افضل الاماكن فى اسوان خلال يومين

افضل الاماكن فى اسوان خلال يومين

اسوان
تقدر تلف و تقضي الرحلة في يومين لو معندكش غير اجازة ويك ايند و انا مش بحبذ كدة ممكن من 3- 5 ايام غير المواصلات تقدر تعمل الرحلة بداية من 600 لكن هيكون في ترشيد كتير حتى 1500 دا وسط جميل و تلف شوية حلوين

*يا سيدي متشتلش هم و انت هناك حدد خط سيرك و وقت كل مزار و كله هيدبر هناك و حاول لو في امكانية تروح جزيرة هيسا تقضي يوم ولازم تاكل هناك الاكل على الطريقة النوبية له مذاق خاص و طبعا متفوتش شروق و غروب .

  • الخطة كالتالي انت توصل الصبح ما بين 6 لي 8 الصبح دا انسب وقت علشان تستغل اليوم دا

مواعيد القطارات في الصور و تجربتي الاخيرة مع قطار 2006 درجة تانية بي 135 ج و بيتحرك 5 ونص مساءا و يوصل 7 الصبح و كان لطيف نوعا ما و بيقف في المحافظات يعني 8 مرات في ارخص و مكيف بي 70 و في مميز(العادي) بي 26 او30 تقريبا كنت ركبته من فترة

  • الاقامة في بيت الشباب بي 48 جنية شامل الفطار و احجز قبلها غرفة من 8 سراير و حمام خارجي رقمهم 0972440313 و في فندق اكتوبر برضوا نفس الفكرة و في فندق كويس في حمام داخلي و تكيف اسمه كوين نورهان و في كتير

*اليوم الاول في النيل وسط الجزر و المزارت اللي لازمها مركب
اول ما تنزل تروح طالع على مطعم الونش تفطر و تروح على قهوة ام كلثوم تاخد الشاي و بعدها الى المرسى على الكورنيش امام نادي الصيد تاخد مركب بي 2 جنية للبر الغربي تطلع على ( مقابر النبلاء و ابو الهوا ) تشوف اسوان كلها من فوق تنزل على نجع القبة تشرب شاي برضوا من عند حمو قهوة قولوا انك تبع حاتم اللي كان مخيم عندك من سنتين كدة على الضيق بعدها تطلع على( جزيرة حديقة النباتات ) لو مركب مخصوص 50 ج رايح جي و خد رقمه و حاسبه لما يرجعلك و عليك و على جزيرة (الفنتين) و اسأل على (متحف انيماليا) بيت نوبي ملكية شيخ المرشدين محمد صبحي مصنف عالميا و القعدة بي 20 بالشاي و بعدها ( محمية سالوجا و غزال ) و تاخد لفة حلوة هما جزر جمب بعض حاجة وهم و تروخ واخد نافسك على غرب اسوان تشرب شاي و تاخد جولة في السوق هناك و في الاخر الجماعة البربر اللي بيرعوا الجمال لو عايز تركب جمل و من عندك لو في وقت على( فيله) و تشوف رمز الصداقة و السد العالي و الخزان و في اخر اليوم ترجع على جزيرة (هيسا ) احسن ناس تتكلم النوبية و هي لغوة تنطق ولا تكتب للتوضيح فقط

*اليوم التاني اسفلت بقى المتاحف و السوق اللي في البلد
لو فيك صحة تطلع على ابو سمبل و تكون هناك 7 الصبح علشان المسافة كبيرة من اسوان لي ابوسمبل حوالي 300 ك و في اتوبيس نقل الصعيد بيروح و يرجع في نفس اليوم و بعدها تاخد لفة المتاحف متحف النيل و متحف النوبة و المتاحف كبيرة جدا جدا بتاخد وقت يعني لو روحت ابو سمبل ارجع مع اول اتوبيس تكون في اسوان 1 او 2 بالكتير و بعد اللفة دي

  • تنزل السوق المحلي جمب المحطة تاخد جولة محترمة هتنبسط اوي اوي اشهر المنتجات الفول السوداني و الكركدية و التوابل و الفسيخ و الملوحة

مزارات غير مشهورة او غير معتادة لكن مهمة لو عندك وقت متفوتهاش ( مقابر النبلاء – معبد كلابشة – مآذنة بلال – مقابر اغاخان -حديقة فريال –حجرالمجاعة من ايام سيدنا يوسف ) في رحلة العودة و انت راجع ( معبد كوم امبو – معبد ادفو )

قبل ما تتفرج علي الصور بنرشحلك المكان ده
خروجة جزيره هيسا بأسوان

افضل الاماكن فى اسوان خلال يومين
افضل الاماكن فى اسوان خلال يومين
افضل الاماكن فى اسوان خلال يومين
افضل الاماكن فى اسوان خلال يومين
افضل الاماكن فى اسوان خلال يومين
افضل الاماكن فى اسوان خلال يومين
افضل الاماكن فى اسوان خلال يومين
افضل الاماكن فى اسوان خلال يومين
افضل الاماكن فى اسوان خلال يومين
وسم : /

Leave a Reply

Your email address will not be published. Required fields are marked *