اسعار تذاكر مدينة الثلج سيتي ستارز

اسعار تذاكر مدينة الثلج سيتي ستارز

Snow City Egypt
دلوقتي انسب وقت تهرب فيه من الجو الحر ?وتعيش المغامرة التلجية مع حبايبك فى درجة برودة -٣ تحت الصفر ❄️
وكمان حتة أستقبال 25 % بس بتخللى الواحد يحس بالاستمتاع يعنى مفيش زحمة ولا طوابير زى اول ما فتحت ..
نركز مع بعض شويه فى اللى جاى ✋
مدينة الثلج سيتي ستارز الدور الثامن
هندخل نستلم بدلة التلج والجونتى والشراب والboot المخصص للتلج
بعدها هتدخل تغير هدومك وتسيب حاجتك الشخصية فى الlocker الخاص بيك، ومتنساش تلبس الخوذة قبل متدخل.
جاهز لبداية المغامرة، يلا بينا
اول ما تدخل خير اللهم اجعله خير هتلاقي نفسك جوه مكان ابيض * ابيض وكله تلج وكل خطوة رجلك تعمل الصوت اللي هو خشش خشش ❄️❄️

انطلق بقى بعد كده فى الالعاب مع أسرتك
هنبدأ بمنطقة الTube “الزحاليق” واللي فيها ممكن تلعب بTube لوحدك أو فى Double tube مع مراتك أو الأطفال أو تزحلقهم مع بعض ?
نروح بقى على Skidoo ودي اول تجربه لل Jet ski على التلج فى مصر حصرياً فى “Snow City”
وبعدها ندخل على سيارات التصادم “Bumper car” بس المره دي على التلج ? هتسوقها وتلف وتدور بيها هتوديك فى حتة تانية
ده غير كمان لعبة “Carousel” ودي الأطفال بيحبوها أوي وبيبقوا قاعدين مبسوطين فيها وتفضل تلف تلف تلف
نيجي بقى للمغامرة جوه كرة ال” Zorb ball” هندخل جوه كرة التلج العملاقة وتفضل تتشقلب جواها وهي نازله من جبل جليدي ❄️
جه وقت التحدي الكبير ? هتتعلم ? التزلج على الجليد فى “ski school” مع افضل المدربين المحترفين

التصوير
هيبقى قدامك حل من الاتنين يا أما تدخل بموبايلك وتستحمل انك تمشى من غير جوانتى ( بس ده مستحيل ومش هتستحمل أكتر من دقيقة ) يا اما تخلى ال photographer لان الصور دى مهمه وهتبقى ذكرى حلوة ليك فالافضل ان تخللى الناس اللى تصورك.

اول ما نزلت صوري لقيت أصحابى بيكلمونى وعاوزين يروحوا معايا لان فعلا الصور بتبقى حلوة اوى الموضوع ممتع جداً فعلا يوم ميتنسيش، ظبط يوم أجازة كده، خد اسرتك أو حبايبك وهتتبسطوا جدآ هناك.

المواعيد: من 10 الصبح ل 9 بالليل .. اخر دخول الساعة 7 عشان بيقفلو 9

الاسعار:
ساعتين في منطقة الالعاب 285 جنيه
ال 3 ساعات ب 342 جنيه
أو 3 ساعات منهم ساعتين العاب و ساعة التزلج على الجليد مع مدرب ب 399 جنيه ??
وفى خصم ٢٥٪؜ لفترة بس الخصم دة مش سلرى فى الاعياد او العطلات الرسمية

رقمهم: 01114250014
العنوان: سيتي ستارز مول، الدور الثامن في المرحلة الاولى أقرب بوابة هى بوابة رقم 5

وفى مكان اخر و الاطفال بتحبه تقدر تعرفه من خلال الرابط التالى
خروجة حديقة الأسرة بالرحاب

اسعار تذاكر مدينة الثلج سيتي ستارز
اسعار تذاكر مدينة الثلج سيتي ستارز
اسعار تذاكر مدينة الثلج سيتي ستارز
اسعار تذاكر مدينة الثلج سيتي ستارز
اسعار تذاكر مدينة الثلج سيتي ستارز
وسم : / /

Leave a Reply

Your email address will not be published. Required fields are marked *