ازاي تسافر أسوان و الأقصر بأقل تكلفة في مصر

ازاي تسافر أسوان و الأقصر بأقل تكلفة في مصر

أسوان و الأقصر ? ( ٦ أيام _ أعلى جودة _ أقل سعر )
* لا انصح بها هواة الرفاهية ⁩
⁦1️⃣⁩ متستناش صحابك او عيلتك و تقعد تتحايل عليهم و تضيع الفرص و الاجازات ⁦⁩سافروا لوحدكم و هتتبسطوا جدا ⁦♥️⁩
⁦2️⃣⁩⁦ لو ف موسم زى اجازة نص السنه
احجز القطر قبل ما تخطط لأى حاجه وقبل رحلتك ب ١٠ أيام ع الاقل ? و اوصل قبل ميعاد القطر استنى فالمحطه .
س : طيب لو أتأخرت او معييش حجز !؟
ج : فيه قطارات بيطلع فيها حاجه اسمها عربية علاوة ( بيبدأ حجزها يوم القطر من الصبح بدرى . بيكون طابور فالمحطه بتسجل اسمك و تنتظر فتح الشباك ) و ده اللى أنقذنى الحمد لله ⁦لما حد معرفة ربنا يكرمه خلصىلى الموضوع ده و كان اول مره اعرف فكره العلاوه دى ?
خرجت ف قطر ١٢ الظهر من القاهره ( ومنصحش حد يركب قطر بالنهار لانه بيبقى مهرجان او مولد ?)
و صلت اسوان قبل الفجر بشويه .
كنت قبلها بأسبوع عملت سيرش ع الفنادق و الهوستل علشان اعرف أقل سعر و أفضل تقييم ( وهنا دم افادنى جدا انى اظبط جدول الزيارات و عناوين الاماكن و طرق المواصلات و الميزانيه )
و الصراحه ملاقتش حاجه تناسبنى ( عاوز أطلع رحله بأقل تكاليف و جوده محترمه ? )
كلمت حد محترم من الجروب كان حد ممنشنله ف بوست عن رحلته وانه ساعده . فقالى ع مكان حكومى شبه نُزل الشباب اسمه ( مركز إدارة التدريب ) تابع لمديرية التضامن الاجتماعى ، و افتكرت انى كنت نازل فيه من سنتين تبع رحله .
و اتفاجت بالسعر ? تخيلوا ! ٤٠ جنيه _ أربعون جنيه مصريا لا غير للفرد _ ?⁦♥️⁩⁦♥️⁩
كلمتهم و رحبوا بيا جدا
و استقبلونى الفجر لما وصلت ريحت شويه ف صاله نوم فيها سراير لحد ما الصبح جهزولى أوضتى ? ( ٣ سراير و دولاب و حمام داخلى وسخان و تكييف ) ? اه والله و ب ٤٠ جنيه ? وفيو تحفه ⁦♥️⁩كنت ناوى ع حجز ٣ ايام . بس حجزت أربعه ( عن ما حد حوش ? )
⁦3️⃣⁩ اركبوا مواصلات و اسألوا أهل البلد هيفيدوكم جدا ? اجره الميكروباص ١.٧٥ قرش ف حين لو تاكسى هتدفعوا ٣٠ ج ⁦??‍♂️⁩
#اول يوم روحت ?جبل أبو الهوا اركب معديه ب ٢ ج وتذكرته ٥ ج ( طلوعه صعب جدا . لكن يستحق ⁦♥️⁩مجرد ما توصل هتنسى اى تعب ) وانا نازل منه عديت ع مقابر النبلاء و الحارس دخلنى مقبرة و سابنى لوحدى ? ولاقيت خفافيش صاحيه ف السقف ?
بعديها روحت قرية نوبيه جمبه اتمشيت فيها شويه ⁦♥️⁩ وطلعت اتغديت ?
و بالليل شويه روحت ? متحف النوبه ( تركب ميكروباص السيل و ينزلك عند الكنيسه او كتاركت تمشى الشارع شويه هتوصل ) التذكرة ٥ ج و عيش جوا براحتك تاريخ النوبه من العصر الحجرى و الفراعنه و القبطى و الاسلامى و الحالى .
وختمت اليوم ب حفل خطوبه ? حد اتعرفت عليه هناك وبقينا أصحاب فاخدنى معاه ?
#تانى يوم بدأته من بدرى روحت جزيرة فيلة ? بيطلعله عربيات خاصه لكن احنا مش بتوع كدا ? ( تركب عربيات صحارى من موقفها اللى اودام الكورنيش لو سألت عنه مش هتتوه . ب ٣ ج تقريبا و بتنزل عند خزان اسوان و تتمشى شويه ف وسط بيوت . بتلاقي نفسك وصلت لهناك ) التذكره ب ٥ ج برضه .
