FUNTOPIA فانتوبيا

FUNTOPIA فانتوبيا

FUNTOPIA
المكان الأمثل للأطفال من سن 22 ولغاية ال70 ??
كل أما ننزل مكان لعب للأطفال نلاقى كل الكومنتات جاية طيب الأطفال اللى فى التلاتينات اولاربعينات ملهاش نفس تفرح وتلعب
جبنالكم المكان الكنز دة اللى نقدر نقول أنه مناسب لكل الفئات العمرية …
يعنى تاخد مراتك وولادك وتطلعوا كلكم تلعبوا مع بعض سواء بقى تمسكوا مسدسات وتخشوا حرب ولا تقتلوا ديناصورات ووحوش …
أو لو أنتم شلة أصحاب هتلاقوا البهجة والفرحة فى قلوبكم ومش بعيد تجروا ورا بعض فى المكان ?‍♂️?‍♀️
أو تخشوا تلعبوا شوية بولينج بجد وحق وحقيقى ( على فكرة البولينج دة متعه جدا ) ولو أنت ملعبتش قبل كدة بولينج هما يدوبك رميتين تلاته وتظبط الزاوية وهتلاقى نفسك بقيت لعيب وتقدر تخش بطولات ( مش اوى كدة يا عم )
خلصتوا الكلام ده كله تنزلوا بقى تطنطوا على أكبر ترامبولين ممكن تشفوها ..يدوبك ربع ساعه من التنطيط والفرهده وهتلاقى نفسك سخنت أنك تطلع تركب موتسيكل ولا تلعب سباق أو بلياردو .. ( على فكرة الألعاب بتبدأ ن 20 جنية )
وجيم البولينج ب 60 جنية
المكان ده مثالى فعلا .. أنت تشوف صاحبك ولا اللى هتروح معاه وتجيبوا كارت وتشحنوه بالفلوس اللى معاكم فى جيبكم والأكيد أنك هتتبسطوا وهتلعبوا وهتقضوا يوم هتفضلوا فاكرينه علطول .. وخليك فاكر شحنك للكارت ده باسبورر مرورك للعب والبهجة من تانى
طيب أنت معاك ولادك بس عاوز تسيبهو تلعب أنت ومراتك فى الالعاب لوحديكم وترجعوا ايام الخطوبة ولا الطفولة تانى ? هتسيبوهم فى أكبر كيدز أريا شوفناها حوالى 800 متر ومن كتر ما هى كبيرة واللعب فيها مبتخلصش مش هيزهقوا ولا هيزنوا أنهم كل شوية عايزينكم ومتقلقش مينفعش الاطفال تخرج ألأ لما أنت شخصيا تروح تستلمهم
الكيدز أريا بتاعت الاطفال دى الساعتين ب 120 واليوم كامل ب 200 ( على فكرة الاسعار دى لفترة ألحقوها لان اساسا الساعه ب ١٢٠ فى العادى )
العنوان : مزار مول – الشيخ زايد
التليفون : 01099997826

وفى مكان اخر و الاطفال بتحبه تقدر تعرفه من خلال الرابط التالى
اسعار تذاكر مدينة الثلج سيتي ستارز

FUNTOPIA فانتوبيا
FUNTOPIA فانتوبيا
FUNTOPIA فانتوبيا
FUNTOPIA فانتوبيا
FUNTOPIA فانتوبيا
وسم : / /

Leave a Reply

Your email address will not be published. Required fields are marked *