ازاي تنبسط في اسكندريه

ازاي تنبسط في اسكندريه

ازاي تنبسط في اسكندريه فاسكندريه قادره انها تبسطك ❤
جهز معدتك وخليك نشيط معايا للاخر عشان هتلف اسكندريه كلها في الكام اليوم بتوعك وماتكسلش عشان تنبسط وبكدا ماتكونش سقطت حاجه!!! لعشاق الرواقه والمزاج العالي واولا كدا ماتقعدتش في فندق.. ماتقعدتش في فندق?

1 بدال ماتدخل مطعم سمك يضحك عليك بخدمه وتتخيط والاكل مش هيكفيك ولا هيظبطك ممكن وهيكون مجمد ومش طازه.. انت هتنزل ابو قير تختار وتنقي السمك بنفسك وبالاحجام اللي انت عايزها والاسعار علي قفا من يشيل وتختار بنفسك المكان او الفيو اللي هتاكل فيه.. وفيه مكان جنب مطعم زافريون علي طول في ابو قير هو المفروض شط بس هما مشغلينه كافيه في قدام الحكومه كافيه.. عشان الكافيه معانا والشط علينا ? ماحدش فاهم حاجه. ??

2 هتفطر عند احسن واحد في اسكندريه وفي مصر كلها ممكن فطرت فيه في حياتي (عم زغلول) في 22 شارع حسن العدوي. الازاريطه. الشاطبي وهتنزل من بحري في الشاطبي وعند تحديدا اشاره سوتر قول للسواق كدا هيا مشهوره وتكمل من الجي بي اس هتلاقيه موجود عليه تروح هناك تطلب سرفيس انت وصاحبك واوعي وماتنساش تقولوا زود حاجتين فلافل بالاسكندراني او اسمها طعميه محشيه ودي بتكون محشيه جبنه كيري.? وتزود جبنه مقليه جبنه مقليه رومي او تركي علي لسان الاسكندرانيه محشيه بالسبطرمه واتظبط واتكيف وادعيلي ان لاقيت فطار احسن منه فطرته في حياتك. ?

3 هتروح تقعد في جليم باي وافصل ليك تروحي بدري بعد العصر مثلا عشان تحلق مكان لانه في الغالب كله كومبليت احدث وانضف مكان في اسكندريه للكافيهات وقاعده محترمه وفيو نضيف وعالمي زيه زي اوروبا سواء هتقعد في lemons او vet او aroma دا بالترتيب من الاقرب للكورنيش للعمق جوه في البحر عن نفسي قعدت جوه في اروما مع اني كنت بفضل ليمونز بس كان كومبليت

4 هتتعشي عند المهدور حقه وهو احمد سيف الدين واسال اي اسكندراني عليه زيه زي البان سويسرا كدا ساندوتشات سجق او سدق باللبن او سوسيس او بسطرمه ..الخ كله باللبن بس اللي كتبهوملك دول بالترتيب افضل الساندوتشات عنده انا جربت كله هتلاقيه في بحري امام قهوه الفاروق القهوه الاشهر في اسكندريه تجيب منه وتحلي من عند ولازم تجيب رز بلبن وتقعد عند قهوه السمان ماتقعدتش علي الفاروق لان السمان علي الكورنيش مباشرا وفيها راحه نفسيه. ❤

5 هتروح تاكل عند فرج ابو خالد في المرسي ابو العباس هتنزل قدام الجامع وتمشي يمين اتجاهه الترام من قدام الجامع كانك رايح بحري من ناحيه الجامع. كل الناس بتجري علي الفلاح بس الراجل دا مهدور حقه مش بقلل من الفلاح اطلاقا هو التوب بس الراجل دا جنبه مظلوم وهتطلب عنده بالظبط كبده بتلو و مخ بالزبده وسجق مشوي ساندوتشات.. يقال انه الاطباق عنده افضل بس عشان تنوع وتاكل انواع كتير اي ساندوتشات عنده عاديه مش واو

6 هتروح طبعا طبعا عند الفلاح اللي في محطه الرمل دي لا مفر منها تطلب ليك كام ساندوتش علي كام فلفل علي ليمون علي ماتروح تكمل عشا في البيت. ?

