أسرار قصر البارون إمبان

أسرار قصر البارون إمبان

اخيرا تم افتتاح قصر البارون رسمياً للجمهور
ودخلناه علشان نجيبلكم كل تفاصيل لقصر البارون بعد الترميم

فعلا قصر بمعنى الكلمة .. كل التفاصيل في كل شبر روعة، و قصر البارون تحديداً يعتبر تحفة معمارية تجمع بين فن العمارة الهندي و الاروبي

هتلاقي في كل ركن تماثيل مرمرية لرموز هندية زي الافيال و الراقصات الهنديات و فرسان شايلين سيوف و كائنات اسطورية زي التنانين “جمع تنين” و نقوش فنية على السقف و الجدران من داخل و خارج القصر
القصر عمره اكتر من 100 سنة و بيتكون من دورين و البانوراما اللي فيها قبة كبيرة و برج مصمم على قاعدة بتتحرك دورة كاملة كل ساعة (دا تصميمه بس هو ثابت حاليا)
القصر مصمم بحيث ان الشمس متغيبش عنه و فعلا اي مكان تدخله في القصر هتلاقي فيه نور الشمس

نصيحة
خد لفة كاملة للقصر من برة، اغلب الناس متجمعين عند مدخل القصر مع إن الجزء اللي يعتبر ضهر القصر لايقل جمال عن الواجهة

سعر التذكرة 20 جنيه .. تذكرة البانوراما ب 20 جنيه و دخول الكاميرا ب 50 جنيه و التصوير بالموبايل مجانا

طبعا في اهتمام شديد بالاجراءات الاحترازية بيتم مراعتها في دخول الزوار

اولا و انت داخل بيقيسوا درجة حرارتك، و داخل القصر ممنوع دخول اكتر من 10 اشخاص في نفس الوقت .. المختصين عن القصر بينظموا الموضوع دا بطريقة منظمة جدا و من الملاحظ بصراحة إن تعاملهم مع الزوار بيتم بطريقة لبقة و محترمة جدا

مدة جولة الزيارة كلها المفروض انها متزيدش عن 45 دقيقة بشكل عام مش هتحتاج وقت طويل لان القصر نفسه مش كبير اوي بس كل ركن فيه مليان تفاصيل فنية

مواعيد الزيارة من 9 الصبح للساعة 6 مساء
بس اعمل حسابك ان من الساعة 5 ونص كدة بيبدأو ينظموا خروج الزوار لتجنب اي ازدحام في وقت الخروج
و من يوم 15 يوليو مواعيد الزيارة هنتنهي الساعة 5 مساء

تعرف ايضا على
الهرم الأحمر من الداخل

أسرار قصر البارون إمبان
أسرار قصر البارون إمبان
أسرار قصر البارون إمبان
أسرار قصر البارون إمبان
أسرار قصر البارون إمبان
وسم : / /

Leave a Reply

Your email address will not be published. Required fields are marked *