تعرف ان فى جزيرة فى قلب النيل من الاماكن الهادئه للخروجات في القاهره بتقعد فيها مع نفسك كدة وتعتبر حديقة مفتوحة الحيوانات بتتمشى حواليك
جزيرة معمولة ميكس كأنك سافرت دهب مع النوبة مع افريقيا النيل حواليك يمين و شمال، جزيرة في قلب النيل مفيش دوشة مفيش عربيات نهائي، مفيش شوارع أصلا
الطريقة الوحيدة اللي ممكن توصل بيها للجزيرة إنك تروح بمركب و تستمتع برحلة في النيل هتعدي فيها على أشهر معالم القاهرة زي الفنادق المشهورة و برج القاهرة في الزمالك
المميز انك فعلا هتلاقى حيوانات المزرعة حواليك يعنى مثلا الوز بيستقبلك اول ما تحدفله الاكل و تتمشى شوية تلاقي الطاووس فارش ريشه زي اللوحة و الديك داخل عليك بيتمخطر و وراه الفراخ الفرعوني اللي مرسومة في البرديات و على جدران المعابد “غير الفراخ اللي بناكلها دلوقتي”
طاووس، بجع، بغبغانات، سلاحف، نعام، حمام، الديك بتاع ميكي ماوس
و في الاخر خالص الغزالة الرايقة
دا غير إن في كيدز اريا ((مجانا)) للأطفال عشان يستمتعوا باليوم كله و يلعبوا و يشبعوا لعب
اليوم دا انت هتتصور فيه احلى صور ممكن تتصورها في حياتك استغل اليوم بقى و خد معاك كذا طقم و اتصور بالموبايل
انت بيبقى ليك وجبة فطار و وجبة غداء،
وقت الغدا بقى جرب تشوي بنفسك و تطلع مهارات الكبابجي اللي جواك
وجبة الغداء بتكون عبارة عن ربع فرخة مع عيش و سلطة خضراء و طحينة
و صدقني لو انت اللي شويت بنفسك كدة كدة الاكل هيعجبك، كفاية بس متعة التهوية بالريشة عالشواية
مسموح انك تاخد أي أكل معاك احنا بقى خدنا معانا ذرة و بطاطا عشان نشويهم عالنيل
انت حتى لما تقعد تشرب كوباية شاي او قهوة عالنيل هتحس إن ليهم طعم تاني طول ما انت قاعد في الجمال و الروقان دا
بجد انت هتتفاجئ جدا إن المكان دا موجود في قلب القاهرة و مكنتش عارفه! و أوعدك إنك هتستمتع بكل لحظة في اليوم دا و مش هيتنسي ابدا من ذاكرتك
سعر الرحلة للفرد ٥٠٠ جنيه شاملة:

• رحلة نيلية ذهاب و عودة
• وجبة فطار فلاحي
• وجبة غداء
• جولة في الحديقة المفتوحة

و الطفل يحسب نصف فرد (٢٥٠ جنيه) حتى ٥ سنوات “بحد أقصى طفلين”
المكان مناسب جدا جدا للعرسان اللي عايزين يقضوا شهر عسل خصوصاً إن في شاليهات ممكن تأجرها الليلة ب ١٥٠٠ جنيه تكفي أسرة و كل شاليه فيه حمام خاص و في كمان مطبخ مشترك زي كامبات دهب كدة
ممكن كمان تعمل فوتوسيشن فرحك هناك ولا كإنك متصور في جنوب افريقيا دي غير الصور و الڤيديوهات اللي هتتصورها في الرحلة النيلية
في Option حجز الجزيرة كلها برايڤيت ليكم لوحدكم للاعداد الكبيرة زي أعياد الميلاد الرحلات او الشركات و المدارس و بأسعار أقل شوية ممكن تتحدد من خلال الاتصال
رقمهم
01016030207
العنوان
الدخول من مرسى في العجوزة داخل Stage النيل، بجوار نادي القضاة “عند الملف بالظبط” و الرحلة بتبدأ بالمركب من هناك

أفضل اماكن للفطار على النيل

افضل باخرة على النيل كورنيش المعادي

افضل خروجات علي النيل