7 هتروح بعد معمعه وحيد الفلاح والشطا دي تتطري علي قلبك وصحتك طبعا تروح للشيخ وفيق في بحري ماينفعش تكون في اسكندريه وماتطلبش من الشيخ وفيق حتي لو واكل من عزه او من احمد سيف او من اي حد مكسرات الشيخ وفيق بتتكلم عن نفسها

8هتعوز تقعد طبعا بالنهار وتقولي انا زهقت من جليم باي او لو حابب انوع طبعا موجود الكافيه الخطير كأنك قاعد في قلب البحر ودا اكتشاف بلو مارين او blue marine في المندره امام مجمع البنوك العربي الافريقي و التجاري وفا و qnb هو قدامهم علي طول اقعد واتبسط واحلي فيو فيكي يا اسكندريه فيو لوحده كفيل بازاله الهموم والراحه النفسيه كلها

9 عن نفسي من وانا صغير ماينفعش اكون في اسكندريه وماكلش عند احسن محل في اسكندريه وفي مصر حسني للمشويات في المندره وهو احسن من صبحي كابر والبرنس في المشويات من وجهه نظري حيث الخدمه والنضافه والتعامل وفي نفس الوقت الاسعار مش عاليه اوي بالنسبه للمقابل هتروح تطلبك ليك تلت كباب بتلو عباره عن لحمه و ريش فقط انضف حاجات عنده ولارم لازم نجيب جنبهم طبق ملوخيه عاوز تضيف كفته هات هيا كويسه جدا عنده يعني في العادي مش باكل كفته بس بطلبها عنده او عند صبحي لانها طعمه عندهم
اهم حاجه تجيب بتلو ها بتلو بالرغم اني بفضل الضاني بس عند حسني هات بتلو..

10 كشري التحرير افضل كشري في مصر وافضل من اي كشري في القاهره في خالد بن الوليد.

اخر حاجتين دول مش ضرورين اوي ومش كل الناس هتحب تعملهم بس هما هيساعدوك علي الانبساط ممكن تروح تركب مركب او لانش او حتي ياخت اليخت مش غالي ب600 جنيه وبيساعي ل35 فرد بس هيتاخد منك البطايق في المينا عند القلعه قبل ماتدخل عشان تعمل تصريح او مكام تاني في البرويفاج في ميامي تأجرلك لفه بالمركب او بالانش بالمتور
كام حاجه كدا عشان انا عارف الناس هتسال فيهم فقولت اسبق..هيجي واحد يقولك هيا الشواطئ فاتحه فعليا لا عمليا بالحب. ?يعني ممكن تقعد في كافيه جوه بحر وانت علي الشاطئ اصلا بس قدام الشرطه والحكومه انت قاعد في كافيه يعني اعمل نفسك ميت.?لان الكافيه معانا والشط علينا. ?? فيه 3 شواطئ في اسكندريه فاتحيم بالكامل بس بطريقه غير شرعيه. ? بمعني بتكون شواطئ تيع فنادق فبيستغلوا شغف الناس بالميه وتلاقيهم بيندهه عليك يقولك تعالي وانت ماشي وب100 جنيه الفرد والكلام دا موجود في شاطئ العصافره المميز وفي شاطئ عمارات العصافره او شاطئ القوات المسلحه في البرويفاج من اول البرويفاج كدا لبعد ميامي وانت رايح المندره هتلاقي ال3 شواطئ دول فيهم ناس بس لا هتحب المنظر ولا هترتاح بسبب الزحمه الاوفر الرهيبه انا عن نفسي مدخلتش دا غير مناظر غير متسحبه هتشوفها ولا هتعرف ترتاح ولا تروق بالك وبعض المناظر مقذذه لواحد جاي يسترخي …

ماتنساش العشر حاجات دول تعملهم وتدعيلي وتفتكرني بالخير بس مش اكتر. وربنا يسعد ويروق بال الجميع ويخفف عنا ضغط الشغل والمسئوليات وكبت الحياه. ??❤

تعديل

1 الناس اللي بتسأل علي مكان اكله السمك شط جنب محل زافريون بتاع السمك في ابو قير مشهور جدا هو كافيه قدام الشط والاكله جايبها من ابو قير من سوق السمك وتعملها عندهم عند اللي انت شاري منهم واللي عاوز كارت المحل اللي انا عامل عنده يكلمني ابعتله الكارت بتاع المحل وهما كلهم ممتازين جدا في السوق…

2 محل المشويات اسمه حسني ومكانه في المندره اسهل من النار علي العلم

3 عم زغلول موجود في 22 شارع حسن العدوي في الازاريطه في الشاطبي هتنزل عند اشاره سوتر لو جاي من بحري عند مجمع الكليات وهو موجوذ علي الجي بي اس متقلقش بس هتمشي شويه…

4 عشان الناس بتقول فين الفسح ؟! ارشح ليك التمشيه في محطه الرمل بليل وتتمشي في الكورنيش بليل في بحري عند المرسي ابو العباس كدا. ووممكن المنشيه بالنهار لو حابب الجو الشعبي ? وتقدر تتفسح في المنتزه وتتصور الصور العالميه هناك اجمل مكان صور في اسكندريه
و من هنا هاتعرف أحسن أماكن في إسكندرية

ازاي تنبسط في اسكندريه
ازاي تنبسط في اسكندريه
ازاي تنبسط في اسكندريه
ازاي تنبسط في اسكندريه
ازاي تنبسط في اسكندريه
ازاي تنبسط في اسكندريه
وسم : /

Leave a Reply

Your email address will not be published. Required fields are marked *