سفاري وادي الوشواش مغامرة رائعه

سفاري وادي الوشواش مغامرة رائعه

وادي الوشواش
على بعد ساعه بالعربيه من دهب
وتلت ساعه من نويبع
مكان ومغامره لازم اي حد يروح سينا يجربها
عشان توصل للعين اللي في وسط الجبل دي بتسف تراب حرفيا في الصحرا لحد ما توصل
بس هاتنسى كل ده اول ما توصل ومش هاتنسى لحظة ما تشوف العين
الكامبات اللي في نويبع بيطلعوا رحلات بال ٤x٤ لمكان العين وبتمشي في وسط الجبل من نقطة نزولك لحد
وصولك للعين حوالي ساعه بين مشي وتسلق وزحف وكل حاجه ?
تجربه مهم قوي تعيشها ?

توضيح لشوية نقط :
١- لون المايه اخضر بسبب صخور الجرانيت لكن المايه نفسها عذبه وصافيه وانا نزلت وطلعت اليوم ده عشرومية مره وما حصليش اي حاجه منها الحمد لله ? ٢-انا كنت فاكر ان المايه ما بتنشفش بس واضح من تجارب الناس ان في اوقات ما بيبقاش في مايه .. دي تتاكدوا منها اكيد قبل ما تطلعوا من البدو اللي في الكامبات لو قاعد في كامب ، انا كنت قاعد في كامب في نويبع والرحله دي زي النهارده من ٣ سنين
٣- عمق المايه : ٦-٨ متر ولو مش بتعوم هات عوامه معاك بطه بقا كاوتش المهم هات حاجه تشيلك ?
٤- في ارتفاعين للنط واحد عالي قوي وواحد نص نص ( مش فاكر الارتفاع بالامتار ) المهم انك لو مش ناوي تنط يبقا ما تروحش فعلا لان الفكره كلها في شوية الادرينالين اللي هاتاخدهم من الجامب .. وفي مكان للنزول من غير نط عادي .. وكان في سلم عشان تطلع منه ..
٥- – مش كل الناس بتحب المغامره والفرهده اللي فيها ، ممكن تروح مع جروب وما تتبسطش وهم يتبسطوا عادي

نصايح :
١ – لو مش هاتنط تاااااااني ما تروحش او روح بس ما تعلاش قوي بال expectations
٢- لو وزنك زياده قوي برده ما تروحش .. مش هاتعرف تعدي من اخر عائق وهو الصخره ( ضيفت الصوره عشان تتخيلوا )
٣- اتأكد طبعا تاني من البدو ان في مايه ، ولو في اتأكد ان مافيش رحله من مدرسه رايحه عشان ما تتفاجئش بيهم هناك ويبوظ اليوم
٤- ما تطلعش الرحله مخصوص ، لو قاعد في دهب او نويبع اكتر من ٤ ايام خللي يوم منهم لوادي الوشواش
٥- احسن توقيت تبقا هناك الصبح بدري بلاش اخر النهار عشان المكان بيتزحم
٦ – ما تروحش بعربيتك حتى لو ٤*٤ ، اطلع مع فوج او عربيه خاصه بسواق والاوبشنين موجودين في كل الكامبات يالتليفون

ومن هنا هاتعرف
اماكن الفسح في دهب

سفاري وادي الوشواش مغامرة رائعه
سفاري وادي الوشواش مغامرة رائعه
سفاري وادي الوشواش مغامرة رائعه
سفاري وادي الوشواش مغامرة رائعه
وسم : / /

Leave a Reply

Your email address will not be published. Required fields are marked *