المشكله هنا انك علشان توصلها عن طريق لانش ( مركب ) اقل سعر هيتقالك ١٠٠ ج . فاستنى لحد ما تلاقى اى مجموعه و اعرض عليهم تشاركهم ف المركب ( عملت كدا و اترفض طلبى ٣ مرات ??)
لحد ما لاقيت عيله مع بعضهم فقولت للأب رحب بيا جدا و ركبنا مع بعض ⁦♥️⁩ ( و احنا راجعين مرضيش يخلينى ادفع و قالى انى ضيفهم و كان كريم جدا معايا )
* فيلة عباره عن جزيرة فيها معابد كتير _ اعمل سيرش ف جوجل عنها و شوف الصور اللى تحت بتاعتها ??
وانت راجع ارجع من نفس الطريق هتطلع عند الخزان هتلاقى اودامك ? متحف النيل ب ٥ ج ( لطيف و خفيف وممتع ) خلصه و اركب من اودامه ميكروباص ل وسط البلد ف اسولن و اتغدى و غيش .
و ف اخر اليوم روحت حنة نوبى ? تبع صاحبى اللى اتعرفت عليه هناك برضه ( العريس و العروسه بيلبسوا هندى و أغانى و رقص نوبى عشقتهم الصراحه ⁦♥️⁩? )
#تالت يوم كان غرب سهيل ? وجمال غرب سهيل ? وحلاوة غرب سهيل ? اسيبلكم الصور هى اللى تحكى ??
بس الازمه انه بيتراح عن طريق مركب او لانش برضه ( بس مش سكتنا ? ) فقولت أكيد اهل البلد مبيقضوهاش لانشات . فسألت ولاقيت ليها موقف عند مسجد الطابيه المعروف ف اسوان ب ٣ جنيه تقريبا برضه لحد شارع البزارات ف القرية ?? قضيت اليوم هناك
و رجعت بنفس الطريقه و نزلت عند ? حديقة فريال و دى أجمل مكان بحبه ف اسوان كميه طاقة ايجابيه و روح صفاء عاليه جدا ?
#رابع يوم كان معبد أبو سمبل ٣ ساعات من أسوان . عربياته من موقف الأقاليم ٦٠ ج ، وصلت هناك الصبح الساعه ٧ لاقيت ميكروباص بيحمل ركبت فيه و وصلنا ف ساعتين ونص ? و قابلت ٣ شباب كانوا رايحين برضه وكالعاده اتعرفت عليهم ? وخدنا رقم السواق و لفينا مع بعض جوا.
الطريق صعب وسفر طويل لكن يستحق و الصور تشهد ⁦♥️⁩
ورجعنا برضه ب ٦٠ ج . ولفيت ف السوق اشتريت هدايا و عطاره و فسيخ ? و سألت ع قطر الأقصر ٧ص وملاقتش مكان ??
لكن ربك بيسهلها ⁦♥️⁩ روحت الصبح و حجزت تذكره اسمها واقف .و الحمد لله موقفتش ? لاقيت كرسى فضلت قاعد عليه لحد ما وصلت الاقصر صاحبه ركب منها ?
⁦4️⃣⁩ احجز الفنادق حتى لو بالتليفون قبل متروح ? لانى ملاقتش حاجه مناسبه خالص لفكرتى ( سعر قليل ، جوده عاليه ) ، حتى الاماكن اللى لاقيتها كانت مفهاش ولا اوضه .
لكن ربك كبير والله ?
فاكرين صاحبى بتاع اسوان ? عرفنى ع قريبه ف الاقصر و استضفنى عنده فالبيت اليومين دول و نزل خرج معايا و لفينا اليوم ده ف البر الشرقى ???
روحنا الكرنك نحجز تذكره صوت و ضوء قالوا بتتحجز من الساعه ٥ ونص . ركبنا ميكروباص ١.٧٥ ج روحنا معبد الاقصر دخول ٥ ج برضه . صور تحفة و حضارة جميله جدا ?
⁦5️⃣⁩ حاول ف اى معبد تروحه تنضم لأى فوج او مرشد بيشرح هتفهم حاجات كتير و هتندهش أكتر ⁦♥️⁩ المكان مش مجرد صور _ بس الصور حلوه برضه ?
