اسكندرية
قرار السفر قبل السفر ب يوم ??
لو عايز تسافر متستناش … حاجات كتير بتفوتك قرر بسرعة
1 ممكن تسافر اسكندرية بعربية او مكروباص او قطر وكلهم متوفرين
2 هتنزل اسكندرية عايز تقعد ع شط تنزل الماية مقدامكش غير شواطئ القوات المسلحة وارخصهم شاطئ 6 اكتوبر ودا هتركبله من عالكورنيش ل ابو قير الدخول ب30 ج والشط ب10 بس نصيحة الشط موجه عالي وكله زلط بس حلو فالتصوير
3 طب زهقت من البحر وعايز تخرج ف حمامات ممكن تظبط نفسك وتلبس بس متتاخرش فالبحر عشان ف حاجات كتير مستنياك والبنات متنساش تاخد مراية معانا❤
4 هتخرج تركب كورنيش تاني هتنزل عند كوبري استانلي تخدلك صورتين حلوين بس الكوبري مقفول دلوقتي عشان السيسي فاسكندرية بس اتصور عادي برضو?
5 بعد كدا تاخدلك مواصلة ب1ج من كوبري استانلي لحد بهجة كافيه الكافيه قعدته حلوة جدا وممكن تفطر هناك فطار شرقي ب45 ج وخدلك صورتين فيه … نسخة من باب الحياة فدهب لحد ما تروح دهب?
6 خلص ف بهجة كافيه واطلع اركب من عالكورنيش وروح عالقلعة ومتحف الاحياء المائية خدلك صورتين دخول القلعة ب20چ والمتحف ب4ج للمصريين ودخول القلعة بكمامة متنسهاش
7 طب خلصنا القلعة اخرج من القلعة هتلاقي مطلع كدا قدامها وفي ناس بتبيع مشغولات يدوية انصحك متروحش هتخلص فلوسك?? بس ينفع تجيب منها هدايا حلوة ?
8 طب فطرنا وحبينا نحلي مافيش غير الشيخ وفيق جنب القلعة مواصلة بجنيه هتوديك تطلب احلى طبق رز بلبن بالمكسرات بحوالي 20 ج تقريبا
9 طيب خلصنا التحلية وحابين نشوف اسكندرية من فوق شوية تاخد من الشيخ وفيق مواصلة لحد موقف النقراشي هتلاقي الاتوبيس ابو دورين تجربة حلوة بالنسبالي بياخدك من القلعة للمعمورة يعني يعتبر اخدلك الكورنيش كله والتذكرة ب15 ج
10 تنزل المعمورة دخولها ب20 ج وتروح لحد ملاهي المعمورة دخولها ب5 تركب ديسكفري ب50 لو عايز تعيش احساس الطيران من غير طيارة وتعيش يامعلم
11 خلصت المعمورة اكيد جوعت تاني صح اطلع ع كبدة الفلاح النص سندوتش ب4 جنيه كل لحد ما تشبع
12 خلصت وعايز تشرب حاجة اطلع ع جليم باي عالكورنيش خدلك مشروب واقعد عالبحر عظمة
13 كفاية كدا بقا ونروح ??❤❤
اسيبكم مع حلاوة صور اسكندرية?
قبل ما تتفرج علي الصور بنرشحلك المكان ده
أحسن مكان تقدر تشوف منه اسكندرية كلها
