بارك الكامبو على النيل

بارك الكامبو على النيل

المكان : IL CAMPO park
ازاي تقضي يومك كله فرح زي الناس دي هتشوي و تركب كياك في النيل و تجرب ال WaterBike و تصطاد و Activities تاني مختلفة ? ده ممكن تكسب PlayStation 4 كمان ?
تجهز لحمتك المتبلة اللى هتشويها
وتاخد صنارتك معاك وتجهز نفسك علشان تقضى يوم ملوش مثيل
الكامبو عبارة عن ارض كبيرة على النيل كلها زرع و شجر متقسمة قعدات،

كل قعدة ليها مساحة خاصة حواليها عشان الخصوصية و فيها شواية بالفحم بتاعها جاهزة على الاستخدام على طول، كل اللي هتعمله انك تتبل و تجهز شوية كفتة و فراخ و كام رغيف حواوشي قبلها بيوم و تروح تستمتع مع اسرتك و اصحابك
هم أستغلوا ان المكان على النيل فعملوا معظم الانشطة واللعب بشكل ذكي جدا ومرتبط بالنيل
، زى “الكياك” اللي هي المراكب الصغيرة اللي بتركبها و تفضل تقدف يمين و شمال بالمجداف
و وطبعا كاشتراطات امان لازم اي حد يركبها يلبسlife jacket،

و في كمان حاجة جديدة عندهم اسمها الدونت بوت، دي عبارة عن مركب على شكل دونت (تكفي 4 افراد) وفيها محرك كاتم للصوت بتركبها تتفسح بيها في النيل من غير دوشة،

في كمان حاجة عاملة زي العجلة كدة و البدال بتاع زمان، كل الانشطة دي ممكن تختار اللي يناسبك منها و حسب نوع ال Ticket اللي بتدخل بيه

فى كمان حاجة حلوة اوى ممكن تجيب صنارتك او تأجر من هناك صنارة بالطُعم و كل حاجة و تقعد عالنيل تلبس سماعاتك و تصطاد بروقان كدة،

القعدة عالنيل نفسها ممتعة جدا خصوصا ان هيبقى قصادك 3 الوان، السما زرقاء و قصادك جزيرة في نص النيل كلها زرع اخضر، و اشعة الشمس بتتعكس على سطح النيل بيبقى لونها دهبي جميل، و ساعة المغربية صوت العصافير بيبقى ملحوظ جدا .. المود دا كله كدة ممتع جدا

فى اكتر من حاجة ببلاش بتستخدمها زى لوكيشن للتصوير علشان تاخدوا شوية صور وذكريات زى الفل و ممكن كمان لو حبيت تيجي تصور Photo session بس تتصل بيهم و تحجز اليوم اللي يناسبك

ومن الحاجات اللى ببلاش كمان الكيدز اريا عشان الاولاد يتنططوا في الترامبولين و يقضوا وقتهم زحاليق و مراجيح و انت تستمتع بالقعدة و تركز في الشوي عشان الاكل يطلع مظبوط?

ملعب كرة يد “للكبار” لو حبيت تقوم تلعب مع اصحابك شوية، و نفس المكان فيه شاشة سينما و سماعات كبيرة بيتعرض عليها بالليل افلام كارتون، افلام عربي، اجنبي او ماتشات الكورة لو في ماتش مهم

عندهم بار صغير .. البار دا هتلاقوا فيه كل حاجة ممكن تحتاجوها و انتم هناك و اسعاره بتبدأ من 10 جنيه و اغلى حاجة فيه ب 35 جنيه، و اكيد هتحتاج تطلب منه حاجة و انت عامل حفلة الشوي

كمان هتلاقي حواليك نخل طارح بلح، ممكن تطلب انك تشتري منه 5 كيلو 10 كيلو زي ما تحب و في كمان مانجا و ذرة و كل دي حاجات مزروعة organic في الكامبو

الاسعار بتبدأ من 182 جنيه للكبار و 125 جنيه للاطفال و اي طفل اقل من 4 سنين مبيتحسبش، و في كذا باكدج للاسعار حسب الانشطة اللي هتختارها، و تذكرة الطلبة ب 60 جنيه ( القعدة عند البار بس)

رقم الحجز: 01093455959 – 0238098787

العنوان: الجيزة، بعد نزلة الدائري في اتجاه المنيب او نزلة البحر الاعظم عند يافطة اهلا بيك في ابو النمرس، قريب جدا من محطة مترو المنيب، و ممكن كمان تركب نايل تاكس من مرسى حكاوي على كورنيش المعادي بس دا بالحجز قبلها

شاهد ايضا
منتجع الحمرا إيكولودچ

بارك الكامبو على النيل
بارك الكامبو على النيل
بارك الكامبو على النيل
بارك الكامبو على النيل
بارك الكامبو على النيل
وسم : / /

Leave a Reply

Your email address will not be published. Required fields are marked *