المهم يا سيدى خلصنا معبد الاقصر . لاقينا حنطور ?? بعد فصال كتير ركبنا معاه روحنا متحف التحنيط لاقيناه قافل قولت كويس لانى مبحبوش اصلا ?
كملنا ع الحنطور لحد معبد الكرنك و قطعنا تذاكر عرض الصوت و الضوء :
١ – تذكرته ٨٠ ج سواء طالب او عادى
٢ – العرض كويس جدا والحكايات و الاصوات تعيشك ف الجو و بتسافر بيك ف الزمن
٣ – لو معاك لغه متدخلش عرض مصريين لانهم كان زحمه تقريبا يوصل ل ١٠٠٠ شحص و كان مفيش تنظبم و دوشه ⁦
لكن ف المجمل التجربه حلوه و ممتعه و مش خسارة ٨٠ ج ??
٨٠ × ١٠٠٠ فرد = ٨٠ ألف جنيه ف ساعه ??? ( يا ولاد المحظوظه )
خلصنا العرض ٧ م طلعنا متحف الاقصر ٥ ج و اعتقد مش محتاج عنه كلام ( تماثيل و موميائات وكل حاجه عليها شرحها ) ⁦♥️⁩?
#خامس يوم صحيت متأخر لانى مكنتش نايم قبلها كويس فاتحركت الساعه ٩ كدا ركبت لانش ب ٢ ج للبر الغربى . ركب معانا سواق عربيه هناك ( هو مهنته الاساسيه مدرس وقدر كبير من الثقافه ما شاء الله ) عرض علينا يعمل بينا جوله البر الغربى وبعد فصال كتيييير جدا اتفقنا ع ١٦٠ ج عربية نيسان حديثة ٢٠٢٠ ?
روحنا : وادى الملوك تذكره ١٠ ج ( ٣ مقابر ) تذكره لمقبرة رمسيس الخامس و السادس ٥ ج ( ودى لازم لازم تتشاف لانها أهم و أفضل مقبرة ، و تذكره طفطف ( وسيلة تنقل هناك ٢ ج ) .
كان شخص محترم هنا قال ان افضل مقابر ٣ و ١١ و ١٤ . وفعلا كلمه صح ? لانى دخلت واحده تانيه غير ٣ ومطلعتش كويسه زى ١١ و ١٤ اللى كانوا تحفه ?
خلصنا كلمنا الحج صاحب العربية و صلنا ل معبد حتشبوست تذكرتها ٥ ج صورها حلوه جدا و منظرها مهيب
وبعدها روحنا لأفضل معبد ف الأقصر و أسوان كلهم ( معبد هابو ) تحفه معمارية و فنية و ألوان تسحرك ⁦♥️⁩
ثم ختمناها ب دير المدينه و فيه مقربتين حلوين جدا ? و تمثالى ميمون ! ولا ممنون ! ? ايا يكن . تمثالين خضر و سعدية ??
خدنا لانش ل جزيرة الموز ( بعد فصال و افق ب ١٥٠ ج ) ومحبتش المكان انه يتدفع ١٥٠ ج علشان شويه شجر موز و قرد و تمساح محبوسين ف أقفاص
لكن حبيت طعم الموز هناك ⁦♥️⁩
ثم السوق هدايا و جبت ميداليات فرعونيه ال ٥ ب ١٠ ج ?
و حظاظات ال ٤ ب ١٠ ج ده بعد الفصال برضه
وبكدا انتهت جولتى و انا الان ف الاتوبيس ف طريقى القاهره
⁦6️⃣⁩ متركبش أتوبيس علشان زفت و وحش و غالى ع الفاضى ( لكن المضطر يركب الصعب . لانى ملاقتش تذاكر قطر خالص و كان ميعاد vip ملهوش العلاوه اللى قولنا عليها فوق )
الرحله كامله اقامه + أكل + انتقالات خارجيه و داخليه + مزارات + اكراميات + هدايا اتكلفت تقريبا ١٥٠٠ ج ?

قبل ما تتفرج علي الصور بنرشحلك المكان ده
افضل برنامج لرحلة الاقصر واسوان

ازاي تسافر أسوان و الأقصر بأقل تكلفة في مصر
ازاي تسافر أسوان و الأقصر بأقل تكلفة في مصر
ازاي تسافر أسوان و الأقصر بأقل تكلفة في مصر
ازاي تسافر أسوان و الأقصر بأقل تكلفة في مصر
ازاي تسافر أسوان و الأقصر بأقل تكلفة في مصر
ازاي تسافر أسوان و الأقصر بأقل تكلفة في مصر

Leave a Reply

Your email address will not be published. Required fields are marked *