خروجة جزيره هيسا بأسوان

خروجة جزيره هيسا بأسوان

أحلى جزيرة
انا بالنسبالى أحلى جزيرة روحتها هى جزيرة هيسا فى اسوان . مختلفة عن اى جزيرة تانية بره مصر زورتها
الحياة فيها طبيعية وبسيطة فوق ما تتخيلوا
الجزيرة وسط المياه ملهاش وسيلة مواصلات غير المراكب . يعنى مش هتسمعوا اى صوت سيارات ولا اى مواصلات خالص . البيوت كلها فوق الجزيرة بتشوف النيل من كل اتجاه . استجمام رهيب وممتع
ده غير طيبة اهل الجزيرة النوبيين وكرمهم اللى لا يوصف وضحكتهم اللى طالعة من القلب
بتأجر بيت من بيوتهم ونعيش فيه ٣ او ٤ ايام
وهما بيقعدوا فى اوضة صغيرة جنب البيت
وبيعملوا الأكل لينا طول اليوم . واوقات بييجوا يقعدوا معانا يحكولنا عن تاريخ النوبة ويعرفونا عاداتهم وتقاليدهم . واطفالهم طول الوقت بيلعبوا مع اطفالنا
وكمان بيعلمونا شوية كلمات نوبى نستعملها مع اهل الجزيرة لما نتمشى فيها
زى مثلا
صباح الخير ( رايج ريه )
مفيش فلوس ( دوجو دامنوا )
معايا فلوس ( دوجو ديجريما ) وهكذا
ولو عاوزين تعملوا برامج فى اسوان صاحب البيت بيعملهالكم بالمراكب وترجعوا اخر اليوم تانى ع البيت . كمان ممكن تاخدوا هدايا وانتو رايحين الجزيرة . زى لعب للاطفال . ملابس لاهل النوبة مثلا . حاجة كده تدخل الفرحة لقلوبهم
بالنسبالى الجزيرة اللى تعجبنى هى اللى ارجع منها بثقافات وعادات عرفتها واتعلمتها عليها
جزيرة هيسا فى اسوان تروحوها فى الشتا مش فى الصيف . وهناك الجو دافى جدا وممتع
طيب ازاى تروحوها ؟
بتروحوا اسوان بالقطر او الباص او طيران
وصاحب البيت اللى متفقين معاه بييجى ع المحطة ياخدكم بمواصلة لحد مرسى مراكب الجزيرة
والمركب تعدى النيل لحد ماتوصلوا الجزيرة
لو جربتوها مرة هتروحوا هناك كل سنه
بالنسبالى ده أجمل مكان فى مصر وقت الشتا
وبس

تعرف ايضا على
افضل برنامج لرحلة الاقصر واسوان

خروجة جزيره هيسا بأسوان
خروجة جزيره هيسا بأسوان
خروجة جزيره هيسا بأسوان
خروجة جزيره هيسا بأسوان
خروجة جزيره هيسا بأسوان
وسم : /

Leave a Reply

Your email address will not be published. Required fields are marked *