ووتر بارك حمام سباحة في المعادى

ووتر بارك حمام سباحة في المعادى
Water Park Maadi
حمام سباحة في المعادى فى جزيرة في قلب النيل 🏝️
وكمان فى مواعيد مخصصة للسيدات فقط
دا مش حلم ولا خيال .. دا بجد و حقيقي!!
ووتر بارك Water park 🌊
حضرتك دا حمام سباحة مغطى و في نفس الوقت Open air و Heated pool و في كمان حمام سباحة مخصص للأطفال و في العاب و زحاليق كمان 🤩
عندك حوالين حمام السباحة شازلونجات كتيييير تقعد في الجو الجميل دا و تلبس النضارة الشمس و معاك سماعاتك بتسمع المزيكا اللي بتحبها و في ايدك العصير او فنجان قهوة و تفصل خالص عن العالم الخارجي 😎
اكتر حاحة عجبتني إن دا من انضف حمامات السباحة اللي نزلتها في حياتي 👌 المياة فعلا Crystal clear و على طول المسؤل عن حمام السباحة بيتحرك بالشبكة لو لمح بس اي ورقة شجر بتفكر تلمس المياة 🍃 الاهتمام بالنضافة واضح جدا
و طبعا حمامات السباحة سواء الكبير “25 متر” او حمام الاطفال عليهم منقذين متابعين كل واحد في حمام السباحة طول الوقت 👍

نظام حمام السباحة:
في السباحة الحرة .. “يعني مش تدريب” و دا بيكون فترتين في اليوم
الاولى من 9 الصبح لحد 12 الظهر
و التانية من 12 الظهر لحد 3 العصر
اي فترة من دول ب 120 جنيه و بتكون “شاملة” دخول جزيرة المعادي، يعني بعد ما تخلص تستفيد و تكمل يومك في جزيرة المعادي و تتفسح و تنبسط
المكان دا حل مشكلة كبيرة جداً .. دايما انا و صحابي كنا بنحتاس كل صيف في إننا عايزين ننزل حمام سباحة بس مش كلنا مشتركين في نفس النادي .. هنا بقى كل المطلوب منك المايو و تدفع ال 120 جنيه و تنزل تبلبط و تنبسط
ولا اشتراك و لا عضوية ولا وجع دماغ 😅
سؤال بقى .. طب لو عايز انزل من 9 الصبح لحد 3 العصر؟ هدفع كام؟
هتاخد خصم 50% عالفترة التانية 😉
و ايام الجمعة و السبت بيبقى فيها فترات مختلفة
فترة للشباب من ١١ ل ١ م و فترة مخصصة للعائلات فقط من ١ ل ٤ مساء
بالنسبة لأكاديمية السباحة بقى The meg
في مدرسة سباحة للاطفال ب 400 في الشهر
و مدرسة للكبار “رجال/سيدات” ب 500 في الشهر
و أوليا الامور ليهم 50% خصم لو مشتركين للاطفال دا غير ان بيبقى في خصم على كل اخ مشترك
و في مواعيد مخصصة للسيدات فقط .. كل الرجالة اللي في المكان بياخدوا بريك و الستات يسيطروا على المكان بشكل كامل 😄😄 و المكان كله متحاوط بسور عالي د، يعني تقدري تنزلي و انتي مطمنة 100% إن كلكم بنات بس
ايام الجمعة و الاربعاء من الساعة 6 ل 8 بالليل
في هناك محل بيبيع كل مستلزمات السباحة من اول المايو “رجالي، حريمي و اطفال” و طبعا ال Board ، النضارات ، الزعانف و كل الأدوات
كمان في مطعم بيقدم بيتزا و كريب و وحبات كتير متنوعة كمان في بار مشروبات سخن و ساقع و كل اللي نفسك فيه هتلاقيه
تفاصيل المواعيد و الاشتراك و اي استفسارات
01033329958
العنوان:
داخل جزيرة المعادي، على كورنيش المعادي، امام مستشفى القوات المسلحة

اماكن للعب في زايد – دراغون بارك
أكوا بارك العبور – عنوان ومواعيد وسعر التذكرة
توليب اكوا بارك چويل زهراء مدينة نصر
نايل اكوا بارك الجيزة

ووتر بارك حمام سباحة في المعادى
ووتر بارك حمام سباحة في المعادى
ووتر بارك حمام سباحة في المعادى
وسم :

One thought on “ووتر بارك حمام سباحة في المعادى

Leave a Reply

Your email address will not be published. Required fields are marked *