريف مواصلاتك واكلك وشربك زيها زي مصر يعني بالكتير هتقطع معاك ٥ الاف جنيه وحتي لو مش عايز تتعامل بالكاوتشسيرفينج ممكن تحجز هوستيل اسبوع ب ١٠٠ دولار يعني هيبقي توتل ٦٥٠٠

ده غير وانت راجع لو معاك وزن زياده ممكن تتعامل علي HitchHicker تاخد وزن لحد ويحاسبك وبكده جبت كمان جزء من مصاريف الرحله